പിപഠിഷു

സച്ചിന്‍ - ദ്രാവിഡ്‌; മാതൃഭൂമിയിലെ പിച്ചും പേയും.

2011-12-17T15:25:00.001+05:30

മാതൃഭൂമി സ്പോര്‍ട്സ് മാസികയില്‍ പുതുതായി ആരംഭിച്ച പംക്തിയാണ് ഇ ബി ടി എബ്രഹാം കൈകാര്യം ചെയ്യുന്ന 'പിച്ചും പ്ലേയും'! ആദ്യ ലേഖനത്തില്‍ നിന്നു തന്നെ മനസ്സിലായത് ഇത് പിച്ചും പേയും എഴുതി വയ്ക്കാനുള്ള ഒരിടം ആണ് എന്നതാണ്! അവസാനത്തെ ക്ലാസ്സിക് ക്രിക്ക്കെട്ടെര്‍ എന്ന പേരില്‍ രാഹുല്‍ ദ്രാവിഡിനെ പൂജിച്ച് എഴുതിയ ആദ്യ ലേഖനം മാധ്യമ പ്രവര്‍ത്തനത്തിന് സംഭവിച്ചിട്ടുള്ള മൂല്യച്യുതിയ്ക്ക് ഉത്തമ ഉദാഹരണം ആണ്.

രാഹുല്‍ ദ്രാവിഡ്‌ മഹാനായ ഒരു ബാറ്സ്മാന്‍ ആണ്. അതിലുപരി മഹത്തായ ഒരു വ്യക്ത്വിതത്തിനു ഉടമയായ മനുഷ്യനാണ്. ക്രിക്കെറ്റ് ലോകം കണ്ടിട്ടുള്ള മഹാന്മാരായ കളികാരില്‍ ഒരാള്‍ ആണ് അദ്ദേഹം. ക്രിക്കെറ്റ് ജീവവായു ആയ ഇന്ത്യയില്‍ നടക്കുന്ന ഏതു കാര്യത്തില്‍ കയറി ഇടപെട്ടാലും അദ്ദേഹത്തിന്റെ അഭിപ്രായങ്ങള്‍ക്ക് വില കിട്ടും. അനാവശ്യകാര്യങ്ങളില്‍ ഇടപെടാതെ, മാധ്യമങ്ങളില്‍ അധികം പ്രത്യക്ഷപ്പെടാതെ, കരീര്‍ മുന്നോട്ടു കൊണ്ടുപോവുന്ന ഒരാള്‍ ആണ്. ഇതെല്ലം കൊണ്ടാണ് രാഹുല്‍ ദ്രാവിഡ്‌ എന്ന മനുഷ്യനെ രാഹുല്‍ ദ്രാവിഡ്‌ എന്ന കളിക്കാരന്‍ എന്നതിലുപരി ഞാന്‍ ബഹുമാനിക്കുന്നത്. ഒരു വ്യക്തി എന്ന നിലയില്‍ ഇക്കാര്യത്തില്‍ എന്റെ ഇഷ്ട കളികാരന്‍ സച്ചിനെകാള്‍ മുകളില്‍ ഞാന്‍ കാണുന്നത് ദ്രാവിഡിനെ ആണ്.

പക്ഷെ രാഹുല്‍ ദ്രാവിഡ്‌, ലക്ഷ്മണ്‍ എന്നീ രണ്ടു കളിക്കാരെ പറ്റി നല്ലത് എന്തെങ്കിലും പറയണം എങ്കില്‍ സച്ചിന്‍ തെണ്ടുല്‍കര്‍ എന്ന മനുഷ്യനെ പറ്റി മോശമായി എന്തെങ്കിലും പറഞ്ഞേ പറ്റൂ എന്ന അവസ്ഥയ്ക് മാറ്റം വരണം. കഴിഞ്ഞ പത്തു വര്‍ഷമായി കേള്‍ക്കുന്ന വിലാപം ആണ് ദ്രാവിഡിന് പരിഗണന കിട്ടുന്നില്ല, ലക്ഷ്മണിനു പരിഗണന കിട്ടുന്നില്ല എന്നത്. ഒരു കാര്യം ചോദിച്ചോട്ടെ? സച്ചിന് അമിത പ്രാധാന്യം കൊടുക്കുന്നു എന്ന് പറയുന്ന ഇതേ മാധ്യമങ്ങള്‍ തന്നെയല്ലേ, ദ്രാവിഡോ ലക്ഷ്മണോ ഒരു കളി നന്നായി കളിച്ചാല്‍ ഉറപ്പായും അടുത്ത ദിവസം ഈ വിലാപം എഴുതി വിടുന്നത്? സത്യത്തില്‍ ഈ വിലാപം ആണ് കേട്ട് മടുത്തത്...!

ഇനി ആ ലേഖനത്തിലേക്ക് വരാം. സര്‍വ്വശ്രീ എബ്രഹാം എഴുതി പിടിപ്പിച്ചിരിക്കുന്ന രീതിയാണ് രസകരം. ഉള്ളത് പറയണമല്ലോ മാതൃഭൂമി പോലെ നാലുപേര്‍ പേര്‍ വായിക്കുന്ന മാസിക ആയതു കൊണ്ടാവണം, തന്റെ ആരാധ്യ പുരുഷനെ പൂജിക്കാന്‍ ഇല്ലാത്ത കണക്കുകള്‍ ഒന്നും പടച്ചു വിട്ടിടില്ല. എന്നാല്‍. ദ്രാവിഡിന് ദോഷകരമായ കണക്കുകള്‍ പലതും മറച്ചു വയ്ക്കുന്നു. സച്ചിന് എതിരെ എഴുതുമ്പോള്‍ കണക്കുകള്‍ക്ക് പകരം വായനക്കാരോട് ഒരു ചോദ്യമാണ്... ഉദാഹരണം: "നിര്‍ണായക അവസരങ്ങളില്‍ സച്ചിന്‍ എത്ര തവണ സെഞ്ച്വറി അടിച്ചിട്ടുണ്ട്...?" ആ ചോദ്യത്തിന് ഉത്തരം എന്റെ കയ്യില്‍ ഉണ്ട്. എത്ര അവസരങ്ങള്‍ വേണമെങ്കിലും ഞാന്‍ പറഞ്ഞു തരാം. പക്ഷെ അത് വായിക്കുന്ന ഒരു ശരാശരി വായനക്കാരന്‍ കരുതുന്നത് എന്താവും? കുറെ എഴുതി പിടിപ്പിച്ചു കഴിഞ്ഞപ്പോള്‍ ഒരു ഉള്‍വിളി ഉണ്ടായത് പോലെ ഒരു കാര്യം പറഞ്ഞിട്ടുണ്ട് ഈ മാന്യദേഹം... "രാഹുല്‍ ദ്രാവിഡിന്റെ മഹത്വം വിവരിക്കാന്‍ സച്ചിന്‍ തെണ്ടുല്കരെ ഇകഴ്ത്തികാണിക്കുന്നതായി കരുതരുത്" ഇപ്പോള്‍ കാര്യങ്ങള്‍ ഏകദേശം മനസ്സിലായി കാണുമല്ലോ!

സച്ചിന് കൊടുക്കുന്ന പ്രാധാന്യത്തിലെയ്ക് വരുന്നതിനു മുന്‍പ്‌ എബ്രഹാം സാറിന്റെ ചില ചോദ്യങ്ങള്‍ക്ക് ഞാന്‍ ഉത്തരം തരാം. അത് കഴിഞ്ഞ് കുറെ ചോദ്യങ്ങള്‍ എനിക്കും ഉണ്ട് ചോദിക്കാന്‍...

____________________________________________________________________________

ചോ: സച്ചിന്‍ ദ്രാവിടിനെക്കാള്‍ 24 ടെസ്റ്റുകള്‍ അധികം കളിച്ചിട്ടുണ്ട്. 53 ബാറ്റിംഗ് ശരാശരിയുള്ള ദ്രാവിഡ്‌ സച്ചിന് തൊട്ടടുത് അല്ലെങ്കില്‍ അതിനു മുകളില്‍ എത്തുകയില്ലായിരുന്നോ? എന്നതാണ് ആദ്യ ചോദ്യം.

ഉ: 24 ടെസ്റ്റുകള്‍ ആയിരിക്കാം, എന്നാല്‍ സച്ചിന്‍ ദ്രവിടിനെക്കാള്‍ വെറും 25 ഇന്നിങ്ങ്സുകളെ അധികം കളിച്ചിട്ടുള്ളൂ. അതായത് 24 ടെസ്റ്റുകള്‍ എന്ന് വച്ചാല്‍ വായിക്കുന്ന സാധാരണക്കാരന്‍ ആലോചിചെടുക്കുക 48 ഇന്നിങ്ങ്സുകള്‍ ആവും. ഒരുകാര്യം കൂടെ ഓര്‍ക്കുക; ബാറ്റിംഗ് നിരയില്‍ ദ്രാവിഡ്‌ മൂന്നാം സ്ഥാനത്തും സച്ചിന്‍ നാലാം സ്ഥാനത്തും ആണ് സ്ഥിരമായി കളിക്കുന്നത്. ഈ 25 ഇന്നിങ്ങ്സുകളില്‍ സച്ചിന് 2190 റണ്‍സുകളും 16 ശതകങ്ങളും അധികം ഉണ്ട് എന്നത് എബ്രഹാം സാറിനു ഒരു കാര്യമേ അല്ല.

____________________________________________________________________________

ചോ: മൊത്തം നേടിയ 51 സെഞ്ച്വറികളില്‍ 20 എണ്ണം മാത്രമല്ലെ ഇന്ത്യ ജയിക്കാന്‍ കാരണം ആയുള്ളൂ...?

ഉ: ഒരു ടീം ഗെയിം ആണ് ക്രിക്കെറ്റ് എന്നറിയാത്ത 'പ്രതിഭ'കളെയാണോ മാതൃഭൂമി ക്രിക്കെറ്റ് ലേഖകരായി നിയമിച്ചിട്ടുള്ളത്? ഇതേ ചോദ്യം അങ്ങോട്ട്‌ ചോദിക്കട്ടെ മിസ്ടര്‍ എബ്രഹാം? ദ്രാവിഡ്‌ നേടിയ 35 സെഞ്ച്വറികളില്‍ വെറും 14 എണ്ണത്തില്‍ അല്ലേ ഇന്ത്യ ജയിച്ചുള്ളൂ? അതിനു എന്താണ് താങ്കള്‍ക്ക് പറയാനുള്ളത്? ദ്രാവിഡിനെകാള്‍ വേഗത്തില്‍ സ്കോര്‍ ചെയ്യുന്ന ബാറ്സ്മാന്‍ ആണ് സച്ചിന്‍ എന്നതും താങ്കള്‍ക്ക് അറിയാം. അപ്പോള്‍ ആ തോല്വികള്‍ക്ക് സച്ചിന്‍ എങ്ങനെ കാരണക്കാരന്‍ ആവും?

____________________________________________________________________________

ഏറ്റവും രസകരമായ ചോദ്യം ഇതാണ്

ചോ: കഴിഞ്ഞ ഇംഗ്ലണ്ട് പര്യടനത്തിനു മുന്‍പ്‌ ദ്രാവിഡ്‌ സെഞ്ച്വറി അടിച്ച ഒരു ടെസ്റ്റിലെ ഇന്ത്യ തോറ്റിട്ടുള്ളൂ. ഇത് എത്ര പേര്‍ക്ക് അവകാശപ്പെടാന്‍ ആവും?

ഉ: കഴിഞ്ഞ ഇംഗ്ലണ്ട് പര്യടനത്തോടെ ആ സംഖ്യ ഒന്നില്‍ നിന്ന് ഒറ്റയടിക്ക് 4 ആയി. അത് സമര്‍ത്ഥമായി മറച്ചു പിടിക്കാന്‍ എബ്രഹാം സാറിനു സാധിച്ചു! സച്ചിന്‍ സെഞ്ച്വറി അടിച്ച 11 കളികളില്‍ ഇന്ത്യ തോറ്റു. ഈ 11 കളികളില്‍ ദ്രാവിഡ്‌... അല്ലെങ്കില്‍ വേണ്ട, വേറെ ആരെങ്കിലും സച്ചിന് പിന്തുണയോടെ കൂടെ നിന്നിരുന്നെങ്കില്‍, സെഞ്ച്വറി അടിച്ചിരുന്നെങ്കില്‍ ഇന്ത്യ തോല്‍ക്കുംയിരുന്നോ? ഈ തോറ്റ 11 കളികള്‍ നിര്‍ണായക അവസരം അല്ലായിരുന്നോ? ആ സമയത്ത് ഈ രക്ഷകന്‍ ദ്രാവിഡ്‌ രക്ഷിച്ചില്ലേ? ഈ ഇംഗ്ലണ്ട് സീരീസില്‍ സംഭവിച്ചത് തന്നെയാണ് ആ 11 ടെസ്റ്റുകളിലും സംഭവിച്ചത്. തോറ്റ 4 ടെസ്റ്റുകളില്‍ ദ്രാവിഡ്‌ അടിച്ച സെഞ്ച്വറികള്‍ മഹത്തായ സംഭവം ആവുന്നു... തോറ്റ 11 ടെസ്റ്റുകളില്‍ സച്ചിന്‍ അടിച്ച സെഞ്ച്വറികള്‍ക്ക് പഴം തുണിയുടെ വിലപോലും ഇല്ല. ഇതല്ലേ മിസ്ടര്‍ താങ്കള്‍ ദ്രാവിടിനെതിരെ എന്ന് പറഞ്ഞു വിലപിക്കുന്ന ഇരട്ടതാപ്പിനെക്കള്‍ വലിയ ഇരട്ടത്താപ്പ്?

____________________________________________________________________________

എനിക്ക് മാതൃഭൂമിയോട് സഹതാപം തോന്നിയ വരികള്‍ ആണ് അടുത്തത്.

ചോ: നിര്‍ണ്ണായക അവസരങ്ങളില്‍ 'മാസ്റ്റര്‍ ബ്ലാസ്ടര്‍' പതറുന്ന അനുഭവമാണുള്ളത് . 1999 മദ്രാസ് ടെസ്റ്റ്‌ റിപ്പോര്‍ട്ട്‌ ചെയ്യുമ്പോള്‍ ഇത് നേരിട്ട് കണ്ടയാളാണ് ലേഖകന്‍. അന്ന് കണ്ട നിലയില്‍ നിന്ന് ഒരു മറ്ച്ച്വിന്നെര്‍ എന്ന നിലയിലേക് വളരാന്‍ ഈ മഹാപ്രതിഭയ്ക്ക് കഴിഞ്ഞിട്ടില്ല.

ഉ: ദ്രാവിഡ്‌ തിമിരം ബാധിച്ച ഈ മഹാന്‍ ആണ് 99 മദ്രാസ് ടെസ്റ്റ്‌ മാതൃഭൂമിയ്ക്ക് വേണ്ടി റിപ്പോര്‍ട്ട്‌ ചെയ്തത് എന്ന് ഞാന്‍ ഇപ്പോഴാണ് അറിയുന്നത്. ക്രിക്ക്കെറ്റ് ലോകം കണ്ടിട്ടുള്ളതില്‍ വച്ച് മഹത്തായ ഇന്നിങ്ങ്സുകളില്‍ ഒന്നായാണ്, ഇന്ത്യന്‍ ടീം സച്ചിനെ ആശ്രയിച്ചാണ് ജയിക്കുന്നത് എന്ന് ഉറക്കെ വിളിച്ചു പറഞ്ഞ ടെസ്റ്റ്‌ ആയാണ് 99 മദ്രാസ്‌ ടെസ്റ്റ്‌ അറിയപ്പെടുന്നത്. ആ ടെസ്റ്റ്‌ ജയിക്കാന്‍ ഇന്ത്യയ്ക്ക് നാലാം ഇന്നിങ്ങ്സില്‍ 271 റണ്‍സ് വേണ്ടിയിരുന്നു. നാലാം ഇന്നിങ്ങ്സില്‍ ഇതുവരെ കളിച്ചിട്ടില്ല എന്ന് വിമര്‍ശകര്‍ 'അവകാശപ്പെടുന്ന' സച്ചിന്‍ മാത്രമാണ് പൊരുതിയത്. നടുവ് വേദന കാരണം വേദന സംഹാരികള്‍ കഴിച്ചും, ഐസ് ബാഗ്‌ കെട്ടി വച്ചും ആണ് സച്ചിന്‍ കളിച്ചത്. സച്ചിന്‍ 136 റണ്‍സ് എടുത്ത് ഔട്ട്‌ ആവുമ്പോള്‍ ഇന്ത്യക്ക് വേണ്ടത് 16 റണ്‍സ്. നാല് വിക്കെടുകള്‍ ബാകി. എന്നിട്ടോ? ഇന്ത്യ ആ ടെസ്റ്റ്‌ തോട്ടത് 12 റണ്‍സിനു. ബാകിയുള്ള 4 പേര്‍ ചേര്‍ന്ന് 16 റണ്‍സ് എടുക്കാതിരുന്നതിനു, നടുവ് വേദന സഹിച്ചു കളിച് ജയത്തിനു അരികില്‍ എത്തിച്ച സച്ചിന്‍ എന്ത് പിഴച്ചു? ആ ഇന്നിങ്സില്‍ എബ്രഹാമിന്റെ ആരാധ്യ പുരുഷനായ ദ്രാവിഡ്‌ എടുത്തത് 10 റണ്‍സ്. മറ്റൊരു സോ കോള്‍ഡ്‌ രക്ഷകന്‍ ആയ ലഷ്മന്‍ എടുത്തത് 0. അത് താങ്കള്‍ കണ്ടില്ലേ?

____________________________________________________________________________

ഇനി എനിക്ക് ചോദിക്കാനുള്ള ചില ചോദ്യങ്ങള്‍, ഒപ്പം താങ്കള്‍ സമര്‍ത്ഥിക്കാന്‍ നോക്കിയ പല കാര്യങ്ങള്‍ക്കും ഒരു മുന്‍‌കൂര്‍ ഉത്തരവും...

സച്ചിന്‍ നാലാം ഇന്നിങ്ങ്സ് കളിച്ചത് 52 തവണ ദ്രാവിഡ്‌ ആവട്ടെ 53 തവണ. നാലാം ഇന്നിങ്ങ്സില്‍ ദ്രാവിഡ്‌ അടിച്ചിട്ടുള്ളത് ഒരൊറ്റ സെഞ്ച്വറി. ആ കളി സമനില ആയി. എന്നാല്‍ സച്ചിന്‍ അടിച്ചിട്ടുള്ളത് 3 സെഞ്ച്വറികള്‍. മുന്‍പേ പറഞ്ഞ 99 ചെന്നൈ ടെസ്റ്റ്‌ സെഞ്ച്വറി ഇതില്‍ പെടും. ആ ടെസ്റ്റ്‌ ആണ് തോറ്റത്. ബാകി ഒന്നില്‍ സമനില. ഒരു കളി ഇന്ത്യ ജയിച്ചു.
____________________________________________________________________________

ദ്രാവിഡ് തന്‍റെ 15 വര്‍ഷത്തെ കരിയറില്‍ കഴിഞ്ഞ 5 വര്‍ഷങ്ങളില്‍ ഒരിക്കല്‍ പോലും നാലാം ഇന്നിങ്ങ്സില്‍ ഒരു അര്‍ദ്ധസെഞ്ച്വറി സ്കോര്‍ ചെയ്തിട്ടില്ല എന്നത് താങ്കള്‍ക്ക് അറിയാമോ? 38 ആണ് ഉയര്‍ന്ന സ്കോര്‍ !

സച്ചിന്‍ അന്‍പതിലധികം റണ്‍സ് അടിച്ചത് 6 തവണ... അതില്‍ 5 തവണയും ഇന്ത്യ ജയിച്ചു! ഒരു കളി സമനിലയും.

____________________________________________________________________________

സച്ചിന്‍ മൂന്നാം ഇന്നിങ്ങ്സ് കളിച്ചത് 68 തവണ ദ്രാവിഡ്‌ ആവട്ടെ 63 തവണ. സച്ചിന് സെഞ്ച്വറി 10. ദ്രാവിഡിനു 5.

____________________________________________________________________________

നിര്‍ണ്ണായക അവസരങ്ങളില്‍ തിളങ്ങാറില്ല, എന്നതാണ് സച്ചിനെതിരെ കേട്ട് മടുത്ത പ്രധാന ആരോപണം. സച്ചിന്‍ എല്ലാ നിര്‍ണ്ണായക അവസരങ്ങളിലും തിളങ്ങുന്നുണ്ടാവില്ല. എന്നാല്‍, സച്ചിന്‍ തിളങ്ങിയ നിര്‍ണ്ണായക അവസരങ്ങള്‍ ഞാന്‍ എണ്ണമിട്ടു നിരത്താം... ഒരു ദ്രവിടിണോ ലക്ഷ്മനിണോ സങ്കല്പ്പികാന്‍ പറ്റുന്നതില്‍ അധികം തവണ ഉണ്ടാവും അത്. അടുത്തിടെ നടന്നതില്‍ ചിലത് മാത്രം ഞാന്‍ ഇവിടെ പറയാം. ബാകിയുള്ളവ, എന്റെ വെബ്സൈറ്റില്‍ SACHIN ALWAYS FAILS IN PRESSURE SITUATIONS ? എന്ന പേജില്‍ കാണാം.

ഈ കഴിഞ്ഞ 2 വര്‍ഷങ്ങളില്‍ സംഭവിച്ചതില്‍ ചിലത് മാത്രം ഞാന്‍ പറയാം.

ബംഗ്ലാദേശിനെതിരെ 2010 ജനുവരി ചിട്ടഗോന്ഗ് ടെസ്റ്റില്‍ ശിശുക്കള്‍ എന്നറിയപ്പെടുന്ന ബംഗ്ലാദേശ് നിരയ്ക്കെതിരെ ഇന്ത്യയുടെ ആദ്യ ഇന്നിങ്ങ്സ് ചീട്ടുകൊട്ടാരം പോലെ തകരുന്നു. ഒറ്റയ്ക്ക് പൊരുതിയ സച്ചിന്റെ 105 ന്റെ ബലത്തില്‍ ഇന്ത്യ 243 റണ്‍സ് നേടി. പത്താമത്തെ വിക്കെറ്റ് പോവുമ്പോഴും സച്ചിന്‍ നോട്ട്ഔട്ട്‌ ആയി നില്‍ക്കുന്നു. ഒന്നാം ഇന്നിങ്ങ്സില്‍ സച്ചിന്‍ നേടുന്ന സെഞ്ച്വറി എന്നത് ആര്‍ക്കും പ്രയോജനം ഇല്ലാത്തത എന്നാണല്ലോ വെപ്പ്. ഈ 'വെപ്പ്' സച്ചിന്‍ സെഞ്ച്വറി അടിക്കുമ്പോള്‍ മാത്രമേ ഉള്ളു എന്നതാണ് രസകരം. നിര്‍ണ്ണായക അവസരം അല്ലായിരുന്നോ അത്? അന്ന് സച്ചിന്‍ കളിചില്ലേ? നിര്‍ണ്ണായക അവസരത്തില്‍ കളിക്കുന്ന താങ്കളുടെ ബാറ്സ്മാന്‍ എന്തുകൊണ്ട് കളിച്ചില്ല?

സൌത്ത് ആഫ്രിക്കയ്ക്കെതിരെ ജന 2011 കേയ്പ്‌ടൌണ്‍ ടെസ്റ്റ്‌. ആദ്യ ഇന്നിങ്ങ്സില്‍ സൌത്ത് ആഫ്രിക 362 . അത് പിന്തുടര്‍ന്ന ഇന്ത്യ ദ്രാവിഡിന്റെ വിക്കെറ്റ് 5 റണ്‍സിനു നഷ്ടമാവുമ്പോള്‍ 28 നു 2 എന്ന അവസ്ഥയില്‍. സച്ചിന്‍ 146 എടുത്ത് ഔട്ട്‌ ആവുമ്പോള്‍ ഇന്ത്യയുടെ സ്കോര്‍ 341. നിര്‍ണ്ണായക അവസരം അല്ലായിരുന്നോ അത്? അന്ന് സച്ചിന്‍ കളിചില്ലേ? നിര്‍ണ്ണായക അവസരത്തില്‍ കളിക്കുന്ന താങ്കളുടെ ബാറ്സ്മാന്‍ എന്തുകൊണ്ട് കളിച്ചില്ല?

ഓസ്ട്രേലിയക്കെതിരെ 2010 ബംഗ്ലൂര്‍ ടെസ്റ്റ്‌. ആദ്യ ഇന്നിങ്ങ്സില്‍ ഓസ്ട്രേലിയ നേടിയത് 478 റണ്‍സ്. അത് പിന്തുടര്‍ന്ന ഇന്ത്യ ദ്രാവിഡിന്റെ വിക്കെറ്റ് 1 റണ്‍സിനു നഷ്ടമാവുമ്പോള്‍ 38 നു 2 എന്ന അവസ്ഥയില്‍. സച്ചിന്‍ 214 എടുത്ത് ഔട്ട്‌ ആവുമ്പോള്‍ ഇന്ത്യയുടെ സ്കോര്‍ 486. നിര്‍ണ്ണായക അവസരം അല്ലായിരുന്നോ അത്? അന്ന് സച്ചിന്‍ കളിചില്ലേ? നിര്‍ണ്ണായക അവസരത്തില്‍ കളിക്കുന്ന താങ്കളുടെ ബാറ്സ്മാന്‍ എന്തുകൊണ്ട് കളിച്ചില്ല?

ഓസീസിനെതിരെ അവസാനം നടന്ന സീരീസിലെ മൊഹാലി ടെസ്റ്റില്‍ ആദ്യ ഇന്നിങ്ങ്സില്‍ സച്ചിന്‍ 98 അടിച്ചു. സെക്കന്റ്‌ ഇന്നിങ്ങ്സില്‍ 38 നു ഔട്ട്‌ ആയപ്പോള്‍ അന്ന് പറഞ്ഞു സച്ചിന്‍ ടീമിന് കൊള്ളാത്ത ആള്‍. മാധ്യമങ്ങള്‍ സച്ചിന്റെ നാലാം ഇന്നിങ്ങ്സ് പ്രകടനത്തിനെ പറഞ്ഞു ഇകഴ്താന്‍ മത്സരമായിരുന്നല്ലോ... ഇംഗ്ലണ്ട് ടെസ്റ്റില്‍ ദ്രാവിഡ് ഫസ്റ്റ് ഇന്നിങ്ങ്സില്‍ 103 അടിച്ചിട്ട്, സെക്കന്റ്‌ ഇന്നിങ്ങ്സില്‍ 36 എടുത്ത് ഔട്ട്‌ ആയപ്പോള്‍ രക്ഷകന്‍! അല്ലേ?

ശ്രീലങ്കയ്ക്കെതിരെ ജൂലൈ 2010 കോളോമ്പോ ടെസ്റ്റ്‌. ആദ്യ ഇന്നിങ്ങ്സില്‍ ശ്രീലങ്ക നേടിയത് 642. അത് പിന്തുടര്‍ന്ന ഇന്ത്യ ദ്രാവിഡിന്റെ വിക്കെറ്റ് 3 റണ്‍സിനു നഷ്ടമാവുമ്പോള്‍ 173 നു 3 എന്ന അവസ്ഥയില്‍. സച്ചിന്‍ 203 എടുത്ത് ഔട്ട്‌ ആവുമ്പോള്‍ ഇന്ത്യയുടെ സ്കോര്‍ 592. നിര്‍ണ്ണായക അവസരം അല്ലായിരുന്നോ അത്? അന്ന് സച്ചിന്‍ കളിചില്ലേ? നിര്‍ണ്ണായക അവസരത്തില്‍ കളിക്കുന്ന താങ്കളുടെ ബാറ്സ്മാന്‍ എന്തുകൊണ്ട് കളിച്ചില്ല?

ഇതല്ല, ഇനിയുമുണ്ട് ഒരുപാട്. ഇത് ഈ കഴിഞ്ഞ 2 വര്‍ഷങ്ങളില്‍ സംഭവിച്ചതില്‍ ചിലത് മാത്രമാണ്.

____________________________________________________________________________

ഇനി സച്ചിന് കിട്ടുന്ന 'പ്രാധാന്യം'. അത് ഞന്‍ ഉടനെ തന്നെ ഒരു പോസ്റ്റ്‌ ആയി ഇടുന്നുണ്ട്. എത്രയൊക്കെ കളിച്ചാലും നിര്‍ണ്ണായക അവസരത്തില്‍ തിളങ്ങിയാലും, ഒരൊറ്റ സീരീസില്‍ അല്പം മോശമായാല്‍, ടീമിന് കൊള്ളാത്ത ആള്‍, സ്വന്തം നേട്ടത്തിന് വേണ്ടി കളിക്കുന്ന ആള്‍, വേണ്ട സമയത്ത് കളികാത്ത ആള്‍ എന്നുള്ള വിമര്‍ശനങ്ങള്‍ ഏറ്റു വാങ്ങുന്ന ആള്‍ തന്നെയല്ലേ, എബ്രഹാം സാറേ ഈ സച്ചിന്‍?

സമ്പൂര്‍ണ്ണ പരാജയം എന്ന് വിമര്‍ശകര്‍ വിളിച്ചു കൂവുന്ന കഴിഞ്ഞ സീരീസിലും, 2 ഇന്നിങ്ങ്സുകളില്‍ ഇന്ത്യന്‍ ടീമിന്റെ ടോപ്‌ സ്കോരെര്‍ സച്ചിന്‍ ആയിരുന്നു എന്ന കാര്യം മറക്കരുത്.

സച്ചിന്‍റെ അവസാന 10 ഫോര്‍ത്ത് ഇന്നിങ്ങ്സ് സ്കോറുകള്‍ : 12, 49, 103*, 54, 38, 53*, 14*, 12, 56, 76 . എന്താണ് ഇതിനെ കുറിച്ച് താങ്കളുടെ അഭിപ്രായം?

തന്റെ ലേഖനത്തിന്റെ അവസാന ഭാഗത്തായി പറയുന്ന കാര്യം ശ്രദ്ധേയമാണ്. 96 മുതല്‍ 2006 വരെ ലേഖകന്‍ ദ്രാവിടുമായി നിരന്തരം സമ്പര്‍ക്കത്തില്‍ ആയിരുന്നത്രെ... ദ്രാവിഡിന്റെ ജീവചരിത്രം എഴുതുവാന്‍ വേണ്ടി! ദ്രാവിഡിന്റെ കുല മഹിമയും പ്രത്യേകം എടുത്തു പറഞ്ഞിട്ടുണ്ട്. അതായിരുന്നു ഉദ്ദേശം എങ്കില്‍ കുലമഹിമയെ പറ്റി ഒരു ലേഖനം ആവാമായിരുന്നു... ഇങ്ങനെ പിച്ചും പേയും എഴുതി പിടിപ്പിച് മലയാളത്തിലെ ഒരേയൊരു സ്പോര്‍ട്സ് മാസികയുടെ വിശ്വാസ്യത കളയണമായിരുന്നില്ല, മിസ്റ്റര്‍ എബ്രഹാം.

Posted: 22 -09 -2011. Update: 17-12-2011

ലോഡ്സിലെ സെഞ്ച്വറി എന്ന മഹാ സംഭവം!

2011-07-31T14:00:00.002+05:30

ക്രിക്കെട്ടിന്റെ തറവാട്! ക്രിക്കെട്ടിന്റെ മക്ക! ഇതെല്ലാം ലോര്‍ഡ്സ് ക്രിക്കറ്റ്‌ മൈതാനത്തിന്റെ വിശേഷണങ്ങളില്‍ ചിലത് മാത്രമാണ്... അവിടെ നേടുന്ന ഓരോ റണ്‍സും ഓരോ വിക്കെറ്റും കളിക്കാര്‍ക്ക് വളരെ വിലയുള്ള സംഗതികള്‍ ആണ്.

ലോര്‍ഡ്സിലെ ഓണേഴ്സ് ബോര്‍ഡില്‍ പേര് വരാനായി കളിക്കാര്‍ കൊതിക്കാറുണ്ട്. ഇതെല്ലാം ആ മൈതാനത്തിന്റെ ചരിത്രപരമായ സവിശേഷതകള്‍ കാരണം ഉണ്ടായ പ്രാധാന്യം മാത്രമാണ്. അതല്ലാതെ അത് ഒരു ബാറ്റ്സ്മാന് മെരുങ്ങാത്ത മൈതാനമോ പിച്ചോ അല്ല. മൈതാനത്തിനു ഒരു വശത്തേക് ചരിവ് പോലും ഉണ്ടെന്നതാണ് വസ്തുത.

സച്ചിന്‍ തെണ്ടുല്‍കര്‍ എന്ന ക്രിക്കെട്ടെര്‍ നേട്ടങ്ങള്‍ ഓരോന്നായി കീഴടക്കുമ്പോഴും, ലോര്‍ഡ്സില്‍ ഒരു സെഞ്ച്വറിയോ ഒരു വലിയ ഇന്നിങ്ങ്സോ അദ്ദേഹം നേടിയിട്ടില്ല എന്നത് വിമര്‍ശകര്‍ക്ക് ഒരു വലിയ പിടിവള്ളി ആണ്.

ഇതൊരു ദേശീയ ടീമിനും ലോര്‍ഡ്സില്‍ സാധാരണ ഗതിയില്‍ ഒരു ടെസ്റ്റ്‌ മത്സരം അല്ലെങ്കില്‍ ഒരു ഏകദിന മത്സരം കളിക്കണമെങ്കില്‍ എതിര്‍ ടീം ഇംഗ്ലണ്ട് ആയിരിക്കും. അല്ലാതെ സംഭവിക്കണമെങ്കില്‍ അത് ലോകകപ്പ് ഫൈനലോ മറ്റോ ആവണം. കൂടാതെ ഇംഗ്ലണ്ടിന്റെ ബൌളിംഗ് നിര അത്ര കേമം എന്ന് പറയാന്‍ മാത്രം ഉണ്ടായിരുന്നില്ല, ഈ കഴിഞ്ഞ രണ്ടു ദശാബ്ദ കാലം എങ്കിലും.

സച്ചിന്‍ തെണ്ടുല്‍കര്‍ 22 വര്‍ഷത്തെ കരിയറില്‍ 3 ഏകദിനങ്ങളും 5 ടെസ്റ്റുകളും മാത്രമാണ് ലോര്‍ഡ്സില്‍ കളിച്ചിട്ടുള്ളത്. ഇത്രയും കളികളില്‍ ഒരു സെഞ്ച്വറി ഇല്ല എന്നത് അദ്ദേഹത്തെ വെറുക്കുന്ന ഒരാള്‍ക്ക് പറയാന്‍ ഉള്ള ഒരു വിഷയം ആവും എന്നത് സ്വാഭാവികം മാത്രം.

പക്ഷെ... ലോര്‍ഡ്സില്‍ കളിക്കാന്‍ പ്രത്യേക കഴിവ് വേണം, സച്ചിന് ആ പിച്ച് മെരുങ്ങില്ല എന്നിങ്ങനെയുള്ള വാദങ്ങള്‍ പലയിടത്തും കാണുന്നു. അതിനെ കുറിച്ച് ചില കാര്യങ്ങള്‍...

ഒരു അന്താരാഷ്ട്ര മത്സരത്തില്‍ സച്ചിന് അവിടെ സെഞ്ച്വറി ഇല്ല എന്നത് ഒരു വസ്തുതയാണ്... എന്നാല്‍, ഒരു പ്രദര്‍ശന മത്സരത്തില്‍ ഇംഗ്ലണ്ടിന്റെ എക്കാലത്തെയും മികച്ച ബൌളിംഗ് നിരയെ വെല്ലുന്ന ടീമിനെതിരെ സച്ചിന്‍ കളിച്ചിട്ടുണ്ട്, ലോര്‍ഡ്സില്‍.

1998 ജൂലൈ 18 ന് പ്രിന്‍സെസ്സ് ഡയാന മെമ്മോറിയല്‍ മാച്ച് എന്ന പേരില്‍ ലോര്‍ഡ്സില്‍ നടന്ന കളിയില്‍ മാന്‍ ഓഫ് ദി മാച്ച് സച്ചിന്‍ ആയിരുന്നു എന്ന് ഒരുപാട് പേര്‍ക്ക് അറിയില്ല. എം സീ സീ ഇലവനും റസ്റ്റ്‌ ഓഫ് ദി വേള്‍ഡ് ഇലവനും തമ്മില്‍ ആയിരുന്നു മത്സരം.

അന്ന് സച്ചിന്‍ നേരിട്ട ബൌളിംഗ് നിര ഇതാണ്...

1. ഗ്ലെന്‍ മഗ്രാത്ത്
2. ജവഗല്‍ ശ്രീനാഥ്
3. അലെന്‍ ഡൊണാള്‍ട്
4. മക് മില്ലന്‍
5. അനില്‍ കുംബ്ലെ
6. അമീര്‍ സോഹൈല്‍

ഈ ബൌളിംഗ് നിരയെ പറ്റി ഞാന്‍ അധികം പറയേണ്ട കാര്യം ഉണ്ടെന്ന് തോന്നുന്നില്ല.

ആദ്യം ബാറ്റ് ചെയ്ത റസ്റ്റ്‌ ഓഫ് ദി വേള്‍ഡ് ചന്ദര്‍ പോളിന്റെ സെഞ്ച്വറിയുടെ ബലത്തില്‍ 261 എടുത്തു. ആ സ്കോര്‍ പിന്തുടര്‍ന്ന എം സീ സീ സച്ചിന്റെ 114 പന്തുകളില്‍ നേടിയ 125 റണ്‍സിന്റെ ബലത്തില്‍ റസ്റ്റ്‌ ഓഫ് ദി വേള്‍ഡ് നെ പരാജയപ്പെടുത്തി. 15 ഫോറും 4 സിക്സും ഉണ്ടായിരുന്നു ആ ഇന്നിങ്ങ്സില്‍.

സ്കോര്‍ കാര്‍ഡ്‌

അമീര്‍ സോഹൈല്‍, മക്ഗ്രാത്ത്, ഡൊണാള്‍ട് എന്നിവരെയാണ് സച്ചിന്‍ നന്നായി കൈകാര്യം ചെയ്തത്. മക്ഗ്രാത്ത് എന്ന മഹാരഥന്റെ തലയ്ക്കു മുകളിലൂടെ രണ്ടും മൂന്നും തവണ തുടര്‍ച്ചയായി പന്ത് പറക്കുന്നത് കാണാം... വീഡിയോ താഴെകൊടുത്തിട്ടുണ്ട്...

സച്ചിന്‍ അന്താരാഷ്ട്ര മത്സരത്തില്‍, ഇംഗ്ലണ്ടിന്റെ ബൌളിംഗ് നിരയ്ക്ക് എതിരെ ഒരു സെഞ്ച്വറി നേടിയിട്ടില്ല എന്ന് വേണമെങ്കില്‍ പറഞ്ഞോളൂ... പക്ഷെ ലോര്‍ഡ്സ് എന്ന ക്രിക്കറ്റ്‌ കൊട്ടാരം ക്രിക്കെട്ടിന്റെ രാജാവിനു മെരുങ്ങില്ല എന്ന് മാത്രം ദയവ് ചെയ്ത് പറയരുത്.

വാല്‍ക്കഷ്ണം: ലോര്‍ഡ്സില്‍ സച്ചിന്റെ അവസാന ഇന്നിങ്ങ്സിനു ശേഷം നടന്ന ഷോയില്‍ കേട്ടത്...

ജെഫ്രി ബോയ്ക്കോട്ട്: "സച്ചിന്‍ മഹാനായ ഒരു കളികാരന്‍ ആണ്. പക്ഷെ അദ്ദേഹത്തിന്റെ പേര് ലോര്‍ഡ്സിലെ ഓണേഴ്സ് ബോര്‍ഡില്‍ ഇല്ല."

ഹര്‍ഷ ഭോഗ്ലെ: "അതേ, അതപ്പോള്‍ ശരിക്കും ആരുടെ നഷ്ടമാണ്? സച്ചിന്റെയോ അതോ ഓണേഴ്സ് ബോര്‍ഡിന്‍റെയോ?"

ഈ തെറ്റ് എങ്ങിനെ സംഭവിച്ചു...? സച്ചിന്‍ തന്നെ ഇത്തവണയും ഇര.

2011-04-26T18:25:00.012+05:30

സാങ്കേതിക വിദ്യയുടെ ഉപയോഗം എല്ലാ കായിക രംഗങ്ങളിലും തെറ്റുകള്‍ കുറയ്ക്കുന്നതിന് വളരെയധികം പ്രയോജനപ്പെടുന്നു എന്നത് തര്‍ക്കമില്ലാത്ത കാര്യമാണ്. ഹോക് - ഐ പോലുള്ള സാങ്കേതിക വിദ്യകള്‍ ടെന്നിസിലും ക്രിക്കെട്ടിലും ഇപ്പോള്‍ ധാരാളമായി ഉപയോഗിച്ച് പോരുന്നു.

സച്ചിനെ പോലുള്ള ചില കളിക്കാര്‍ യു. ഡീ. ആര്‍. എസ് നെ അനുകൂലിച്ചിരുന്നില്ല എങ്കിലും, അതിനോട് ഇന്ന് ഏറ്റവും അധികം കടപ്പാടുള്ള കളിക്കാരന്‍ ഒരുപക്ഷെ സച്ചിന്‍ ആയിരിക്കും. പാകിസ്താന് എതിരെ ഉള്ള കളിയില്‍, അമ്പയര്‍ ഔട്ട്‌ വിധിച്ച ശേഷം യു. ഡീ. ആര്‍. എസ് ഒന്ന് കൊണ്ട് മാത്രമാണ് ഫീല്‍ഡ് അമ്പയറുടെ തീരുമാനം സച്ചിന്‍ അതിജീവിച്ചത്.

അമ്പയറുടെ തെറ്റായ തീരുമാനം മൂലം ഏറ്റവും അധികം തവണ ഔട്ട്‌ ആയ കളിക്കാരനും സച്ചിന്‍ ആണ്. തെറ്റായ തീരുമാനങ്ങളുടെ ലിസ്റ്റ് ഇവിടെ കാണാം.

തേഡ് അമ്പയര്‍ നിലവില്‍ വന്ന ശേഷം ആദ്യമായി ഔട്ട്‌ ആയ ബാറ്സ്മാന്‍ മറ്റാരുമല്ല സച്ചിന്‍ തന്നെയാണ്.

ഹോക്ക്-ഐ സച്ചിന്റെ നോട്ടൌട്ട് തീരുമാനത്തിന് നല്‍കിയ ഔദ്യോഗിക വിശദീകരണം ഈ രണ്ടു പീ. ഡീ. എഫ് ഫയലുകളില്‍ കാണാം. 1, 2 പാകിസ്താനില്‍ ചില ഓണ്‍ലൈന്‍ കമ്മ്യൂണിറ്റികളില്‍ ഹോക് - ഐക്കെതിരെ വ്യാപകമായ പ്രതിഷേധം ഉണ്ടായ സാഹചര്യത്തില്‍ ആണ് അവര്‍ക്ക് ഈ വിശദീകരണം നല്‍കേണ്ടി വന്നത്.

എന്നാല്‍ ഐ. പി. എല്ലില്‍ മുംബൈ ഇന്ത്യന്‍സും ഡെക്കാന്‍ ചാര്‍ജെഴ്സും തമ്മില്‍ ഏപ്രില്‍ 24 ന് നടന്ന മത്സരത്തില്‍ ഒരിക്കലും സംഭവിക്കാന്‍ പാടില്ലാത്ത ഒരു അബദ്ധമാണ് സംഭവിച്ചത്.

സാങ്കേതിക വിദ്യ ഉപയോഗപ്പെടുത്തിയാല്‍ മാത്രം പോര, അത് ഉപയോഗിക്കാനുള്ള കോമണ്‍ സെന്‍സ് പലര്‍ക്കും ഇല്ലാതെ പോവുന്നു എന്നുള്ളതിന് ഉള്ള ഉദാഹരണം ആണിത്. ബോധപൂര്‍വ്വമായ ഇടപെടലുകളും നടന്നിട്ടുണ്ടാവാം എന്ന് സംശയിക്കേണ്ടിയിരിക്കുന്നു.

അമിത് മിശ്ര എറിഞ്ഞ ഒന്‍പതാം ഓവറിലെ ബോള്‍ സച്ചിന്‍ കൂറ്റന്‍ അടിക്കു മുതിര്‍ന്നെങ്കിലും ബൌണ്ടറി ലൈനില്‍ സ്റെയിന്‍ പിടിച്ചു. എന്നാല്‍ അമ്പയര്‍ അത് നോ ബോള്‍ ആണെന്ന സംശയത്താല്‍ തേഡ് അമ്പയറിന് കൈമാറി.

സ്ടംപ്‌ ക്യാമറയില്‍ കണ്ട ദൃശ്യങ്ങളില്‍ മിശ്രയുടെ കാല്‍ ലൈനില്‍ ആയിരുന്നു.

മിഡ് ഓണില്‍ നിന്ന് ഉള്ള ദൃശ്യങ്ങള്‍ പരിശോധിച്ചപ്പോള്‍ ഇത് തന്നെയായിരുന്നു ഫലം. കാലിന്റെ ചെറിയൊരു ഭാഗം പോലും ലൈനിന് ഉള്ളില്‍ ഉണ്ടായിരുന്നില്ല.

കാല്പ്പാദത്തിന്റെ ഏതെങ്കിലും ഭാഗം ലൈനിന് ഉള്ളില്‍ ഉണ്ടെങ്കില്‍ മാത്രമേ അത് ലീഗല്‍ ബോള്‍ ആയി പരിഗണിക്കുകയുള്ളൂ... അല്ലെങ്കില്‍ അത് ഫ്രീ ഹിറ്റിന് കാരണമായേക്കാവുന്ന ഒരു നോ ബോള്‍ ആണ്.

എന്നാല്‍ അടുത്തതായി പരിശോധിച്ചത് പോയിന്റില്‍ നിന്നുള്ള ദൃശ്യങ്ങള്‍ ആയിരുന്നു. അതില്‍ മിശ്രയുടെ കാലിന്റെ ചെറിയൊരു ഭാഗം ലൈനിന് ഉള്ളില്‍ ആയിരുന്നു. അത് പ്രകാരം അമ്പയര്‍ സച്ചിന്‍ ഔട്ട്‌ ആണെന്ന് വിധിച്ചു.

എന്നാല്‍ അവിടെ സംഭവിച്ച തെറ്റ് ഒരിക്കലും ന്യായീകരിക്കാന്‍ പറ്റുന്നതായിരുന്നില്ല.

തേഡ് അമ്പയര്‍ അവസാനമായി കണ്ടതും, ഔട്ട്‌ വിധിച്ചതും തൊട്ടു മുകളില്‍ കാണുന്ന പൊയന്റില്‍ നിന്നുള്ള ദൃശ്യങ്ങളില്‍ നിന്നാണ്. അതിലാവട്ടെ, മിശ്രയുടെ കാലിന്റെ ഭാഗം ലൈനിന് ഉള്ളില്‍ ഉണ്ട് താനും.

ഇനി ശ്രദ്ധിച്ചു നോക്കുക, ആ ദൃശ്യങ്ങളില്‍ കാണുന്ന നോണ്‍ സ്ട്രൈക്കര്‍ ബാറ്സ്മാന്‍ ആരാണ്?

അതേ.. അത് സച്ചിന്‍ ആണ്...! സച്ചിന്‍ സ്ട്രൈക്ക് ചെയ്ത ആ ബോളില്‍ എങ്ങനെയാണ് അദ്ദേഹം നോണ്‍ സ്ട്രൈക്കര്‍ എന്‍ഡില്‍ വരിക?

ആ ദൃശ്യം കണ്ട അമ്പയര്‍ ആണ് ആ ബോള്‍ ലീഗല്‍ ഡെലിവറി ആയി വിധിച്ചത്. ഇവിടെ ആരാണ് തെറ്റുകാരന്‍? അമ്പയര്‍ കിട്ടുന്ന ദൃശ്യങ്ങള്‍ നോക്കുകയെ ഉള്ളു.. സ്വാഭാവികമായും ലൈനില്‍ മാത്രമേ ശ്രദ്ധിക്കാന്‍ സാധ്യതയുള്ളൂ... ചുറ്റുവട്ടത്തുള്ള ആളുകളെ ശ്രദ്ധിക്കില്ല എന്ന് വിശ്വസിക്കാം...

പിന്നെ ആരാണ് അതിനു കാരണക്കാരന്‍? ബ്രോട്കാസ്റെര്‍ ആയിരിക്കാം. അത് മനുഷ്യ ജീവി എന്ന നിലയില്‍ ഒരാള്‍ക്ക് സംഭവിച്ച ഒരു തെറ്റായിരുന്നോ?

സച്ചിന്റെ വിക്കെറ്റ് മാത്രമല്ല, ആ ബോളില്‍ ഓടിയെടുത്ത റണ്‍സ്, നോ ബോളിന്റെ ഒരു റണ്‍, ഒരു ഫ്രീ ഹിറ്റ്‌ ഡെലിവറി, ഇന്നിഗ്സിന്റെ ഒഴുക്ക് ഇവയെല്ലാം ടീമിന് നഷ്ടം.

ഐ. പി. എല്‍ പോലുള്ള ഒരു കളി ആയതു കൊണ്ട് ഇത് അത്ര കാര്യമായി എടുക്കേണ്ട എന്ന് കരുതാന്‍ പറ്റില്ല... ഇതുപോലെയുള്ള തെറ്റുകള്‍ ഒരിക്കലും സംഭവിക്കാന്‍ പാടില്ല.

നിഷാദ് പൈ വൈദ്യ എന്ന ചെറുപ്പക്കാരന്‍ ആണ് ഈ തെറ്റുകള്‍ ആദ്യമായി കണ്ടെത്തിയത്. ക്രിക്കറ്റ്‌ കണ്‍ട്രി എന്ന സൈറ്റില്‍ ആണ് ഇതിനെ പറ്റി ഒരു ലേഖനം ആദ്യമായി വന്നത്.

ഹര്‍ഷ ഭോഗ്ലെ യെ ഇതിനെ കുറിച്ച് അറിയിച്ചിരുന്നു... അദ്ദേഹം ആദ്യം കണ്ടപ്പോള്‍ ഇതിനെ കാര്യമായി എടുത്തില്ല എങ്കിലും, പിന്നീട് വീഡിയോ പരിശോധിച്ചപ്പോള്‍ അദ്ദേഹത്തിനും കാര്യങ്ങള്‍ വ്യക്തമായിട്ടുണ്ട്. ഐ. പി. എല്‍ സംപ്രേക്ഷണം ചെയ്യുന്ന പ്രോട്യൂസേരിന്റെ ശ്രദ്ധയില്‍ പെടുത്താം എന്ന് ട്വിട്ടെരിലൂടെ ഉറപ്പും അദ്ദേഹം നല്കിയിട്ടുണ്ട്.

സച്ചിന് മാത്രം പ്രയോജനപ്പെടുന്ന സെഞ്ച്വറികള്‍

2010-12-20T18:58:00.007+05:30

സച്ചിന്‍ തെണ്ടുല്‍കര്‍ അന്‍പതാം സെഞ്ച്വറി നേടിയതിനു പിന്നാലെ ഹിന്ദുസ്ഥാന്‍ ടൈംസില്‍ വന്ന ഒരു പോളും, അതിലെ വിമര്‍ശകരുടെ അഭിപ്രായങ്ങളും ആണ് ഈ പോസ്ടിന് ആധാരം. അതേ അഭിപ്രായം ഉള്ള ഒട്ടനവധി പേരുണ്ടാവും എന്ന കാര്യം ഉറപ്പാണ്‌...

ടെസ്റ്റ്‌, ഏകദിന മത്സരങ്ങളില്‍ ഏറ്റവും അധികം സെഞ്ച്വറികള്‍ നേടിയ കളിക്കാരന്‍ ആണ് സച്ചിന്‍ തെണ്ടുല്‍കര്‍. എന്നാല്‍ ഈ സെഞ്ച്വറികളില്‍ എത്രയെണ്ണം ടീമിന് പ്രയോജനകരമായി തീര്‍ന്നു...?

ഇത് അദ്ദേഹത്തിന്റെ വിമര്‍ശകര്‍ ഉന്നയിക്കുന്ന ഒരു പ്രധാന ചോദ്യമാണ്... ചോദ്യം മാത്രമല്ല; ഒരു ഉത്തരവും അവര്‍ തന്നെ പറയാറുണ്ട്‌...

"ഒരെണ്ണം പോലുമില്ല. എന്ന് മാത്രമല്ല, സച്ചിന്‍ സെഞ്ച്വറി അടിച്ചാല്‍ ടീം തോല്‍ക്കും!"

ഇനി ഞാന്‍ നടത്തിയ ഒരു വിശകലനം...
----------------------------------------------------------

ഏകദിനങ്ങളില്‍ സച്ചിന്‍ നേടിയത് ആകെ 46 സെഞ്ച്വറികള്‍... അതില്‍ 33 എണ്ണം മാച്ച് വിന്നിംഗ് ആയിരുന്നു...

അതായത്, സച്ചിന്‍ നേടിയ 33 സെഞ്ച്വറികള്‍ ഇന്ത്യ ജയിക്കാന്‍ കാരണമായി...!

ഏകദിനങ്ങളില്‍ സച്ചിന് ശേഷം ഏറ്റവും അധികം സെഞ്ച്വറികള്‍ നേടിയത് റിക്കി പോണ്ടിങ്ങും സനത് ജയസുര്യയും ആണ്. പോണ്ടിങ്ങും ജയസുര്യയും യഥാക്രമം 29 , 28 വീതം. അതായത് സച്ചിന്റെ മാച്ച് വിന്നിംഗ് സെഞ്ച്വറികളെകാള്‍ കുറവ് ആണ് തൊട്ടു പിന്നിലുള്ളവര്‍ ആകെ നേടിയ സെഞ്ച്വറികള്‍!

ടെസ്റ്റ്‌ മത്സരങ്ങളുടെ കാര്യമെടുത്താല്‍... സച്ചിന്‍ നേടിയത് ആകെ 50 സെഞ്ച്വറികള്‍. അതില്‍ 20 ഇന്ത്യ ജയിച്ച സന്ദര്‍ഭങ്ങളില്‍ ആയിരുന്നു...

ഇനി ഇതില്‍ പ്രസക്തമായ ഒരു കാര്യം, ഈ സെഞ്ച്വറികള്‍ അടിച്ച സന്ദര്‍ഭങ്ങള്‍ എങ്ങനെയുള്ളവ ആയിരുന്നു എന്നതാണ്...

ടെസ്റ്റ്‌ -
37 എണ്ണം ഫസ്റ്റ് ഇന്നിങ്ങ്സ്.
13 എണ്ണം സെക്കന്റ്‌ ഇന്നിങ്ങ്സ്.

ഏകദിനം-
29 എണ്ണം ഫസ്റ്റ് ഇന്നിങ്ങ്സ്.
17 എണ്ണം സെക്കന്റ്‌ ഇന്നിങ്ങ്സ്.

സച്ചിന്‍ സെഞ്ച്വറി നേടിയ 11 ടെസ്റ്റ്‌ മത്സരങ്ങളിലും, 12 ഏകദിന മത്സരങ്ങളിലും ഇന്ത്യ പരാജയപ്പെടുകയുണ്ടായി... ഇതെങ്ങനെ സച്ചിന്റെ കുറ്റമാവും?

ശ്രീലങ്കന്‍ ക്യാപ്റ്റനും ടെസ്റ്റ്‌ റാങ്കില്‍ സച്ചിന്റെ തൊട്ടടുത്ത സ്ഥാനത് നില്‍ക്കുന്ന ആളുമായ സംഗക്കാരയുടെ വാക്കുകള്‍ കടമെടുത്താല്‍,

"India have not lost so many matches becoz of Tendulkar; they have lost because of poor team performances."

ഇന്നലെ നേടിയ അന്‍പതാം സെഞ്ച്വറിയും ഇതിനു ഒരു അപവാദമല്ല. എങ്കിലും, മറ്റു പലപ്പോഴും കിടിയതിനേക്കാള്‍ സപ്പോര്‍ട്ട് സച്ചിന് ഇന്നലത്തെ ഇന്നിങ്ങ്സ്നു ടീം അംഗങ്ങളില്‍ നിന്ന് കിട്ടി!

ഇന്നലെ ധോണി കളിച്ചത് പോലെ ഒരു ഇന്നിങ്ങ്സ്, ഇഷാന്ത് ശര്‍മ ലക്ഷ്മണിന്റെ കൂടെ കളിച്ച ഒരു ഇന്നിങ്ങ്സ്, ലാറ വാല്‍ഷിന്റെ കൂടെ കളിച്ച ഒരു ഇന്നിങ്ങ്സ് ഉണ്ടായിരുന്നു എങ്കില്‍ സച്ചിന്റെ പല സെഞ്ച്വറി കളും പാഴായി പോവില്ലായിരുന്നു..

1999 ചെന്നൈ ടെസ്റ്റും, 175 നേടിയ ഹൈടെരബാദ് ഏകദിനവും പലരും മറന്നു കഴിഞ്ഞു.

ലക്ഷ്മണും ദ്രാവിഡും നല്ല match saving ഇന്നിങ്ങ്സ്കള്‍ കളിച്ചിട്ടുണ്ട്... എന്നാല്‍ അത്രതന്നെ, അതിനേകാള്‍ അധികം ഇന്നിങ്ങ്സ്കള്‍ സച്ചിന്‍ കളിച്ചിട്ടുണ്ട്... പലപ്പോഴും സച്ചിന്റെ പരാജയം ആണ് മാധ്യമങ്ങള്‍ എടുത്തു കാട്ടുന്നു എന്ന് മാത്രം.

ഏറ്റവും നല്ല ഉദാഹരണം ഇന്നലത്തെ ഇന്ത്യന്‍ ഇന്നിങ്ങ്സ് ആണ്... അവിടെ so called രക്ഷകന്മാരുടെ പരാജയം എന്ത് കൊണ്ട് ആരും ശ്രദ്ധിച്ചില്ല? അവര്‍ ഈ വിധം പരാജയപ്പെട്ട ഒട്ടനവധി ഇന്നിങ്ങ്സുകള്‍ ഉണ്ട്... ക്രികിന്ഫോ വെബ്സൈറ്റ് സ്ടാട്സ് എടുത്തു നോക്കിയാല്‍ കാണാന്‍ സാധിക്കും.

വിമര്‍ശകരുടെ മറ്റൊരു വാദം സച്ചിന്റെ തൊണ്ണൂറുകളിലെ സമ്മര്‍ദ്ദം ആണ്... അതിനെ പറ്റി ഞാന്‍ ഈ ബ്ലോഗില്‍ തന്നെ ഒരു കമന്റ്‌ പണ്ട് ഇട്ടിരുന്നു...

സച്ചിന്‍ തൊണ്ണൂറുകളില്‍ ഏറ്റവും കൂടുതല്‍ തവണ ഔട്ട് ആയിട്ടുണ്ടെങ്കില്‍ അത് തൊണ്ണൂറില്‍ ഏറ്റവും അധികം തവണ എത്തിയത് കൊണ്ടാണ്! അല്ലേ?

തൊണ്ണൂറുകളില്‍ കുറച്ചു തവണ ഔട്ട് ആയ വേറെ ആരെങ്കിലും ഉണ്ടെങ്കില്‍ അവര്ക്കു സെഞ്ച്വറി എന്തായാലും സച്ചിനേക്കാള്‍ കൂടുതല്‍ ഉണ്ടാവും...! അല്ലേ...? ശരിയല്ലേ...?

ഏതൊരു മനുഷ്യനും തൊണ്ണൂറുകള്‍ എത്തുമ്പോള്‍ സമ്മര്‍ദ്ദം സ്വാഭാവികം ആണ്... നാലാം ഇന്നിങ്ങ്സില്‍ സെഞ്ച്വറി പോരാ, സെക്കന്റ്‌ ഇന്നിങ്ങ്സില്‍ വേണ്ടത്ര സെഞ്ച്വറി ഇല്ല എന്ന് എല്ലാ മാധ്യമങ്ങളും ഒരു പോലെ വിശകലനം നടത്തുമ്പോള്‍ അത് കേള്‍ക്കുന്ന സച്ചിനും തോന്നാം സെഞ്ച്വറി ഇല്ലെങ്കില്‍ ആരും തന്റെ ശ്രമങ്ങള്‍ക്ക് വേണ്ടത്ര വില നല്‍കില്ല എന്ന്... അപ്പോള്‍ സ്വാഭാവികമായും സെഞ്ച്വറികള്‍ക്ക് വേണ്ടി ശ്രമിക്കും.

കഴിഞ്ഞ വര്ഷം കട്ടക്കില്‍ നടന്ന ഏകദിനത്തിലും സച്ചിന് സെഞ്ച്വറി നഷ്ടമായത് 4 റണ്‍സ് നു ആയിരുന്നു. ശ്രീലങ്കയുടെ 242 റണ്‍സ് പിന്തുടര്‍ന്ന ഇന്ത്യയെ മുന്നോട്ടു നയിച്ച്‌ ജയത്തില്‍ എത്തിച്ചത് സച്ചിന്‍ ആയിരുന്നു. അന്ന്, ദിനേശ് കാര്‍ത്തിക് അവസാനം വന്നു ആളിക്കതിയതോടെ ആണ് സച്ചിന് 96* ഇല്‍ കളി അവസാനിപ്പിക്കേണ്ടി വന്നത്... സെക്കന്റ്‌ ഇന്നിങ്ങ്സില്‍ കളി ജയിപ്പിക്കാന്‍ നേടിയ സെഞ്ച്വറി ആയി അത് കണക്കാക്കില്ല... അല്ലേ?

വീരേന്ദര്‍ സെഹ്വാഗ് സെഞ്ച്വറി സിക്ക്സ് അടിച്ചാണ് എടുക്കുന്നത് എന്ന് പറയപ്പെടുന്നു... അത് അദ്ദേഹത്തിന് സമ്മര്‍ദം ഇല്ലാത്തതു കൊണ്ടോ... സെഞ്ച്വറി ആവശ്യമില്ലാത്തത് കൊണ്ടോ ആണെന്ന് കരുതുന്നതാണ് വിഡ്ഢിത്തം! ആ സമ്മര്‍ദ്ദത്തില്‍ നിന്ന് എളുപ്പം പുറത്തു കടക്കാന്‍ ഉള്ള വഴി മാത്രമാണ് അത്.
സെവാഗ്ന്റെ സ്വാഭാവികമായ ശൈലി ആണ് അത്... അതില്‍ നിന്നും വ്യതിചലിച്ചു കളിച്ചാല്‍ ആണ് അദ്ദേഹം പുറത്താവാന്‍ കൂടുതല്‍ സാധ്യത എന്ന് അദ്ദേഹത്തിന് അറിയാം.

അതിനു ഏറ്റവും വലിയ ഉദാഹരണവും ഇന്നലത്തെ കളി ആണ്... ഇന്ത്യയുടെ മുന്നില്‍ ആകെ ഉണ്ടായിരുന വഴി പരാജയം ഒഴിവാക്കുക എന്നതായിരുന്നു... എന്നിട്ടും എന്തുകൊണ്ട് സെവാഗിനു ക്ഷമാപൂര്‍വ്വം ഒരു ഇന്നിങ്ങ്സ് കളിക്കാന്‍ സാധിച്ചില്ല? സാഹചര്യം അനുസരിച്ച് ശൈലി മാറ്റാനുള്ള കഴിവോ... ഒന്നും രണ്ടും എടുത്തു സ്കോര്‍ ബോര്‍ഡ് സ്ഥിരമായി ചലിപ്പിക്കാനോ ഉള്ള കഴിവ് സെവാഗിനു കുറവാണ്. ടീം ജയിക്കണമെന്ന് യാതൊരു ഉത്തരവാദിത്വവും ഇല്ലാതെ വെറുതേ ആളിക്കതിയിട്ടു എന്ത് കാര്യം?

5 തവണ സിക്സ് അടിച്ചു സെഞ്ച്വറി നേടിയിട്ടുള്ള ലോകത്തിലെ ഒരേയൊരു ബാറ്സ്മാന്‍ സച്ചിന്‍ റെണ്ടുല്കര്‍ മാത്രമാണ്. എന്ന വസ്തുത എത്രപേര്‍ക്ക് അറിയാം?

പിന്നൊന്ന് സച്ചിന്‍ കൂടുതല്‍ മത്സരങ്ങള്‍ കളിച്ചത് കാരണം ആണ് കൂടുതല്‍ റണ്‍സ്, സെഞ്ച്വറി എന്നിവ സച്ചിന് വന്നത് എന്നതാണ്... റണ്‍സ് വിട്ടേക്കൂ... ഈ ഇരുപത്തൊന്നാം വര്‍ഷവും ടെസ്റ്റ്‌ റാങ്കിലും, കളിക്കുന്ന സമയത്ത് ഏകദിന റാങ്കിലും മുന്നില്‍ നില്‍ക്കുന്നത് സച്ചിന്‍ ആണ്... ഏറ്റവും വലിയ കാര്യം അദ്ദേഹത്തിന്‍റെ ബാറ്റിംഗ് average ആണ്... ഇത്രയും മത്സരങ്ങള്‍ കളിച്ചിട്ടും ഇത്രയും ഉയര്‍ന്ന ശരാശരി സൂക്ഷിക്കാന്‍ അദ്ദേഹത്തിന് കഴിയുന്നു...

ഇതേ വിഷയത്തില്‍ ഞാന്‍ മുന്‍പ് ഒരു പോസ്റ്റ്‌ ഇട്ടിരുന്നു... ഇത്രയും കളിച്ചാല്‍ദ്രാവിഡും എടുക്കും റണ്‍സ്

സച്ചിന്‍ ആന്‍ഡ്‌ ക്രിടിക്സ് എന്ന സൈറ്റില്‍ ഇതില്‍ കൂടുതല്‍ വിവരങ്ങള്‍ ലഭ്യമാണ്... സന്ദര്‍ശിക്കുക...

ഒരു വാല്‍ക്കഷ്ണം:

മറ്റു രണ്ടു പ്രധാന വിമര്‍ശനങ്ങള്‍-

1. സച്ചിന്‍ സ്വന്തം നേട്ടങ്ങള്‍ക്ക്‌ വേണ്ടി മാത്രമാണ് കളിക്കുന്നത്!

2. ടീമിന്റെ പ്രതിസന്ധി ഘട്ടങ്ങളില്‍ സച്ചിന്‍ സമ്മര്‍ദ്ദത്തില്‍ പെട്ട് പരാജയപ്പെടുന്നു!

സ്വന്തം നേട്ടങ്ങള്‍ക്ക്‌ വേണ്ടി കളിക്കുന്ന ആള്‍ക്ക് എന്തിനാണ് ഹേ ടീമിന്റെ അവസ്ഥയെ കുറിച്ച് ആലോചിച്ചു വേവലാതി?

സച്ചിന്‍ - ആത്മവിശ്വാസത്തിന്റെ പര്യായം

2010-09-28T17:50:00.008+05:30

ക്രിക്കറ്റില്‍ താല്‍പ്പര്യമുള്ളവര്‍ ഒരു ഒരുപാട് കേട്ടിട്ടുള്ള ഒരു സംഭവം ആണിത്. ഓസീസ് സ്പിന്നെര്‍ ബ്രാഡ് ഹോഗും സച്ചിനും തമ്മില്‍ ഉണ്ടായ ഒരു ചെറിയ 'വെല്ലുവിളിയുടെ' കഥ. സച്ചിന്‍ തെണ്ടുല്‍കര്‍ എന്ന മനുഷ്യന്റെ ആത്മവിശ്വാസം എത്രയോ എത്രയോ വലുതാണ്‌ എന്ന് വെളിവാകുന്ന ഒരു സംഭവം!

ഫോര്‍വേഡ് മെയിലും ബ്ലോഗ്‌ പോസ്റ്റുമായി ഒരുപാട് പ്രചാരം അതിനു ലഭിച്ചിരുന്നു. പക്ഷെ എനിക്ക് കിട്ടിയ എല്ലാ മെയിലുകളിലും ചില വസ്തുതകള്‍ തെറ്റായാണ് കണ്ടത്... (2004 ഇല്‍ നടന്നു എന്നും മറ്റും )

ചില സുപ്രധാനമായ കാര്യങ്ങള്‍ അവയിലൊന്നും പരാമര്ശിച്ചും കണ്ടില്ല. ഇങ്ങനെ ഒരു സംഭവം നടന്നിട്ടില്ല സച്ചിന്റെ ആരാധകര്‍ പറഞ്ഞുണ്ടാക്കിയതാണ് ഇത് എന്നും ചില ആരോപണങ്ങള്‍ ഉണ്ടായിരുന്നു.

ഈ സംഭവം ഇതുവരെ കേട്ടിട്ടില്ലതവര്‍ക്ക് വേണ്ടി ഇവിടെ പറയുന്നു.

2007 ഒക്ടോബര്‍ അഞ്ചാം തീയതി ഹൈദ്രാബാദില്‍ നടന്ന ഇന്ത്യ ഓസീസ് ഏകദിന മത്സരം. 43 റണ്‍ എടുത്തു ബാറ്റ് ചെയ്യുന്ന സച്ചിനെ ബ്രാഡ് ഹോഗ് എന്ന സ്പിന്നെര്‍ ക്ലീന്‍ ബൌള്‍ഡ് ആക്കുന്നു.

SR Tendulkar - b B Hogg.
24.6 disaster for India! Tendulkar gives himself plenty of room outside off to cut, the ball lands on a full length and jags back in and clips the off stump 108/4

തന്റെ ആരാധന പാത്രമായ സച്ചിന്റെ വിക്കെറ്റ്ഹോഗ്ഗ് ശരിക്ക്ആഘോഷിച്ചു! അന്ന് വൈകിട്ട് അതിന്റെ ഒരു ഫോടോയുമായി സച്ചിന്റെ അടുത്തേക്ക് തന്നെ ചെന്നു, എന്നെന്നും ഓര്‍മയില്‍ സൂക്ഷിക്കാന്‍ ഒരു ആ ഫോട്ടോയില്‍ സച്ചിന്റെ ഒരു ഒപ്പിനു വേണ്ടി....

സച്ചിന്‍ അതില്‍ ഒപ്പിട്ടു എന്നിട്ട് താഴെ ഇങ്ങനെ കുറിച്ചിട്ടു...

"This will never happen again, Hoggy"

(ബ്രാഡ് ഹോഗ്ഗ് കളി മതിയാക്കാന്‍ ആലോചിച്ചു കൊണ്ട് നടത്തിയ പ്രസ്‌ മീടിലോ മറ്റോ ആണ് ഇത് വെളിപ്പെടുത്തിയത്. 6 മാസം കൂടി കളിക്കാനും 2008 മാര്‍ച്ച്‌ മാസത്തോടെ കൂടി വിരമിക്കാനും അദ്ദേഹം തീരുമാനിച്ചിരുന്നു. പരമ്പരയിലെ ശേഷിക്കുന്ന മത്സരങ്ങളും, കീവീസ് പരമ്പരയും , ഓസ്ട്രളിയയില്‍ നടക്കുന്ന സീ ബീ സീരീസും 5 ടെസ്റ്റുകളും കളിച്ചു കളി മതിയാക്കാന്‍ ആയിരുന്നു തീരുമാനം.)

ഞാന്‍ ഈ സംഭവങ്ങള്‍ എല്ലാം അറിയുന്നത് മനോരമ പത്രത്തിലെ ഒരു ആര്‍ട്ടിക്കിള്‍ കണ്ടിട്ടാണ്.

സത്യം പറയാം... സച്ചിന്റെ ഈ കമന്റ്‌ കണ്ടപ്പോള്‍ ഞാന്‍ ആദ്യം മനസ്സില്‍ വിചാരിച്ചത് ഇതാണ്.

" ഇങ്ങേര്‍ക്ക് വേറെ പണിയൊന്നും ഇല്ലേ? ഇത് മൂന്നാമത്തെ ഏകദിനം ആണ്. ഈ സീരീസില്‍ തന്നെ ഉണ്ട് ഇനി നാലെണ്ണം. അത് കഴിഞ്ഞ് സീ ബീ സീരീസിലെ അഞ്ചു ലീഗ് മാച്ചുകള്‍ , ജയിച്ചാല്‍ എതിരാളി ഓസീസ് ആണെങ്കില്‍ മൂന്നു ഫൈനല്‍ കളികള്‍ . അഞ്ചു ടെസ്റ്റിലും കൂടി 10 ഇന്നിങ്ങ്സ് വേറെ... ഇനിയിപ്പോ ഹോഗ്ഗ് എങ്ങാനും വിക്കെറ്റ് എടുത്താല്‍ തീര്‍ന്നു! അഥവാ എടുത്തില്ല എങ്കിലും... ഹോഗ്ഗിനു വിക്കെറ്റ് കൊടുക്കാതിരിക്കാന്‍ വേണ്ടി ശ്രദ്ധയോടെ കളിച്ച് കളിയുടെ വേഗത കുറച്ചു എന്ന് വിമര്‍ശകരെ കൊണ്ട് പറയിപ്പിക്കും. കഷ്ടം! "

എന്നെപ്പോലെ സച്ചിനെ ഇഷ്ടപ്പെടുന്ന ഒരുപാട് സുഹൃത്തുക്കളോട് ഞാന്‍ ഈ കാര്യം സൂചിപ്പിച്ചിരുന്നു.

പക്ഷെ ഇവിടെയാണ്‌ സച്ചിന്‍ എന്ന മനുഷ്യന്‍ എന്നെ വീണ്ടും വിസ്മയിപ്പിച്ചത്...!

ആ പരമ്പരയിലെ 4 മത്സരങ്ങള്‍, സീ ബീ സീരീസിലെ രണ്ടു ഫൈനല്‍ മത്സരങ്ങള്‍ ഉള്‍പ്പെടെ 5 കളികള്‍, അങ്ങനെ 9 ഏകദിനങ്ങളും. 3 ടെസ്ടുകളിലെ 6 ഇന്നിങ്ങ്സും ഹോഗ് വിരമിക്കുനതിനു മുന്‍പ് ഇന്ത്യയും ഹോഗ് ഉള്‍പ്പെട്ട ഓസീസും ഏറ്റുമുട്ടി.

എന്നാല്‍ ഒരിക്കല്‍ പോലും സച്ചിനെ പുറത്താക്കാന്‍ ഹോഗിന് കഴിഞ്ഞില്ല.

അതിനു ശേഷം സച്ചിനും ഹോഗും മുഖാമുഖം വന്നപ്പോഴുള്ള സ്കോറുകള്‍ ആണ് താഴെ പറയുന്നത്. എന്റെ വെബ്സൈറ്റ് ആയ sachinandcritics.com നു വേണ്ടി തയ്യാറാക്കിയതാണിവ...

ഇന്ത്യന്‍ ഏകദിന പരമ്പര
ആ പരമ്പരയില്‍ ശേഷിച്ച 4 കളികളില്‍ 3 എണ്ണം ഇവര്‍ തമ്മില്‍ ഏറ്റുമുട്ടി. ഹോഗിന്റെ 32 പന്തുകള്‍ നേരിട്ട സച്ചിന്‍ 28 റണ്ണുകള്‍ നേടി.

സീ ബീ സീരീസ്
ഹോഗിന്റെ 19 പന്തുകള്‍ നേരിട്ട സച്ചിന്‍ 20 റണ്ണുകള്‍ നേടി.

ടെസ്റ്റ്‌ സീരീസിലെ 3 ടെസ്റ്റ്‌ മത്സരങ്ങള്‍...
ഹോഗിന്റെ 156 പന്തുകള്‍ നേരിട്ട സച്ചിന്‍ 133 റണ്ണുകള്‍ നേടി. ഇവ ടെസ്റ്റ്‌ മത്സരങ്ങള്‍ ആയിരുന്നു എന്നത് പ്രത്യേകം ഓര്‍മിക്കുക.

ഈ കളികളില്‍ ഹോഗ്ഗിനു വിക്കെറ്റ് നല്‍കാതിരിക്കാന്‍ ബദ്ധപ്പെടുന്ന സച്ചിനെയല്ല കാണാന്‍ കഴിഞ്ഞത്. മറിച്ച് അദ്ദേഹത്തെ തിരഞ്ഞു പിടിച്ചു ആക്രമിക്കുന്ന പ്രതീതിയായിരുന്നു.

സച്ചിന്‍ ഇതിനു ശേഷം 5 സിക്സുകള്‍ ഹോഗിനെതിരെ മാത്രം നേടി എന്നുള്ളതും എടുത്തു പറയേണ്ടതാണ്.

ദി ടെലെഗ്രഫ്, ഇന്ത്യന്‍ എക്സ്പ്രസ്സ്‌ എന്നീ പത്രങ്ങള്‍ റിപ്പോര്‍ട്ട്‌ ചെയ്ത ഹോഗ്ഗിന്റെ വാക്കുകള്‍...

“I got him out in one of the games, and there was a photo of it I asked him to sign for me. He did it and wrote me a message. Underneath his signature, he wrote, ‘this will never happen again, Hoggy,’

It's a bit of a prized possession. It's an honour to be on the field with the calibre of player like Sachin Tendulkar.

To bowl at him is a great experience. It's not overawing, just a great experience. If I'm out there, I'm out there to compete against him and make life as hard as possible for him."

ഇപ്പോള്‍ നാല്‍പ്പതാം വയസ്സിലേക്ക് കടക്കുന്ന ഹോഗിന് ഇനി ഐ പീ എല്ലില്‍ പോലും സച്ചിനെതിരെ കളിക്കാന്‍ കഴിയില്ല എന്നത് ഒരു സത്യമാണ്.

ഇനിയൊരിക്കല്‍ പോലും അത് സംഭവിക്കില്ല ഹോഗ്ഗീ... സച്ചിന്‍ 'എഴുതി ഒപ്പിട്ടു തന്നു!' അത് തന്നെ കാര്യം...!

ഞങ്ങള്‍ ഊര്‍ജ്ജം സംരക്ഷിച്ചേ അടങ്ങൂ...!

2010-09-22T20:10:00.002+05:30

ഇന്ന് ലോക ഊര്‍ജ്ജ സംരക്ഷണ ദിനം ആണോ...?? എനിക്കറിയില്ല...

ഊര്‍ജ്ജം എങ്ങനെ സംരക്ഷിക്കാം എന്ന് അനന്തപുരി നിവാസികളെ ഒരുകൂട്ടം ആളുകള്‍ പഠിപ്പിക്കുന്നത് കണ്ടു... അതുകൊണ്ട് ചോദിച്ചു പോയതാണ്.

ഓഫീസില്‍ നിന്ന് വരുന്ന വഴി ആണ്... വെള്ളയമ്പലം ആല്‍ത്തറ ജങ്ക്ഷനില്‍ എത്തിയപ്പോള്‍ ഒരു ജാഥ! ഊര്‍ജ്ജ സംരക്ഷണം ആണ് വിഷയം. ഒരു 40 പേരുണ്ടാവും, 3 നിരകളില്‍ ആയി സൈക്കിള്‍ ചവിട്ടി വരുന്നു... പ്ലക്കാര്‍ഡും കൊടിയും എന്ന് വേണ്ട എന്തൊക്കെയോ സൈക്കിളില്‍ കെട്ടി വച്ചിട്ടുണ്ട്...

അതിനെന്താണ് അല്ലേ?

തീര്‍ന്നില്ല...

ഏറ്റവും മുന്നില്‍ ആയി ഒരു ജീപ്പ്! ഒരു 5 കിലോമീറ്റര്‍ സ്പീഡില്‍ മൈക്ക് വച്ച് അന്നൌന്‍സ് ചെയ്തു കൊണ്ട് പോവുന്നു... അതിനു ജനരെട്ടര്‍ ഇല്ലാതെ പറ്റില്ലല്ലോ...

സൈക്കിള്‍ ആ വണ്‍വേ റോഡില്‍ മൂന്നു നിരയായി പോവുന്നത് കൊണ്ട് ഒരു ചെറിയ സ്കൂട്ടി പോലും കടന്നു പോവില്ല... പിറകില്‍ ഒരു 10 -30 കാറുകള്‍... ബൈക്കുകള്‍... എല്ലാം ഫസ്റ്റ് ഗിയറില്‍... ബ്രേക്ക്‌ ഇട്ടു ബ്രേക്ക്‌ ഇട്ടു ബ്ലോക്കില്പെട്ടു നിരന്നു നീങ്ങുന്നു... ജാഥ തുടങ്ങിയിട്ട് അധിക നേരം ആയിട്ടില്ല. എവിടെ വരെ ഉണ്ടാവും എന്നും അറിയില്ല.

ഞാന്‍ വെള്ളയമ്പലം സ്ക്വയറില്‍ എത്തിയപ്പോള്‍ മനസ്സിലായി അവര്‍ തുടങ്ങിയത് അവിടെ നിന്നാണ് എന്ന്... ഞാന്‍ കഷ്ടിച്ച് ആ ബ്ലോക്കില്‍ നിന്ന് ഊരിപ്പോന്നു...

ഈ ജാഥ എവിടെ വരെ ഉണ്ടായിരുന്നു ആവോ?

എന്തായാലും ഊര്‍ജ്ജം സംരക്ഷിച്ചേ അടങ്ങൂ എന്ന് പ്രതിജ്ഞ ചെയ്തു ഇറങ്ങിയതാണെന്ന് ഉറപ്പ്...!

ഇനി വിഷയം ഊര്‍ജ്ജ സംരക്ഷണം തന്നെ ആയിരുന്നോ? ഇനി അല്ലെങ്കില്‍ എന്നെ കൊല്ലല്ലേ... എന്തായാലും സമരം ഒന്നും അല്ലല്ലോ... അത് തന്നെ ഭാഗ്യം...! അവര്‍ ഒരു നല്ല കാര്യത്തിനായി ആണ് ഇറങ്ങിയത്. ഫലമോ, നേരെ വിപരീതവും... അത് കൊണ്ട് എഴുതിപ്പോയതാണ്.

മൊബൈല്‍ ഫോണ്‍ വച്ച് എനിക്കിട്ടൊരു ബ്ലോക്ക്‌ !

2010-09-08T12:40:00.001+05:30

അരീക്കോടന്‍ മാഷിന്റെ കള്ളം പറയാനും മൊബൈല്‍ ഫോണ്‍ ! എന്ന പോസ്റ്റ്‌ വായിച്ചപ്പോഴാണ് എനിക്കുണ്ടായ ഒരനുഭവം ഓര്‍മ്മ വന്നത്. സംഭവം നടന്നിട്ട് 7-8 മാസം ആയിട്ടുണ്ടാവണം.

എന്റെ രണ്ടു കൂട്ടുകാര്‍ കോട്ടയത്ത്‌ നിന്ന് തിരുവനന്തപുരത്ത് എത്തിയിരുന്നു. വൈകിട്ട് 4 മണിയോടുകൂടി അവര്‍ ഇവിടെ വണ്ടിയിറങ്ങി എന്നെ വിളിച്ചു. കുറച്ചു ജോലി ബാക്കി ഉണ്ടായിരുന്നതിനാല്‍ എനിക്ക് അപ്പൊ ഇറങ്ങാന്‍ പറ്റുമായിരുന്നില്ല. എന്നാല്‍ ഫസ്റ്റ് ഷോ ഒരു സിനിമ കണ്ടുകളയാം തീയെട്ടര്റില്‍ വച്ച് മീറ്റ്‌ ചെയ്യാം എന്ന് ഞങ്ങള്‍ തീരുമാനിച്ചു. അത്യാവശ്യ പണികള്‍ ഒക്കെ തീര്‍ത്തിട്ട് കൃത്യം 6.30 നു തീയേറ്ററില്‍ ഉണ്ടാവും എന്ന് അവര്‍ക്ക് വാക്ക് കൊടുത്തിട്ട് ഞാന്‍ ജോലി ഒരുവിധം തീര്‍ത്തു...!

സമയം 5:00 !

കമ്പനി ആവശ്യത്തിനായി കുറച്ചു നോട്ടീസ് പ്രിന്റ്‌ ചെയ്യേണ്ട ആവശ്യമുണ്ടായിരുന്നു. ഒരു അര മണിക്കൂര്‍ നേരത്തെ പണിയേ ഉള്ളു... എന്നാല്‍ പിന്നെ അതങ്ങ് തീര്‍ത്തു വച്ചേക്കാം...! ഒരു പ്രിന്റിംഗ് പ്രസ്‌ അന്വേഷിച്ചു ബൈക്ക് എടുത്തു ഇറങ്ങി. 2 മിനിറ്റ് കൊണ്ട് ഒരെണ്ണം കണ്ടുപിടിച്ചു. ഭാഗ്യം തിരക്കില്ല! അഞ്ചെ മുക്കാലോട് കൂടി തീയേറ്ററില്‍ എത്താം എന്ന് മനക്കോട്ട കെട്ടി പ്രിന്റ്‌ ചെയ്യാനുള്ള മാറ്റര്‍ ഈ കഥയിലെ നായകനായ പ്രസ്‌ ഓണര്‍നെ ഏല്‍പ്പിച്ചു...!

പുള്ളിക്കാരന്‍ മാറ്റര്‍ ടൈപ്പ് ചെയ്തു ലേയൌട്ട് ഒക്കെ സെറ്റ് ചെയ്യുന്നു... മൊബൈല്‍ ഫോണില്‍ തുരു തുരാ കോള്‍ വരുന്നുണ്ട്... അവസാനം മൂപ്പര് ഒരു കോള്‍ അറ്റെണ്ട്‌ ചെയ്തു...

"ഡേയ്...! ഞ്ഞ്യാ അങ്ങോട്ട്‌ വന്നോണ്ടിരിക്കണത്. ഇവിട ഫയങ്കര ട്രാഫിക്‌ ബ്ലോക്ക്കെഡേയ്!... വ്വാ ഞായ് ട്രാഫിക്‌ ബ്ലോക്കീ നിക്കണന്ന്...!"

കര്‍ത്താവേ പ്രസ്സിനകത്ത് ട്രാഫിക്‌ ബ്ലോക്ക്‌!! പക്ഷെ, ഭാവ വ്യത്യാസങ്ങള്‍ ഒന്നും ഇല്ല !

10 മിനിറ്റ് കൊണ്ട് പുള്ളി പണിയൊക്കെ തീര്‍ത്തു പ്രിന്റ്‌ കൊടുത്തു... ഹാവൂ ഇനി ഒരു പത്തു മിനിറ്റ് പ്രിന്റ്‌ എടുക്കാന്‍... ഇതിനിടയ്ക്ക് മൂപര്‍ വണ്ടിയും കൊണ്ട് വിളിച്ച ആളുടെ അടുത്തേയ്ക്ക് വിട്ടിരുന്നു... 10 മിനിറ്റ് കൊണ്ട് പ്രിന്റിങ്ങും പാക്കിങ്ങും എല്ലാം കഴിഞ്ഞു.

സമയം 5:30 !

പോവാന്‍ ഇറങ്ങി. ബൈകിന്റെ ചാവി കാണാനില്ല! ഇടയ്ക്ക് എപ്പോഴോ പോക്കറ്റില്‍ നിന്ന് എടുത്തുമേശപ്പുറത്തു വച്ചത് ഓര്‍മയുണ്ട്. ഞാനും പ്രസ്സിലെ ജോലിക്കാരും അവിടെമാകെ അരിച്ചു പെറുക്കി...

അപ്പോഴാണ്‌ നായകനെ ഒന്ന് വിളിച്ചു നോക്കിയാലോ എന്ന് എനിക്ക് തോന്നിയത്... നമ്പര്‍ സംഘടിപ്പിച്ചു വിളിച്ചു...

ഭാഗ്യം! മൂപ്പരുടെ കയ്യില്‍ ഉണ്ട് ! മൂപരുടെ വണ്ടിയുടെ ചാവി ആണെന്ന് കരുതി എന്റെ ചാവി കൂടി എടുത്തു പോക്കറ്റില്‍ ഇട്ടുകൊണ്ടാണ് പോയത്.

"ചേട്ടാ അത്യാവശ്യമാണ് ചേട്ടന്‍ ആ ചാവി ഒന്ന് കൊണ്ട് വന്നു തന്നിട്ട് തിരിച്ചു പോവണേ..."

എല്ലാം സമ്മതിച്ച് പുള്ളിക്കാരന്‍ ഫോണ്‍ വച്ചു. കൂട്ടുകാരെ വിളിച്ചു ടിക്കറ്റ്‌ എടുത്തോ... ഇപ്പൊ എത്തിയേക്കാം എന്ന് പറഞ്ഞു.

സമയം അര മണിക്കൂര്‍ കഴിഞ്ഞു ആളെ കാണാനില്ല. ഞാന്‍ വിളിച്ചപ്പോള്‍ ഇറങ്ങിയിട്ട് 10 മിനിറ്റ് ആയിരുന്നില്ല.

ഞാന്‍ പിന്നെയും വിളിച്ചു...

"വ്വാ ഞാന്‍ അങ്ങോട്ട്‌ തിരിച്ചു വന്നോണ്ടിരിക്കണത് ഇവിടെ ഫയങ്കര ട്രാഫിക്‌ ബ്ലോക്ക്‌! "

ഓഹോ...! എനിക്കിട്ടും പണിതു... അല്ലേ...!!!

ബ്ലോക്ക്‌ എല്ലാം അതിജീവിച്ച്, മറ്റെല്ലാ പരിപാടികളും മാറ്റി വച്ച് ആ മഹാനായ മനുഷ്യന്‍ എത്തിയപ്പോള്‍ സമയം 7:45 !!

ആദ്യത്തെ ട്രാഫിക്‌ ബ്ലോക്ക്‌ പോലെ തന്നെ! യാതൊരു ഭാവ വ്യത്യാസവും ഇല്ല!

ഞാന്‍ കൂടുതല്‍ ഒന്നും പറഞ്ഞില്ല. താക്കോല്‍ തിരിച്ചു കിട്ടിയല്ലോ... ചാവി എടുത്തു മേശപ്പുറത്തു വച്ച സമയത്തെയും ശപിച്ചു കൊണ്ട് ഞാന്‍ ഒരു മെസ്സേജ് അയച്ചു...

"ഡാ, സിനിമ കഴിയുമ്പോള്‍ വിളിക്ക് ഞാന്‍ ഗാന്ധി പാര്‍കില്‍ ഉണ്ടാവും "

ഐസക്‌ സര്‍ കാത്തു !

2010-03-06T12:01:00.000+05:30

ബജറ്റ് ഇന്ന്! എന്ന് പത്രത്തില്‍ വാര്‍ത്ത കണ്ടപ്പോ മുതല്‍ ഒരേ ടെന്‍ഷന്‍! ഹോ...!! ആശ്വാസമായി... ഐസക്‌ സര്‍ കാത്തു മോനേ... കാത്തു...!

വി.എസ്. സര്‍ക്കാര്‍ അഞ്ചാം വര്‍ഷത്തിലേക്ക് കടക്കുമ്പോള്‍ ക്ഷേമ പദ്ധതികളിലൂടെ രാഷ്ട്രീയാടിത്തറയ്ക്ക് ശക്തിപകരാനുള്ള ശ്രമമാണ് ധനമന്ത്രി ഡോ. തോമസ് ഐസക് അവതരിപ്പിച്ച ബജറ്റില്‍ - പിന്നേ കോപ്പാണ്...!! ഒരു നല്ല കാര്യം സാധാരണക്കാര്‍ക്ക് വേണ്ടി ചെയ്താ ഇവന്മാര്‍ സമ്മതിക്കില്ല!

ഹോ...! വിധി!!!

ജനപ്രിയ ബജറ്റ് ! തള്ളേ ഫീകരം!! ചമ്മന്തിപ്പൊടിക്ക് വില കുറഞ്ഞതാണ് ഏറ്റവും വലിയ ആശ്വാസം.

ദാഹശമിനിക്ക് വിലകുറഞ്ഞു... കുറെ നാളായി ഇത്തിരി വാങ്ങണം എന്ന് കരുതിയിരിക്കുന്നു. എത്ര കുറഞ്ഞു എന്നറിയില്ല. അന്വേഷിക്കണം. എന്റെ ബജറ്റില്‍ ഒതുങ്ങിയാല്‍ മതിയാരുന്നു....

ആഡംബര വസ്തുവല്ലേ ഈ ദാഹശമിനി? ചുമാ വെള്ളം തിളപ്പിച്ച്‌ കുടിച്ചാപ്പോരെ? അല്ലെങ്കില്‍ വേണ്ട... രണ്ടുമൂന്നു തുളസി ഇല ഇട്ടാപ്പോരെ? ആ എന്തരാ എന്തോ...

പിന്നേ വേറെ എന്ത് വേണം... എത്ര എത്ര പദ്ധതികള്‍... ഹോ! കോരിത്തരിച്ചു പോയി...

ഒരു സംശയം...

ഈ ബേക്കറി ഓവര്‍ ബ്രിഡ്ജ് ഏതു ബജറ്റിലെ പദ്ധതിയാണാവോ?

റഹ്മാന്‍ രാജാവാണ്... പക്ഷെ നഗ്നനല്ല!

2010-02-14T11:00:00.000+05:30

എ. ആര്‍. റഹ്മാനെ കുറിച്ച് റഹ്മാനിയ അഥവാ രഹ്മാനിയാക്‌ എന്ന പേരില്‍ ശ്രീ. ജസ്റിന്‍ പെരേര എന്ന ബ്ലോഗ്ഗര്‍ ഇട്ട പോസ്റ്റിനു ഉള്ള മറുപടി ആണ് എന്റെ ഈ പോസ്റ്റ്‌.

'വെറും ഒരു സാധാരണ സംഗീതാസ്വദകന്റെ അഭിപ്രായം എന്നതിലുപരി ഇതില്‍ മറ്റൊന്നും തന്നെയില്ല.' എന്ന മുന്‍‌കൂര്‍ ജാമ്യം എടുത്തുകൊണ്ടാണ് അദ്ദേഹം പോസ്റ്റ്‌ തുടങ്ങുന്നത്... പക്ഷെ സത്യത്തില്‍ അതുപോലും ഇല്ല ആ പോസ്റ്റില്‍.

റഹ്മാന്റെ സംഗീതത്തില്‍ മിസ്റ്റര്‍ പെരേരയ്ക്ക് ഉള്ള വളരെ വളരെ തുശ്ചമായ അറിവാണ് അതിനു കാരണം. റഹ്മാന്‍ ചെയ്തചെറിയ ശതമാനം പാട്ടുകള്‍ പോലും അദ്ദേഹം കേട്ടിട്ടുണ്ടാവാന്‍ വഴിയില്ല. അതല്ലെങ്കില്‍ കേട്ട പാട്ടുകള്‍ ചെയ്തത് റഹ്മാന്‍ ആണ് എന്ന് അദ്ദേഹത്തിനു അറിയില്ല. അതാണ്‌ സത്യം.

ചില അഭിപ്രായങ്ങള്‍ ഇങ്ങനെ പോവുന്നു...

"സംഗീതം രക്തത്തില്‍ അലിഞ്ഞു ചേര്‍ന്നിട്ടുള്ള ആരും തന്നെ റഹ്മാന്റെ ഗാനങ്ങള്‍ ആലപിക്കുവാന്‍ തയ്യാറാവുന്നില്ല"

അതാരോക്കെയാണാവോ?... :O അപ്പൊ റഹ്മാന്റെ പാടു പാടുന്നവരൊക്കെ...ആരാ?

ഈ മണ്ടത്തരം... ഇതിനു എന്ത് മറുപടി പറയാനാണ്...?

"ഹേമന്ത്‌ കുമാറിന്റെ "വന്ദേ മാതരം" മരവിച്ചു കിടക്കുന്ന ശവ ശരീരങ്ങള്‍ക്ക് പോലും രാജ്യസ്നേഹത്തിന്റെ നവജീവന്‍ നല്‍കുന്നു. എന്നാല്‍, റഹ്മാന്റെ വന്ദേ മാതരം ഒരുതരം അക്രമവാസനയാണ് നമ്മില്‍ ഉണ്ടാക്കുന്നത്‌."

ശ്രീ ജസ്റ്റിന്‍ ഇവിടെ സൂചിപ്പിച്ചത് ഏതു ഗാനം ആണ്? മാ തുജ്ച്ചേ സലാം എന്ന ഗാനം...

അത് വന്ദേ മാതരം അല്ല... വന്ദേ മാതരം എന്ന ഒരു വാക്ക് ഉപയോഗിച്ചാല്‍ ആ ഗാനം വന്ദേ മാതരം ആവില്ല.

(ജയരാജ്‌ വര്രിയര്‍ തന്റെ ഷോയില്‍ വളരെ അരോചകമായി അത് അവതരിപ്പിക്കുമായിരുന്നു... )

vandemaatharam revival, vandemataram missing എന്നീ രണ്ടു പേരുകളില്‍ വന്ദേമാതരം അതില്‍ ഉണ്ട്. സുജാതയും കല്യാണി മേനോനും ഒക്കെ പാടിയത്... അത് കേട്ടിട്ടുണ്ടോ? അതാണ്‌ റഹ്മാന്റെ വന്ദേ മാതരം.

ഈ ഗാനം താങ്കളില്‍ അക്രമ വാസന ഉണ്ടാക്കിയോ?

ഇതിന്റെ ഒപ്പം ലത മങ്കേഷ്കര്‍ ഒരു വന്ദേ മാതരം ഇറക്കിയിരുന്നു... യൂ ട്യൂബില്‍ കിട്ടും. അത് കൂടി ഒന്ന് കേട്ട് നോക്കൂ... അത് പക്ഷെ ആരും വിമര്‍ശിച്ചു കണ്ടില്ല.

'മലയാളത്തിന്റെ വാനമ്പാടി ചിത്ര പോലും പറഞ്ഞിരിക്കുന്നു, റിക്കോര്‍ഡിങ് കഴിഞ്ഞു പുറത്തിറങ്ങുന്ന ഗാനവും ഞാന്‍ പാടിയതുമായി യാതൊരു ബന്ധവും ഇല്ല എന്ന്.'

ചിത്ര പറഞ്ഞത് താങ്കള്‍ക്കു മനസ്സിലായില്ല! അത് ഒരിക്കലും ചിത്രയുടെയോ രഹ്മാന്റെയോ കുറ്റം അല്ല.

പാട്ട് ആദ്യം മുതല്‍ അവസാനം വരെ ഒറ്റയടിക്ക് റെക്കോര്‍ഡ്‌ ചെയ്യുക അല്ല റഹ്മാന്റെ രീതി. ഒരു പല്ലവി തന്നെ കുറെ തവണ പാടിക്കും. അതുപോലെ തന്നെ ബാക്കി ഭാഗങ്ങളും. അതില്‍ നല്ലത് സെലക്ട്‌ ചെയ്യും. ഒരു സിനിമ ഷൂട്ട്‌ ചെയ്യുന്നത് ആദ്യത്തെ സീന്‍ മുതല്‍ അവസാനത്തെ സീന്‍ വരെ ഒരേ ഓര്‍ഡര്‍ ഇല്‍ അല്ലല്ലോ...? ഇനി പാട്ടിന്റെ കാര്യത്തില്‍ ഇങ്ങനെ അല്ല... പാട്ടിന്റെ ആത്മാവ് നഷ്ടപ്പെടും എന്നൊക്ക ആണ് വാദം എങ്കില്‍... റഹ്മാന്റെ ഒരു പാട്ട് പോലും ഹിറ്റ്‌ ആവില്ലല്ലോ...
മാത്രമല്ല ഇന്ന് എല്ലാ സംഗീത സംവിധായകരും റഹ്മാന്‍ തുടങ്ങി വച്ച ഈ രീതിയാണ് പിന്തുടരുന്നത്...
റഹ്മാന്‍ പാട്ട് റെക്കോര്‍ഡ്‌ ചെയ്യുമ്പോള്‍ ഓര്‍ക്കെസ്ട്ര ഒന്നും ഉണ്ടാവില്ല. എല്ലാം അതിനു ശേഷം കൂട്ടി ചേര്‍ക്കുകയാണ് ചെയ്യുന്നത്... അപ്പോള്‍ പുറത്തിറങ്ങുമ്പോള്‍ കേള്‍ക്കുന്നത് വ്യത്യസ്തമായ ഒരു ഗാനം തന്നെ ആയിരിക്കും.
അതാണ്‌ ചിത്ര പറഞ്ഞത്... അത് ഇങ്ങനെ ദുര്‍വ്യാഖ്യാനം ചെയ്യപ്പെടും എന്ന് ആരറിഞ്ഞു...?

ലത മന്കെഷ്കരും ഈ അനുഭവം പറഞ്ഞിട്ടുണ്ട്.

തന്നോട് മൈക നു മുന്നില്‍ നിന്ന് പാടാന്‍ പറഞ്ഞു... പേപ്പര്‍ നോക്കി തന്ന ട്യൂണ്‍ അനുസരിച്ച് എന്തൊക്കെയോ പാടി... പക്ഷെ ആല്‍ബം പുറത്തു വന്നപ്പോള്‍ അതിമനോഹരമായ ഒരു ഗാനം. ശരിക്കും അത്ഭുതപ്പെട്ടു പോയി. എന്ന്...

അതാണ്‌ 'ജിയ ചലേ' എന്ന ദില്സേയിലെ ഗാനം.

ഇനി അദ്ദേഹം വാതോരാതെ വിമര്‍ശിച്ച ജൈഹോ... അതൊരു മഹത്തരമായ ഗാനം ആണെന്ന് ആരും പറഞ്ഞിട്ടില്ല.

SDM ആല്‍ബം പുറത്തിറങ്ങിയപ്പോള്‍ മുതല്‍ ( 2008 നവംബര്‍ അവസാനം ) എല്ലാ ഗാനങ്ങളും കേള്‍ക്കുന്നുണ്ട്... അതില്‍ ഞാന്‍ ഏറ്റവും കുറച്ചു തവണ കേട്ട ഒരു ഗാനം ആണ് ജൈഹോ! അതിലും മികച്ചവ ആ അല്ബുമില്‍ ഉണ്ടായിരുന്നു.. എന്നാല്‍ അതെല്ലാം ബാക്ക്ഗ്രൌണ്ട് score ന്റെ ഭാഗം ആയിരുന്നു എന്നതാണ് കാരണം.

റഹ്മാന് 2 ഓസ്കാര്‍ കിട്ടി എന്നത് പലരും സൌകര്യപൂര്‍വ്വം മറന്നു. ജൈഹോയ്ക്ക് ഓസ്കാര്‍ എന്ന രീതിയില്‍ ആയി കാര്യങ്ങള്‍.

ബാക്ക്ഗ്രൌണ്ട് സ്കോറിന് കിടിയ ഒസ്കാരോ?

റഹ്മാന്‍ തട്ട് പൊളിപ്പന്‍ ഗാനങ്ങള്‍ മാത്രം ചെയ്യുന്നു എന്നതാണ് ഈ ആരോപണങ്ങളില്‍ ഏറ്റവും അരോചകമായി തോന്നിയത്...

എത്രയെത്ര സ്ലോ മേലോടികള്‍ ആണ് റഹ്മാന്‍ ചെയ്തത്?

മിസ്റ്റര്‍ ജസ്റിനെ പോലെ ഉള്ളവര്‍ കേട്ടിരിക്കാന്‍ ഇടയില്ലാത്ത ചില പാട്ടുകള്‍...
താഴെ കൊടുതിരിക്കുന്നവയൊക്കെ വെറും ബഹളങ്ങള്‍ ആണോ? അതോ വേഗം കൂടുതല്‍ ആണോ?

ഉയിരും നീയെ - ഉണ്ണികൃഷ്ണന്‍

മാര്‍ഗഴി തിങ്കള്‍ - എസ്. ജാനകി

ഇരുവര്‍ - പൂക്കൊടിയിന്‍ - സന്ധ്യ

കണ്നാമൂച്ചി ഏനട - കെ എസ് ചിത്ര

ഏക്‌ തൂഹീ ഭാരോസ (ലൈവ്) - ലത മങ്കേഷ്കര്‍

നിലാ കാകിരത് - ഇന്ദിര - ഹരിണി ടിപു.

ഇരുവര്‍ - നരുമുഘയെ - ഉണ്ണികൃഷ്ണന്‍, ബോംബെ ജയശ്രീ

എല്‍ പീ ആര്‍ വര്‍മ്മ യെപോലുള്ള പഴയ കല സംഗീതജ്ഞര്‍ അദ്ദേഹത്തിന്റെ കഴിവുകള്‍ പണ്ടേ അംഗീകരിച്ചിരുന്നു. പലരെയും ചവിട്ടി താഴ്ത്തി മുന്നില്‍ കയറി വന്നവര്‍ അസഹിഷ്ണുതയോടെ റഹ്മാന്റെ ഉയര്‍ച്ച കണ്ടു നിന്നിട്ടുണ്ട്... അവസരം കിട്ടിയപ്പോള്‍ അവര്‍ ചാടി വീണിട്ടും ഉണ്ട്. അവര്‍ക്കും അവസാനം അംഗീകരിക്കേണ്ടി വന്നു.

റഹ്മാന്‍ ഇന്ത്യന്‍ ചലച്ചിത്ര സംഗീതത്തെ മാറ്റി എഴുതിയ ആള്‍ ആണ്... രാജാവ് തന്നെ ആണ്...
ഇപ്പോഴും കാലു നിലത്തു ഉറപ്പിച്ചാണ് അദ്ദേഹം ആകാശം മുട്ടെ വളര്‍ന്നു പന്തലിക്കുന്നത്... അതാണ്‌ ആ രാജാവിന്റെ ഏറ്റവും വലിയ മഹത്വം.

ആ രാജാവ് നഗ്നന്‍ അല്ല!

ഒരു പോസ്റ്റില്‍ പറഞ്ഞാല്‍ തീരില്ല അതൊന്നും...

മനോരമയിലെ ഇംഗ്ലീഷ് കൊലപാതകം

2010-01-11T11:45:00.005+05:30

മനോരമ ഓണ്‍ലൈന്‍ പോര്ടലില്‍ ചില വാര്‍ത്തകള്‍ക്ക് വായനക്കാര്‍ക്ക് അഭിപ്രായം എഴുതാനുള്ള ഓപ്ഷന്‍ കാണാറുണ്ട്‌... പക്ഷെ എല്ലാ അഭിപ്രായങ്ങളും ഇന്ഗ്ലിഷിലോ മന്ഗ്ലിഷിലോ ആയിരിക്കും... മനോരമ ASCII ഫോണ്ട് മാറ്റി unicode ലേക്ക് എത്രയും പെട്ടെന്ന് മാറണം. മലയാളം എഴുതാനുള്ള ടൂളും കൊടുക്കണം.

അതല്ലെങ്കില്‍ മന്ഗ്ലിഷും ഇന്ഗ്ലീഷും അല്ലാത്ത പലതും കാണേണ്ടി വരും... പല കൊലപാതകങ്ങളും...

ഒരു ചെറിയ ഉദാഹരണം: ചില മാന്ന്യന്മാര്‍ക്ക് മലയാളം എഴുതുന്നത് നാണക്കേടാണ്... അങ്ങനെയുള്ള ഒരു മാന്ന്യന്റെ കമന്റ്‌ താഴെ കൊടുക്കുന്നു... അറിയാത്ത ഭാഷയില്‍ അഭിനയിക്കില്ല എന്ന് നസ്സരുദിന്‍ ഷാ പറഞ്ഞത് മനോരമയില്‍ വന്നിരുന്നു... അതിനു വന്ന അഭിപ്രായങ്ങള്‍ (ക്ലിക്ക് ചെയ്‌താല്‍ വലുതാവും)

അടുത്തത് കഴിഞ്ഞ ദിവസം കണ്ടതാണ്... മനോജ്‌ സഖാവ് രാജി വച്ചപ്പോള്‍ വന്ന കമന്റ്‌...

ഇഞ്ചിയുടെ പോസ്റ്റ് ട്രാന്‍സ്ലേറ്റ് ചെയ്യാന്‍ ഒരു റിക്വസ്റ്റ്

2009-11-26T19:09:00.015+05:30

തോന്ന്യാശ്രമം വഴി ആല്‍തറ.കോം ഇല്‍ എത്തി. അവിടെ നിന്നാണ് ചിത്രകാരന്‍ ചേട്ടന്റെ കമന്റ്‌ നോക്കി ഇഞ്ചിപെണ്ണിന്റെ ആ ബ്ലോഗ് പോസ്റ്റില്‍ വീണ്ടും എത്തിയത്.

ചിലരുടെ ചില കമന്റുകള്‍ മൂക്ക് പൊത്തി ആണ് വായിച്ചത്... പക്ഷെ അവസാനത്തെ കമന്റില്‍ അതായത് കമന്റ്‌ നമ്പര്‍ 68 ഇല്‍ എത്തിയപ്പോ വാ പൊളിച്ചു പോയി!

സംഭവം ഇതാണ്. ഇഞ്ചി ചേച്ചി ആ പോസ്റ്റില്‍ ഇട്ട പടം എടുത്തത് അവസാന കമന്റ്‌ ഇട്ട അദ്ദേഹത്തിന്റെ ബ്ലോഗ്ഗില്‍ നിന്നാണ്.

മലയാളി അല്ലാത്തത് കൊണ്ടു, ആ പോസ്റ്റും കമന്റുകളും വായിക്കാന്‍ പറ്റാത്തത് കൊണ്ടു പുള്ളിക്ക്കാരന്‍ വലിയ ആവേശത്തില്‍ ആണ്. തന്റെ ബ്ലോഗ്ഗിനെ പറ്റി എന്തെക്കെയോ ചൂടുള്ള ചര്‍ച്ചകള്‍ നടക്കുന്നു എന്നാണു പുള്ളിക്കാരന്‍ ധരിച്ചു വച്ചിരിക്കുന്നത് എന്നാണു എനിക്ക് തോന്നുന്നത്.

പോസ്റ്റും അഭിപ്രായങ്ങളും ഒന്നു മൊഴിമാറ്റി കൊടുക്കാന്‍ ആണ് പുള്ളിയുടെ അഭ്യര്‍ഥന!

ഒട്ടും ചൂടും നാറ്റവും ആറാതെ ആരെങ്കിലും അത് (പോസ്റ്റും കമന്റുകളും) ഒന്നു ചെയ്തിരുന്നെങ്കില്‍ നന്നായിരുന്നു... ബൂലോകത്തിലെ ചിലയിടങ്ങളിലെ നാറ്റം പുറതോട്ടും വ്യാപിക്കാന്‍ അത് വളരെ അധികം സഹായിക്കും.

മൂപ്പരുടെ പോസ്റ്റിലേക്കുള്ള ലിങ്ക് ഒന്നും ഞാന്‍ കൊടുക്കുന്നില്ല. മൂപ്പരോടി ഇവിടെ വന്നും കമന്റും!.

ഇത്രയും കളി കളിച്ചാല്‍ ദ്രാവിഡും എടുക്കും റണ്‍സ് - ഒരു മറുപടി

2009-11-24T10:10:00.017+05:30

രണ്ടു പ്രതിഭകളെ താരതമ്യം ചെയ്യുന്നത് അത്ര മഹത്തായ കാര്യമാണെന്ന് എനിക്ക് ഒരിക്കലും തോന്നിയിട്ടില്ല. എങ്കിലും ചിലര്‍ക്ക് മറുപടി കൊടുക്കാന്‍ അത് പലപ്പോഴും ചെയ്യേണ്ടി വരുന്നു.

സച്ചിന്‍ തെണ്ടുല്‍കര്‍ ക്രിക്കറ്റ് ജീവിതത്തില്‍ 20 വര്‍ഷങ്ങള്‍ പിന്നിട്ടപ്പോള്‍ ചില വിമര്‍ശകരില്‍ നിന്നു കേട്ട വാദങ്ങള്‍ക്കാണ് മറുപടി പറയാന്‍ ആഗ്രഹിക്കുന്നത്.
കഴിഞ്ഞ ഒരാഴ്ചയായി ശശി തരൂരിന്റെയും അജയ് ജടെജയുടെയും മറ്റും ട്വിട്ടെരുകളില്‍ @മെസ്സേജ് ആയി ഒരുപാടു പേരുടെ ട്വീട്ടുകളും ഇങ്ങനെ ഞാന്‍ കണ്ടു. ആവര്‍ത്തിച്ചു പറഞ്ഞു സത്യമായി തെറ്റിധരിചെക്കാം പലരും.

ഇതാണ് വിമര്‍ശകരുടെ വാദം -
"സച്ചിന്‍ കളിക്കാന്‍ തുടങ്ങിയത് 1989 ഇല്‍ ആണ്. ദ്രാവിഡ്‌ 1996 ലും. സച്ചിന്‍ വന്നു കഴിഞ്ഞു 7 വര്‍ഷങ്ങള്‍ കഴിഞ്ഞാണ് ദ്രാവിഡ്‌ എത്തിയത്. ഇപ്പോള്‍ സച്ചിന് പ്രായം 36 ദ്രാവിഡ്‌ നു 37. സച്ചിന്‍ കളിച്ച അത്രയും നാള്‍ ദ്രാവിഡിന് കളിക്കാന്‍ അവസരം കിട്ടിയിരുന്നെങ്കില്‍ ദ്രാവിഡ്‌ പണ്ടേ സച്ചിനെ മറികടക്കുമായിരുന്നു..."

എന്നാല്‍ ഇവിടെ ചില വസ്തുതകള്‍ മറഞ്ഞു കിടക്കുന്നുണ്ട്...

ഏഴ് വര്‍ഷം വ്യത്യാസം ഉണ്ടെങ്കിലും സച്ചിന്‍ വെറും 28 ഇന്നിങ്ങ്സേ ദ്രാവിടിനെക്കാള്‍ കൂടുതല്‍ കളിച്ചിട്ടുള്ളൂ. (28 ടെസ്റ്റുകള്‍ അല്ല!)
സച്ചിന്‍ ഇതേവരെ കളിച്ചത് 263 ഇന്നിങ്ങ്സ്കളാണ് . ദ്രാവിഡ്‌ 235 ഉം.

പക്ഷെ 1800 ഇല്‍ അധികം രണ്നുകളും 16 സെഞ്ച്വറികളും സച്ചിന്‍ ദ്രാവിടിനെക്കാള്‍ അധികമായി അടിച്ചിട്ടുണ്ട്. സച്ചിന്റെ ടെസ്റ്റ്‌ ശരാശരി 54.79 ആണ് ദ്രാവിടിന്റെത് 53.06 ഉം.

അതോടെ ആ വാദം അവസാനിച്ചു എന്ന് ഞാന്‍ കരുതട്ടെ...

ഇനി ഈ സെഞ്ച്വറികള്‍ ടീമിന് കൂടുതല്‍ പ്രയോജനപ്പെട്ടത്‌ ആര് കളിച്ചപ്പോള്‍ ആണ് എന്നതാവും അടുത്ത വാദം. സച്ചിന്‍ സെക്കന്റ്‌ ഇന്നിങ്ങ്സില്‍ കളിക്കാറെയില്ല എന്നാണല്ലോ വെപ്പ്!

സച്ചിന്‍ സെക്കന്റ്‌ ഇന്നിങ്ങ്സില്‍ അടിച്ച സെഞ്ച്വറികള്‍ 11 ദ്രാവിഡ് അടിച്ചത് 5.

ഒരു പ്രമുഖ പത്രം ദ്രാവിഡിനെ ഇന്ത്യയുടെ ഏറ്റവും മികച്ച ടെസ്റ്റ്‌ ബാറ്സ്മന്‍ ആയി അവരോധിച്ചു കൊണ്ടു ഇറക്കിയ റിപ്പോര്ട്ട് നു മറുപടിയായി എന്റെ ബ്ലോഗ്ഗില്‍ ഇട്ട അനാല്യ്സിസ് കാണുക.

ഒരു കാര്യം ഇതിന്റെ കൂടെ കൂട്ടി ചേര്ത്തു പറയട്ടെ...

ദ്രാവിഡ്‌ വന്മതില്‍ ആയി നിന്നു തോല്‍ക്കെണ്ടിയിരുന്ന പല കളികളും ജയിപ്പിച്ചിട്ടുണ്ട്. പക്ഷെ ചില ജയിക്കേണ്ട കളിയെങ്കിലും ദ്രാവിഡിന്റെ ഇഴഞ്ഞുള്ള ബാറ്റിംഗ് കാരണം സമനിലയില്‍ എത്തിയിട്ടുണ്ടാവാം(?)

സുനില്‍ ഗവാസ്കര്‍ പറഞ്ഞതാണ്: "സച്ചിന്‍ തന്റെ വിക്കെറ്റ് കൊടുക്കേണ്ട എന്ന് കരുതി കളിച്ചാല്‍ പിന്നെ ആര്ക്കും മൂപ്പരെ ഔട്ട് ആക്കാന്‍ പറ്റില്ല! "

അതായത് വന്മതില്‍ ആകാന്‍ തീരുമാനിച്ചാല്‍ സച്ചിന് വന്മതില്‍ ആവാം. പക്ഷെ കളി ജയിക്കില്ല. സമനിലയാവും. അവസാനം ഒരു പേരും കിട്ടും സച്ചിന്‍ വന്മതില്‍ ആയി ഇന്ത്യ സമനില കരസ്ഥമാക്കി!

വിക്കറ്റ് കൊടുക്കണ്ട എന്ന് തീരുമാനിച്ചു സച്ചിന്‍ കളിച്ച ഒരു കളി ഉണ്ട്. ഒസട്രലിയക്ക് എതിരെ സിഡ്നിയില്‍ 2004 ജനുവരിയില്‍ .

സച്ചിന്‍ ഔട്ട് ആയില്ല. ഒരറ്റത്ത് പാറ പോലെ നിന്നു. ഓഫ്‌ സ്ടുംപിനു പുറത്തു പോയ ഒരൊറ്റ ബോള്ളും തൊട്ടില്ല! സച്ചിന്‍ ആ ടെസ്റ്റില്‍ പുറത്താവാതെ അടിച്ചത് 301 റണ്‍സ്. ഇഴഞ്ഞുള്ള ഒരു ഇന്നിങ്ങ്സ് 241* സെക്കന്റ്‌ ഇന്നിങ്ങ്സില്‍ 60*.

ആ ടെസ്റ്റ്‌ പോലെ എല്ലാ ടെസ്റ്റും വേണമെങ്കില്‍ സച്ചിന് കളിക്കാം. നല്ല ഉഗ്രന്‍ വന്മതിലും ആവാം. പക്ഷെ ഇന്ത്യ കളി ജയിക്കില്ല!

ഇന്ത്യ ചരിത്രത്തില്‍ ഇതുവരെ കളിച്ച ടെസ്റ്റുകളില്‍ ആകെ ജയിച്ചത് 100 ടെസ്റ്റുകള്‍ ആണ്. അതില്‍ 52 എണ്ണം സച്ചിന്‍ ടീമില്‍ വന്നതിനു ശെഷം ഉള്ള ഇരുപതു വര്‍ഷങ്ങളില്‍ ആണ്.

Greame Pollock:
Tendulkar is the best in the world at the moment. Why I've always liked him is that batsmen tend to be negative at times and I think batting is not about not getting out - it is to play positively. I think you got to take it to the bowlers and Sachin is one such player. When you do so, you change the game, you change bowlers because they suddenly start bowling badly because they are under pressure.

ഒരു കൂട്ടിച്ചേര്‍ക്കല്‍ : ഈ പോസ്റ്റ് വായിച്ചു ഞാന്‍ ഒരു ദ്രാവിഡ്‌ വിരോധി ആണെന്ന് കരുതരുത്... സച്ചിന്‍ കഴിഞ്ഞാല്‍ ഞാന്‍ ഏറ്റവും ഇഷ്ടപ്പെടുന്ന ടെസ്റ്റ്‌ കളിക്കാരന്‍ ദ്രാവിഡ് ആണ്. മീഡിയയും ഫാന്‍സും പറഞ്ഞുണ്ടാക്കുന്ന കാര്യങ്ങള്‍ക്ക് അദ്ദേഹം എന്ത് പിഴച്ചു? മുള്ടാന്‍ ദിക്ലരെഷന്‍ പോലും അദ്ദേഹം മന:പൂര്‍വ്വം ചെയ്തതാണെന്ന് ഞാന്‍ കരുതുന്നില്ല്ല.

ഒടുവില്‍ കുറ്റസമ്മതം നടത്തി! അല്ലേ?

2009-11-18T02:46:00.008+05:30

ആദ്യം വായിച്ചപ്പോ ഞാന്‍ ചെറുതായി ഞെട്ടി... ഈശ്വരാ മനോരമ സൈറ്റ് അല്ലെ ഞാന്‍ എടുത്തത്? ഇനി ദേശാഭിമാനി മുഖപ്രസംഗമോ മറ്റോ ആണോ ഞാന്‍ വായിച്ചത്...? ഹേയ് അല്ല! മനോരമ തന്നെ...!! (ക്ലിക്കിയാല്‍ വലുതായി കാണാം...)

"ഒടുവില്‍ കുറ്റസമ്മതം നടത്തി! അല്ലേ?"

ഞങ്ങള്‍ അന്നേ പറഞ്ഞതല്ലേ ?! ഹല്ലപിന്നെ!!

(മനോരമയ്ക്ക് പറ്റിയ ഒരു ചെറിയ കയ്യബദ്ധം ആണ്... എങ്കിലും എന്തിനാ വിട്ടു കളയുന്നത് ? ഒരു പോസ്റ്റിനുള്ള വകുപ്പായില്ലേ? ഇവിടെയാണ് അത് കണ്ടത്. )

ചിത്രങ്ങള്‍ - യൂട്യൂബ് ഇമേജ്, മനോരമ ഓണ്‍ലൈന്‍ സ്ക്രീന്ഷോട്ട് - ചിത്രങ്ങളുടെ പൂര്‍ണ്ണ അവകാശംഇവര്‍ക്ക് മാത്രം!

സ്വന്തം ലേഖകന്‍ ഇടതു കണ്ണിലൂടെ കണ്ടത്‌

2009-11-14T18:44:00.007+05:30

സ്വന്തം ലേഖകന്റെ ബ്ലോഗ് പിപഠിഷു എന്ന എന്റെ ബ്ലോഗിനേക്കാള്‍ പ്രശസ്തമാണ്. എങ്കിലും ഞാന്‍ ഇവിടെ അതിലെ ഒരു പോസ്റ്റ്‌ പരിചയപ്പെടുത്തുക എന്ന സാഹസത്തിനു മുതിരുന്നു. എന്റെ പോസ്റ്റു വഴിയും ആരെങ്കിലും ഒക്കെ അറിയട്ടെ...!

ആ പോസ്റ്റ്‌ ട്വിറ്റെര്‍ അപ്ഡേറ്റ് ആയി ഇടാം എന്ന് കരുതിയതാണ് പക്ഷെ 140 വാക്കുകളില്‍ ഒതുക്കിയാല്‍ പോരാ എന്ന് തോന്നി. എനിക്കിനി ഈ പോസ്റ്റ്‌ ട്വിട്ടെരില്‍ ഇടാല്ലോ... പോസ്റ്റിനു ധൈര്യമായി നര്‍മ്മം എന്ന ലേബലും കൊടുക്കാം.

വായിക്കേണ്ട വിധം.
ആദ്യം ചെയ്യേണ്ടത്‌ ഉപ തിരഞ്ഞെടുപ്പിന്റെ റിസള്‍ട്ട്‌ വന്നു കഴിഞ്ഞുള്ള ദേശാഭിമാനി മുഖപ്രസംഗം വായിക്കുക. (വായിക്കാത്തവര്‍ ഉണ്ടാകില്ല) അതിനെക്കുറിച്ച് ഞാന്‍ ഒരുപാടൊന്നും പറയുന്നില്ല. :D

പിന്നെ നേരെ പോയി സ്വന്തം ലേഖകന്റെ പോസ്റ്റ്‌ വായിക്കുക.

ഇടയ്ക്ക് നിര്‍ത്തി താരതമ്യം ചെയ്യുക... അപ്പോഴാണ്‌ അതിന്റെ ആ... രസം കിട്ടുന്നത്.

ബി സി സി ഐയ്ക്ക്‌ എന്തായാലും ഒരു വലിയ ഉപകാരമാണ് ഈ രണ്ടു പോസ്റ്റുകളും.

സച്ചിന് ഈ തോല്‍വി പുത്തരിയല്ല !

2009-11-05T22:48:00.010+05:30

ഓസ്ട്രേലിയയെ ഒരാള്‍ തോല്‍പ്പിച്ചു! ഓസ്ട്രേലിയ പത്തുപേരെ തോല്‍പ്പിച്ചു! അങ്ങനെ ഇന്ത്യന്‍ ടീം തോറ്റു!! cricinfo scoreborad

സച്ചിന്‍ ഒരു മാച്ച് വിന്നര്‍ അല്ല! കാരണം മാച്ച് വിന്നര്‍ ആവാന്‍ മാച്ച് ജയിക്കണം. അതിന് 10 മണ്ടന്മാര്‍ കൂടെ ഉണ്ടായിട്ടു കാര്യമില്ല! 10 കളിക്കാര്‍ വേണം. ക്രിക്കറ്റ് ഒരു ടീം ഗെയിം ആണ്!

സച്ചിന്‍ റെക്കോര്‍ഡ്‌നു വേണ്ടി മാത്രം കളിക്കും, 7 റണ്‍സ് എടുത്തു പുറത്താവും, റെക്കോര്‍ഡ്‌ ഇടാന്‍ വേണ്ടി സ്ലോ ആയി കളിക്കും അങ്ങനെ എന്തൊക്കെയായിരുന്നു... വെറുതെ പറയുന്നതല്ല. ഇതൊക്കെ ചില സച്ചിന്‍ വിരോധികള്‍ ഓര്‍ക്കുട്ട് ഇന്ത്യ കംമ്യൂനിടി യില്‍ പറഞ്ഞതാണ്. കഴിഞ്ഞ കളിയില്‍ സച്ചിന്‍ സ്ലോ ആവാന്‍ കാരണം റെക്കോര്‍ഡ്‌ ആണത്രേ...

250 വേണ്ടപ്പോ എങ്ങനെ കളിക്കണം 350 വേണ്ടപ്പോ എങ്ങനെ കളിക്കണം ഇതൊക്കെ സച്ചിന് അറിയാം... ആരും പഠിപ്പിക്കണ്ട...!

പറയുന്നതു കേട്ടാല്‍ തോന്നും 17000 റണ്‍സ് ആ കളിയില്‍ എടുതില്ലായിരുന്നെന്കില്‍ സച്ചിന് റെക്കോര്‍ഡ്‌ കിട്ടില്ലായിരുന്നു എന്ന്! പതുക്കെ മതി... അടുത്ത മൂന്നു കൊല്ലത്തിനുള്ളില്‍ എടുത്താലും ആ റെക്കോര്‍ഡ്‌ സച്ചിന് മാത്രമെ കിട്ടൂ... തൊട്ട് താഴെ ഉള്ള ആള്‍ 3000 റണ്‍സ് എടുക്കണം സച്ചിന്റെ അടുത്തെത്താന്‍ !

സച്ചിന്‍ ഔട്ട് ആയാല്‍ ഇന്ത്യ തോറ്റു എന്ന അവസ്ഥ ഇനിയും മാറിയിട്ടില്ല! കഴിഞ്ഞ രണ്ടു കളികളും അതാണ്‌ കാണിക്കുന്നത്...

കഴിഞ്ഞ കളിയില്‍ സച്ചിന്‍ 40 ഇല്‍ നില്‍ക്കുമ്പോള്‍ അശോക ഡിസില്‍വ എന്ന വിവരദോഷി ലെഗ് സ്ടുംപ്‌ നു ഒരുപാടു പുറത്തു കൂടി പോയ പന്തില്‍ സച്ചിനെ lbw വിളിച്ചു ഔട്ട് ആക്കി! സച്ചിനെതിരെ ഉള്ള അറുപതിമൂന്നാമത്തെ തെറ്റായ തീരുമാനം! ഡിസില്‍വ എന്ന ചെറ്റയുടെ സച്ചിനെതിരെയുള്ള അഞ്ചാമത്തെ തെറ്റായ തീരുമാനം! 63 തീരുമാനങ്ങള്‍ ഇവിടെ അതോടെ യുവരക്തങ്ങളുടെ ഘോഷയാത്രയായി. ഇന്ത്യ തോറ്റു!

ഇന്നലെയാവട്ടെ 141 ബാളില്‍ നിന്നു 175 എന്ന സ്വപ്നതുല്യമായ ഇന്നിങ്ങ്സ്‌! 18 റണ്‍സ് മാത്രം ജയിക്കാന്‍ ആവശ്യമുള്ളപ്പോള്‍ സച്ചിന്‍ ഔട്ട് ആയി... അതോടെ ഇന്ത്യന്‍ ടീമിന്റെ കഥയും കഴിഞ്ഞു ! റൈന ഭാവിയുടെ താരം ആണ്. സച്ചിന്‍ പ്രസന്റേഷന്‍ ടൈം ഇല്‍ പോലും പറഞ്ഞത് രൈനയെക്കുരിച്ചു മാത്രമാണ്! മുനാഫ്‌ പാറേല്‍, ആശിഷ്‌ നെഹ്ര ഇവനൊക്കെ എന്താണ് കാട്ടിക്കൂട്ടുന്നത്...? ഇതിപ്പോ എത്ര കളിയില്‍ ഇവന്മാര്‍ അവസാനം കൊണ്ടുപോയി കലം ഉടച്ചു? പ്രത്യേകിച്ച് നെഹ്ര!

പക്ഷെ ഈ തോല്‍വി; ഇത് സച്ചിന് പുത്തരിയല്ല! ഇതിലും 'മികച്ച' ഒരു പ്രകടനം ഇന്ത്യന്‍ ടീമിലെ ബാക്കി 10 പേര്‍ ചേര്ന്നു കാഴ്ചവച്ചിട്ടുണ്ട്‌! ഈ സ്കോര്‍ ബോര്‍ഡ്‌ ഒന്നു നോക്കുക...

1999 ലെ ഇന്ത്യ - പാക്‌ ചെന്നൈ ടെസ്റ്റ്‌

India 2nd innings (target: 271 runs) R M B 4 6

S Ramesh c Inzamam-ul-Haq b Waqar Younis 5 15 14 1 0
VVS Laxman lbw b Waqar Younis 0 25 15 0 0
R Dravid b Wasim Akram 10 110 55 1 0
SR Tendulkar c Wasim Akram b Saqlain Mushtaq 136 405 273 18 0
M Azharuddin lbw b Saqlain Mushtaq 7 59 34 1 0
SC Ganguly c Moin Khan b Saqlain Mushtaq 2 31 25 0 0
+NR Mongia c Waqar Younis b Wasim Akram 52 192 135 3 1
SB Joshi c & b Saqlain Mushtaq 8 40 20 0 1
A Kumble lbw b Wasim Akram 1 7 5 0 0
J Srinath b Saqlain Mushtaq 1 17 8 0 0
BKV Prasad not out 0 14 6 0 0
Extras (b 8, lb 10, nb 18) 36
Total (all out, 95.2 overs) 258

FoW: 1-5 (Ramesh, 3.4 ov), 2-6 (Laxman, 5.4 ov),
3-50 (Dravid, 22.6 ov), 4-73 (Azharuddin, 35.1 ov),
5-82 (Ganguly, 41.5 ov), 6-218 (Mongia, 86.1 ov),
7-254 (Tendulkar, 91.5 ov), 8-256 (Kumble, 92.6 ov),
9-256 (Joshi, 93.1 ov), 10-258 (Srinath, 95.2 ov).

1999 സച്ചിന്‍ എന്തുകൊണ്ടും മറക്കാന്‍ ഇഷ്ടപ്പെടുന്ന ഒരു വര്ഷം ആയിരിക്കും! സ്വന്തം അച്ഛന്റെ മരണം, ലോക കപ്പില്‍ നിന്നുള്ള പുറത്താകല്‍ , കരിയറിന് തന്നെ ഭീഷണി ആയി വന്ന നടുവ് വേദന!

ആ നടുവ് വേദനയുമായി ആണ് സച്ചിന്‍ ചെന്നൈ ടെസ്റ്റ്‌ കളിക്കാന്‍ ഇറങ്ങിയത്‌... മുതുകില്‍ ഐസ് കട്ടകള്‍ കെട്ടി വച്ചു...വേദന കടിച്ചമര്‍ത്തി... വേദന സംഹാരികള്‍ പ്രയോഗിച്ചു... ഇടയ്ക്ക് സച്ചിന്‍ വേദന കൊണ്ടു പുളയുന്നത് കാണാമായിരുന്നു.

ഇന്ത്യയ്ക്ക്‌ ജയിക്കാന്‍ വേണ്ടിയിരുന്നത് 271 റണ്‍സ്... സച്ചിന്‍ 136 റണ്‍സ് എടുത്തു. വേദന സഹിക്കാന്‍ വയ്യാതെ, കളി പെട്ടെന്ന് തീര്‍ക്കാന്‍ ആവാം അദ്ദേഹം ഒരു വലിയ ഷോട്ടിനു ശ്രമിച്ചു ഔട്ട് ആയി...

അപ്പോള്‍ ഇന്ത്യക്ക് വേണ്ടിയിരുന്നത് വെറും 16 റണ്‍സ്... 3 വിക്കെട്ടുകള്‍ ബാക്കി. അത് ഒരു ടെസ്റ്റ്‌ മത്സരം ആണെന്ന് ഓര്‍ക്കണം... ഇന്ത്യ 12 റണ്‍സ് നു തോറ്റു! അതായത്‌ ബാക്കിയുള്ള മഹാന്മാര്‍ ചേര്ന്നു 4റണ്‍സ് എടുത്തു!

മുന്‍ ബി സി സി ഐ പ്രസിഡന്റ് രാജ് സിംഗ് ദുര്‍ഗാപൂര്‍ ആ ഇന്നിങ്ങ്സ്നെ പറ്റി പിന്നീട് പറഞ്ഞത് ഇതാണ്:

" I think Joshi told me he[Sachin] went down the wicket and told him its gone too long now,let me finish this match.
So it was flotter from Saqlain,He came down the track and wanted to hit over the top of long on.
I came down the dressing room,I think its fair for me to say,he[Sachin] was weaping like a school boy,I kept on telling him why are you taking the whole blame yourself,by then we lost the match.You made impossible possible by playing this great inning.He[Sachin] said no sir,I have lost this match.
We were in the podium,I think very few time you gets man of the match on the loosing side,he got the man of the match on the loosing side.From the podium I signal to Anshuman Gaekwad the coach of the Indian team and asked him where is he[Sachin], because I knew he was Man of the match. Gaekwad said he not coming because he is crying.
I think thats what commitment is all about."

" In my life time being in and out of Indian Dressing Room in various capacities I have never seen a man half as patriotic as He is[Sachin Tendulkar]. He opens his bag and there is Ganpati and there is flag of India."

പിന്നീട് സഞ്ജയ്‌ മന്ജരെക്കര് പറഞ്ഞിരുന്നു... ആ കളികഴിഞ്ഞ് 6-7 വര്‍ഷങ്ങള്‍ക്കു ശേഷവും സച്ചിന്‍ തന്നെ കാണുമ്പോള്‍ പറയുമായിരുന്നു...

"ചെന്നൈ ടെസ്റ്റ്‌ ഇല്‍ ഞാന്‍ ആ ഷോട്ട് കളിച്ചില്ലായിരുന്നെങ്കില്‍ നമുക്കു ജയിക്കാമായിരുന്നു അല്ലെ...? " എന്ന്...!

അങ്ങനെയെങ്കില്‍ ഈ കളി സച്ചിനെ എത്ര മാത്രം തളര്‍ത്തിയിട്ടുണ്ടാവണം...?

വിസ്ടെന്‍ പുറത്തിറക്കിയ നൂറ്റാണ്ടിലെ മികച്ച ഇന്നിങ്ങ്സ്കളില്‍ ചെന്നൈ ഇന്നിങ്ങ്സ്‌ വന്നില്ല! കാരണം ഇന്ത്യ ജയിച്ചില്ല എന്നത് തന്നെ ! ഈ ഇന്നിംഗ്സിന്റെ വാലില്‍ കെട്ടാന്‍ കൊള്ളാത്ത ഇന്നിങ്ങ്സ്‌ പോലും അതില്‍ വന്നിരുന്നു!

ഈ ഇന്നിങ്ങ്സ്‌ കൊണ്ടു സച്ചിന്‍ വിരോധികള്‍ അടങ്ങി എന്ന് കരുതണ്ട! പുതിയ ഒരു കണ്ടുപിടുത്തവുമായി അവര്‍ രംഗത്തുണ്ട്...

"സച്ചിന്‍ സെഞ്ച്വറി അടിച്ചാല്‍ ഇന്ത്യ തോല്‍ക്കും പോലും..." ആ വിവരദോഷികള്‍ക്കായി ഒരു വിവരം...

സച്ചിന്‍ ഇതുവരെ അടിച്ച 45 ശതകങ്ങളില്‍ 32 എണ്ണം ഇന്ത്യ ജയിക്കാന്‍ കാരണമായി! അതില്‍ 14 എണ്ണം രണ്ടാമത്തെ ഇന്നിങ്ങ്സിലും ആണ്... അതായത് സ്കോര്‍ പിന്തുടരുമ്പോള്‍ .

അപ്പൊ 13 ശതകങ്ങള്‍ ഇന്ത്യ തോല്‍ക്കാന്‍ കാരണമായോ ? ഇവനെയൊക്കെ എന്ത് പറയാന്‍ അല്ലേ ?

പിന്നെ ഒരു കാര്യം കൂടി... സച്ചിന്‍ ആദ്യമായാണ്‌ ഇങ്ങനെ കളിക്കുന്നത്, കളി ജയിപ്പിച്ചിട്ടില്ല, സെല്‍ഫിഷ് ആണ് എന്നൊക്കെ പറയാനും മറ്റും ഒരുപാടു പേര്‍ ഉണ്ടാവും... ചുമ്മാ വള വളാന്ന് അടിക്കാന്‍ ഇഷ്ടമില്ലാതതുകൊണ്ട്‌ അവര്‍ക്കൊക്കെ ഉള്ള മറുപടി എല്ലാം ചേര്ത്തു ഞാന്‍ എന്റെ സ്വന്തം വെബ്സൈറ്റ് ആയ www.sachinandcritics.com ഇല്‍ വിശദമായി ഇട്ടിട്ടുണ്ട്... വളരെ വിശദമായി തന്നെ...!

ഈ ഇന്നിങ്ങ്സ്‌ നെ കുറിച്ചു അവന്മാരോട് ഇതേ പറയാന്‍ ഉള്ളൂ...

" Sachin played an inning only he can play and no, fc***g person, I mean NO FC***G PERSON can take that away from him! "

കഴിഞ്ഞ ദിവസം ആണ് ഞാന്‍ ഒരു പോസ്റ്റ് ഇട്ടതു... സാധാരണ ഒരു പോസ്റ്റ് ഇട്ടു കഴിഞ്ഞാല്‍ ഒരു മാസം കഴിഞ്ഞേ അടുത്തത്‌ ഇടാറുള്ളൂ... ഇന്നു നിയന്ത്രണം വിട്ടു പോയി അതാ... :D

നിയമപാലകരുടെ ഡിം...!

2009-11-04T01:10:00.001+05:30

ഇന്നു രാത്രി... അതായത്‌ കുറച്ചു മുന്‍പ് പാര്‍സല്‍ വാങ്ങാന്‍ ബൈക്ക് എടുത്ത് ഇറങ്ങിയതാണ്... കവടിയാര്‍ പലസ്സിന്റെ മുന്നില്‍ എത്തി...
മുന്നില്‍ ഒന്നും കാണുന്നില്ല. പ്രകാശം തുളച്ചു കയറുന്നു... ഡിം & ബ്രൈറ്റ്‌ ഒരുപാടു തവണ അടിച്ച് കാണിച്ചു...
രക്ഷയില്ല....
ഒരുവിധം അവന്റെ നേരെ നോക്കി ഞാന്‍ അലറി...

"ഡിം അടിക്കെടാ ___________മോനേ....! "

വണ്ടി കടന്നു പോയപ്പോഴാണ് എനിക്ക് എന്തെങ്കിലും കാണാന്‍ പറ്റിയത്‌...

ഒരു നീല ബോലെരോ!! കടവുളേ...!

ഏമ്മാന്മാര്‍ ബ്രേക്ക്‌ ഇട്ടു...! കാരണം... തീരെ പ്രതീക്ഷിചില്ലല്ലോ തിരിച്ചും കിട്ടുമെന്ന് !

(ഞാന്‍ ഒന്നും കണ്ടില്ല എന്ന് മനസ്സിലാക്കാനുള്ള ബുദ്ധി ഉണ്ടാവും എന്ന് കരുതുന്നില്ല! ഉണ്ടെങ്കില്‍ ഡിം അടിക്കില്ലേ...?)

ഞാന്‍ കത്തിച്ചു വിട്ടു... ഈശ്വരാ...! 'നിയമപാലകരുടെ' കൂടെ പോയി ഉണ്ട തിന്നേണ്ടി വന്നില്ല!

റോഡ് മൊത്തം ഇവരുടെ ബോര്‍ഡ്‌ ആണല്ലോ... ഡിമ്മടിക്കൂ...ഡിമ്മടിക്കൂ... എന്ന്... ഇവരാണോ ഈ നാട് നന്നാക്കാന്‍ പോവുന്നത് ...?!!

രാത്രിയിലെ ഡ്രൈവിംഗ് ഒരു ദുരിതം തന്നെയാണ്... !

ബ്രൈറ്റ്‌ അടിച്ച് പിടിച്ച് ഓടിച്ചാല്‍ അവന് യാതൊരു പ്രശ്നവുമില്ല എല്ലാം വൃത്തിയായി കാണാം... എതിരെ വരുന്നവന് ആണ് പ്രശ്നം!

ബ്രൈറ്റ്‌ അടിച്ചോട്ടെ... ഇടയ്ക്ക് ഒരു തവണയെങ്കിലും ഒന്നു ഡിം അടിച്ചിട്ട് പിന്നെ ബ്രൈറ്റ്‌ അടിച്ച് പിടിച്ചോളൂ... മുന്നില്‍ എന്താണ് എന്നുള്ള ഒരു സാമാന്യ രൂപം എങ്കിലും കിട്ടുമല്ലോ... അതുപോലും ചെയ്യതവനെയൊക്കെ എന്താണ് ചെയ്യേണ്ടത്‌?!

ഹെല്‍മെറ്റ്‌ പിടിക്കാനുള്ള ആക്രാന്തം ഇതിന് കൂടി ഉണ്ടായിരുന്നെങ്കില്‍ ... ഹൊ!

ഹെല്‍മെറ്റ്‌ വച്ചില്ലെങ്കില്‍ അത് വയ്ക്കാത്തവനെ തട്ടിപ്പോകൂ...

ഞാനായിരുന്നു ആ ബോലെരോയില്‍ എങ്കില്‍ ഡിം അടിക്കാതെ വരുന്നവനെയൊക്കെ വലിച്ചിറക്കി കരണക്കുറ്റിക്ക് പോട്ടിചിട്ടെ വിടൂ... സത്യം!

അവാര്‍ഡ്‌ കിട്ടാത്ത ചിത്രകാരന്‍

2009-09-20T01:10:00.000+05:30

ഇന്നലെ സ്ടാച്യു വഴി പോയപ്പോ ഒരാള്‍ക്കൂട്ടം കണ്ട് വണ്ടി നിര്‍ത്തി നോക്കിയപ്പോള്‍ കണ്ടതാണ് ഇത്.
മഹാരാജ ടെക്സ്റൈല്‍സ് കഴിഞ്ഞപ്പോള്‍ ഒരു ഗംഭീരന്‍ ചിത്രപ്രദര്‍ശനം!
വരയ്ക്കുന്നത് അത്ര പ്രശസ്തന്‍ അല്ല! ആളെ കണ്ടാല്‍ വലിയ അവാര്‍ഡ്‌ ഒന്നും കിട്ടിയ ലക്ഷണവും ഇല്ല.

രണ്ടുകൊല്ലം മുന്‍പ് തമ്പാന്നൂര്‍ ബസ്സ് സ്റ്റാന്റ് നു മുന്നിലായി മുരുഗന്‍ എന്ന ഒരാള്‍ ഇതുപോലെ റോഡില്‍ യേശു ക്രിസ്തുവിന്റെ ചിത്രം വരച്ചപ്പോള്‍ ഞാന്‍ ഇതു പോലെ ചിത്രങ്ങള്‍ എടുത്തിരുന്നു... അത് ഇന്നും കയ്യിലുണ്ട്...
എന്റെ കയ്യില്‍ ക്യാമറ ഇല്ല. ആകെയുള്ളത് സോണി എറിക്സണ്‍ k510i ഫോണിലെ 1.3 മെഗാ പിക്സല്‍ ക്യാമറ ആണ്... ക്വാളിറ്റി ഉള്ള ചിത്രങ്ങള്‍ അല്ല. അതുകൊണ്ട് എന്റെ ഫോട്ടോ ബ്ലോഗില്‍ പോസ്റ്റ് ചെയ്യുന്നില്ല. ക്ളിക്ക് ചെയ്‌താല്‍ ഓരോ ചിത്രവും വലുതായി കാണാം...

ചിത്ര പ്രദര്‍ശനത്തിനായി ലൌഡ് സ്പീക്കറും റോബിന്‍ ഹുഡും വഴിമാറിയപ്പോള്‍ ...

ചോക്ക് , കരിക്കട്ട ഇതാണ് കളര്‍ ... ബ്രഷ് ഇല്ല അതിന് പകരം പുല്ല്‌...

വലിച്ചു കെട്ടിയ ബാന്നറില്‍ എഴുതിയിരിക്കുന്നത്... "പോക്കറ്റടി സൂക്ഷിക്കുക!"

ഇതിനിടയില്‍ ടിവികാരെത്തി! ഇന്ത്യാ വിഷന്‍ ക്യാമറമാന്‍

ക്ഷമിക്കണം... ആള്‍ക്കൂട്ടത്തിന്റെ പടം ഒന്നും ഞാന്‍ എടുത്തില്ല!

എല്ലാവരും മനസ്സു നിറഞ്ഞാണ് അവിടെ നിന്നു പോയതെന്ന് ഉറപ്പ്... അവിടെ നിന്ന ഓരോരുത്തരും എത്രമാത്രം ഇത് ആസ്വദിച്ചു എന്നതിനുള്ള തെളിവാണ് മൂപ്പരുടെ കയ്യില്‍ കുമിഞ്ഞു കൂടിയ പത്തു രൂപാ നോട്ടുകള്‍ ... ഓരോ ഭാഗം പൂര്‍ത്തിയാവുമ്പോള്‍ ഉയര്ന്ന കയ്യടികള്‍ .... പടം എടുക്കാനായി ഉയര്‍ന്ന മൊബൈലുകള്‍ ...

അവിടെ നിന്ന ഒരു കാരണവരുടെ കമന്റ്‌: "ചിലവന്മാരൊക്കെ വെള്ള പേപ്പര്‍ എടുത്തു മൂന്നു വര വരച്ചു മോഡേണ്‍ ആര്‍ട്ട് എന്ന് പറയുമ്പോ അവന്മാര്‍ക്ക് ഒള്ള അവാര്‍ഡ്‌ മൊത്തം എടുത്തു കൊടുക്കും. ഇവനാണ് അവാര്‍ഡ്‌ കൊടുക്കണ്ടത്... "

സച്ചിന്‍ കൈ കൊടുത്തോ ഗില്ലീ...?

2009-09-12T22:00:00.006+05:30

ഇന്നു നടന്ന ഏകദിനത്തില്‍ ശ്രീലങ്ക ഇന്ത്യ യെ തോല്‍പ്പിച്ചു... അപ്പോഴാണ്‌ പണ്ട്... എന്ന് വച്ചാല്‍ ഒരു കൊല്ലം മുന്‍പ്‌ ഒരു മഹാന്‍ പറഞ്ഞ കാര്യം ശരിയാണോ എന്ന് നോക്കാം എന്ന് കരുതിയത്‌...
സംഭവം ഇതാണ്...
ആദം ഗില്‍ക്രിസ്റ്റ്‌ ഒരു ആത്മകഥ എഴുതി. എഴുതി കഴിഞ്ഞപ്പോള്‍ ആണ് അത് വായിക്കാന്‍ ആളെ കിട്ടാന്‍ വലിയ പാടാണെന്ന് പുള്ളിക്കാരന് തോന്നിയത്‌. പുള്ളിക്കാരന്‍ നേരെ പോയി ബുക്കിലുള്ള ഒരു വെടി നേരത്തെയങ്ങ് പൊട്ടിച്ചു!
സച്ചിന്‍ കളി തോറ്റാല്‍ കൈ കൊടുക്കാതെ ആണ് ഫീല്‍ഡില്‍ നിന്നു പോവുന്നതത്രേ... സച്ചിന് സ്പോര്‍ട്സ്മാന്‍ സ്പിരിറ്റ്‌ ഇല്ലാ പോലും!

സത്യം പറയാല്ലോ... ഒരു സച്ചിന്‍ ഫാന്‍ എന്ന നിലയില്‍ എനിക്ക് അത് കേട്ടപ്പോ സന്തോഷം തോന്നി!
കാരണം...
കളി തോറ്റാല്‍ നിരാശയും വിഷമവും ഉള്ളത് കൊണ്ടാണ് ഒരാള്‍ അങ്ങനെ ചെയ്യുന്നത്. ആത്മാര്‍ത്ഥതയോടെ കളിക്കുന്ന ഒരാള്‍ക്ക്‌ തോറ്റു കഴിയുമ്പോള്‍ നിരാശ മനസ്സില്‍ വച്ച് ഇളിച്ചു കാണിക്കാന്‍ എപ്പോഴും പറ്റിയെന്നു വരില്ല.
(സച്ചിന്‍ റെക്കോര്‍ഡ്‌ നു വേണ്ടി ആണ് കളിക്കുന്നത് എന്നാണല്ലോ ചില ചങ്ങാതിമാര്‍ പറയുന്നത്...)

പണ്ടെങ്ങോ നടന്ന സംഭവം ഇപ്പോഴാണോ ഇവന്‍ പൊക്കിക്കൊണ്ട് വരുന്നത് എന്ന് തോന്നണ്ട... ഞാന്‍ കാര്യം പറഞ്ഞേക്കാം... വെടി പൊട്ടിച്ചിട്ട് കൊല്ലം ഒന്നു കഴിഞ്ഞു . കാര്യം ഒക്കെ ശരിയാണ്.

പക്ഷെ, ഇന്നാണ് സച്ചിന്‍ കളിച്ച കളിയില്‍ ഇന്ത്യ അതിന് ശേഷം തോല്‍ക്കുന്നത്!
2007 ഡിസംബറില്‍ നടന്ന CB സീരീസ്‌ ഫൈനല്‍ മുതല്‍ ഇങ്ങോട്ട് സച്ചിന്‍ കളിച്ച കളിയിലൊന്നും ഇന്ത്യ തോറ്റിട്ടില്ല! ടെസ്റ്റിലും അതുപോലെ തന്നെ... ഓസീസിന്റെ ഇന്ത്യന്‍ പര്യടനത്തിനു ശേഷം സച്ചിന്‍ കളിച്ച ഒരു കളിയില്‍ പോലും ഇന്ത്യ തോറ്റിട്ടില്ല!

ഇന്നിപ്പോ തോറ്റു... തോറ്റ സമയത്ത് സച്ചിന്‍ പവലിയനില്‍ ആയതു കൊണ്ടു ( അത് കൊണ്ടാണല്ലോ തോറ്റത് ) കയ്യോ കാലോ മറ്റോ കൊടുത്തോ എന്നൊന്നും കാണാന്‍ പറ്റിയില്ല എന്റെ ഗില്ലീ...

വേറെ ചില കാര്യങ്ങള്‍ കൂടി...

കഴിഞ്ഞ കളിയില്‍സച്ചിന്‍ 46 റണ്‍സ് എടുത്ത് ഔട്ട് ആയി. അപ്പൊ എന്റെ ചില കൂട്ടുകാര്‍ പറഞ്ഞത് ഇതാണ്... "കൊറേ നാളായില്ലേ നന്നായിട്ടൊന്നു കളിച്ചിട്ട്..." എന്ന്!

ഒരു പരമ സത്യം അറിയില്ലാത്തവര്‍ക്ക് വേണ്ടി പറയട്ടെ...

ഓര്‍മ്മയുണ്ടോ, സച്ചിന്‍ 163* റണ്‍സ് എടുത്ത് പരിക്കുമൂലം പിന്മാറിയത്...?

ഏകദിനത്തിലെ ആദ്യ ഡബിള്‍ സെഞ്ചുറി അടിക്കുമായിരുന്നു എന്നൊക്കെ മാധ്യമങ്ങള്‍ പറഞ്ഞത്...?

ആ കളിക്ക് ശേഷം സച്ചിന്‍ കളിക്കുന്ന കളി ഇന്നലെ 46 റണ്‍സ് എടുത്ത കളി ആണ് ! ഈ 163 എടുത്ത കളിക്ക് തൊട്ടു മുന്നിലത്തെ കളിയിലും സച്ചിന്‍ 61 റണ്‍സ് എടുത്തിരുന്നു...

സച്ചിന്‍ ക്രിക്കറ്റ് റാങ്കില്‍ പിന്നോട്ട് പോവുന്നതും അതുകൊണ്ടാണ്... അല്ലാതെ മോശം കളി കാരണം അല്ല!

കഴിഞ്ഞ ശ്രീലങ്കന്‍ പര്യടനത്തിലെ വിവാദ തീരുമാനങ്ങള്‍ മൂലം പാഴായ തുടര്‍ച്ചയായ മൂന്നു ഇന്നിങ്ങ്സുകള്‍ (വീഡിയോ) കൂടാതെ സച്ചിന്‍ ന്റെ അവസാന 10 ഇന്നിങ്ങ്സ് സ്കോര്‍ ഇതാണ് -

63, 117*, 91, 11, 50, 20, 61, 163*, 46, 27

സച്ചിനെ ലോകത്തിലെ ഏറ്റവും മികച്ച ബാറ്റ്‌സ്‌മാന്‍ ആയി പരിഗണിക്കുന്ന ഒരാളാണ് ആദം ഗില്‍ക്രിസ്റ്റ്‌. കളിയുടെ കാര്യത്തില്‍ കുറ്റം പറയാന്‍ പറ്റില്ലല്ലോ... അപ്പൊ പിന്നെ ഇതല്ലേ ഒരു വഴി...

വാല്‍ക്കഷ്ണം: ഗില്‍ക്രിസ്റ്റ്‌ 2008 ഇല്‍ വിരമിച്ചപ്പോള്‍ വിടവാങ്ങല്‍ ചടങ്ങില്‍ അദ്ദേഹം പറഞ്ഞത് ഇതാണ്...

"ഇപ്പോള്‍ എന്റെ അവസാന മത്സരത്തിനു ഇറങ്ങുമ്പോള്‍, വലുതെന്തോ പ്രതീക്ഷിച്ചിരിക്കുന്ന നിറഞ്ഞ ഗാലറി കാണുമ്പോള്‍ ഞാന്‍ അറിയുന്നു, സച്ചിന്‍ തെണ്ടുല്‍കര്‍ എന്ന മനുഷ്യന്‍ കഴിഞ്ഞ 20 വര്‍ഷങ്ങളായി ഓരോ കളിയിലും അനുഭവിക്കുന്ന സമ്മര്‍ദം എന്താണ് എന്ന്....!"

ചില ചാനല്‍ പൊടിക്കൈകള്‍

2009-09-09T18:45:00.003+05:30

ഏഷ്യനെറ്റ്‌ നടത്തിയ ഒരു ചെറിയ വിദ്യ ഞാന്‍ ദാ പൊളിച്ചു!... സംഭവം നടന്നിട്ട് കുറച്ചധികം മാസങ്ങള്‍ ആയി. കാര്യം പ്രോഗ്രാമിന് ഭംഗി കൂട്ടാന്‍ ആണെങ്കിലും ഈ ചാനലുകാര്‍ ഇങ്ങനെയൊക്കെ ചെയ്യാവോ?... വിഡ്ഢിപ്പെട്ടി എന്ന് വച്ചാല്‍ മനുഷ്യനെ വിഡ്ഢിയാക്കാനുള്ള സാധനം ആണല്ലോ... അല്ലേ?... സംഗതി ഇതാണ്...
കഴിഞ്ഞ ഏഷ്യാനെറ്റ്‌ ഉജാല ഫിലിം അവാര്‍ഡ്‌ നൈറ്റ്‌ കാണാന്‍ (ചന്ദ്രശേഖരന്‍ നായര്‍ സ്റ്റേഡിയം) ഞങ്ങള്‍ പോയിരുന്നു. ഞങ്ങള്‍ അവിടെ എത്തിയപ്പോള്‍ പൂര്‍ണശ്രീ എന്ന കുട്ടിയുടെ (ഭ്രമരത്തിലെ 'അണ്ണാറ കണ്ണാ വാ...' എന്ന ഗാനം ആലപിച്ച കുട്ടി ) പാട്ടായിരുന്നു അവിടെ നടന്നുകൊണ്ടിരുന്നത്... അപ്പോള്‍ ഏകദേശം 6 മണി കഴിഞ്ഞ് കാണും. ആ പാട്ട് ആദ്യം മുതല്‍ കേള്‍ക്കാന്‍ പറ്റാത്തതില്‍ ചെറിയ ഒരു വിഷമം ഉണ്ടായിരുന്നു... 'ശിങ്കാര വേലനെ ദേവാ...' എന്ന ഗാനം അതി മനോഹരമായാണ് ആ കുട്ടി പാടിയത്‌. ടിവിയിലോ യൂട്യൂബിലോ പിന്നീട് കാണാം എന്ന് കരുതി സമാധാനിച്ചു.

ഞങ്ങളെല്ലാം മോഹന്‍ലാല്‍ എത്തുന്നതും കാത്തിരിക്കുകയായിരുന്നു. എത്തിയത് ഒരുപാടു വൈകിയാണ്. ഒരു 7 - 7.30 കഴിഞ്ഞിട്ടുണ്ടാവണം. നമ്മുടെ ദീദി പാടിക്കൊണ്ടിരുന്നപ്പോള്‍ ആണ് ലാലേട്ടന്‍ എത്തിയത്‌. ആ ബഹളത്തില്‍ ദീദിയുടെ പാട്ടും ആര്‍ക്കും ശ്രദ്ധിക്കാന്‍ പറ്റിയിട്ടുണ്ടാവില്ല!

ഏകദേശം ഒരു 2-3 മണിക്കൂര്‍ ലാലേട്ടന്‍ അവിടെ ഉണ്ടായിരുന്നു എന്ന് തോന്നുന്നു.

മികച്ച ചിത്രത്തിനുള്ള അവാര്‍ഡും നല്കിക്കഴിഞ്ഞപ്പോ മൂപ്പര്‍ അവിടുന്ന് സ്ഥലം വിട്ടു!

ജഗതി ചേട്ടന്‍ സംസാരിക്കുമ്പോള്‍ ലാലേട്ടന്‍ സദ്ദസ്സില്‍ ഉണ്ടായിരുന്നു. പൂര്‍ണശ്രീയുടെ പാട്ടാണ് അദ്ദേഹത്തിന് ആ അവാര്‍ഡ്‌ നൈറ്റില്‍ ഏറ്റവും സന്തോഷം നല്‍കിയത്‌ എന്നും, ആ കുട്ടി സ്വന്തം മകളായി ജനിക്കാതിരുന്നതില്‍ വിഷമം ഉണ്ടെന്നും മറ്റും ജഗതിച്ചേട്ടന്‍ പറഞ്ഞിരുന്നു. അത് കേട്ടപ്പോ ആ പ്രകടനം കാണാന്‍ കഴിയാതിരുന്നതില്‍ ലാലേട്ടന് നല്ല വിഷമം തോന്നിക്കാണണം!

എന്നാല്‍...

ലാലേട്ടന്റെ വിഷമം മനസ്സിലാക്കിയിട്ടാവണം, അവാര്‍ഡ്‌ നൈറ്റ്‌ ടിവിയില്‍ വന്നപ്പോള്‍ ലാലേട്ടന്‍ അതാ പൂര്‍ണശ്രീയുടെ പാട്ട് ആസ്വദിച്ചുകൊണ്ട്‌ സദ്ദസ്സില്‍ ഇരിക്കുന്നു...!!

തീര്‍ന്നില്ല, പൂര്‍ണശ്രീ ഏതോ ഒരു ഭാഗം നന്നായി പാടിയപ്പോള്‍ ആദ്യം കയ്യടിച്ചു പ്രോത്സാഹിപ്പിക്കുന്നതും ലാലേട്ടന്‍ തന്നെ...!!

ഇതാ വീഡിയോ...

അത് മാത്രം അല്ല! ആദ്യ പ്രോഗ്രാം മുതല്‍ ദേശീയ ഗാനത്തിന് തൊട്ടു മുന്‍പുവരെ ലാലേട്ടന്‍ അവിടെതന്നെ ഉണ്ട്!

അവാര്‍ഡ്‌ നിശ ലൈവ് അല്ലാത്തത് എന്താണെന്ന് ഞങ്ങള്‍ക്ക് അന്ന് തോന്നിയിരുന്നു. ഏകദേശം 2 ആഴ്ച കഴിഞ്ഞാണ് അത് ടിവിയില്‍ വന്നത്. ഇപ്പോഴല്ലേ ഗുട്ടന്‍സ്‌ പിടികിട്ടിയത്‌...

വാല്‍ക്കഷ്ണം: റിയാലിറ്റി ഷോകളുടെ ഷൂട്ടിംഗ് കാണാന്‍ സ്റ്റുഡിയോ ഇല്‍ പോയി ഇരിക്കുന്നവരുടെ ശ്രദ്ധയ്ക്ക് - തീരെ കണ്ട്രോള്‍ ചെയ്യാന്‍ പറ്റുന്നില്ലെങ്കില്‍ മാത്രം ചിരിക്കുക... നിങ്ങളുടെ ചിരി ആരും ചിരിക്കാതിരുന്ന ഏതെങ്കിലും വളിച്ച തമാശയുടെ കൂടെ ആയിരിക്കും കാണിക്കുന്നത്...

റിയാലിറ്റി ഷോവില്‍ എപ്പോഴും ഒരേ ഫ്രീക്വന്‍സിയില്‍ കയ്യടി തുടങ്ങി അവസാനിക്കുന്നത് കേട്ടിട്ടില്ലേ... അതുപോലെ എത്രയെത്ര പൊടിക്കയ്കള്‍...

ചൈനയ്ക്കു കൊടുത്ത ഒരു പണി!

2009-08-23T17:08:00.017+05:30

ചൈനീസ്‌ ഗവണ്മെന്റ് വെബ്‌സൈറ്റ് ഒരു മിടുക്കന്‍ കേറിയങ്ങു ഹാക്കി!! അതുല്‍ ദ്വിവേദി എന്ന ഡല്‍ഹിക്കാരന്‍ പയ്യന്‍ ആണ് ആള്! അവന്മാര്‍ നമ്മുടെ ഗവണ്മെന്റ് വെബ്‌സൈറ്റ് കളില്‍ ചെറിയ പണികള്‍ ഒക്കെ തന്നു കൊണ്ടിരുന്നപ്പോ തന്നെ കരുതി വച്ച അടിയാണത്രേ ഇത്...!

ഹാക്കിംഗ് തുടങ്ങിയപ്പോഴേ മൂപര് വന്നു ഓര്‍ക്കുട്ട് ഇന്ത്യന്‍ കമ്മ്യൂണിറ്റിയില്‍ വിവരം അറിയിച്ചു! മാത്രമല്ല, അവിടുന്ന് കിട്ടിയ നിര്‍ദേശങ്ങള്‍ എല്ലാം അതെ പോലെ കൊണ്ടുപോയി വെബ്സൈറ്റില്‍ ചാര്‍ത്തി!! ആദ്യം ഒരു ചെറിയ വാചകം മാത്രം!

"HACKED BY ATUL DWIVEDI--JAI HIND --F**K CHINA[2009-08-23]"

പിന്നെ ഈ പടം! പടത്തിനു വലിപ്പം പോരാ എന്ന് പറഞ്ഞപ്പോ നല്ല വലിയ ഒരു പടം ഒത്ത നടുക്ക്‌ !!

അത് വരെ ലേയൌട്ട് നു ഒരു പ്രശ്നവും ഇല്ലായിരുന്നു! ഈ വലിയ പടം എത്തിയപ്പോ സര്‍വത്ര കുളം! താഴെയും മുകളിലും എല്ലാം സ്ക്രോല്‍ ബാര്‍... ടെക്സ്റ്റ് താഴെ... ഇമേജ് മുകളില്‍...

Atul: "CHINESE hackers have many times hacked into indian govt websites, so i just tuk a small part of forthcoming Indian revenge against chinese cyber world."

ഇവിടെ ആ സൈറ്റ് കാണാം

ഇതാ സ്ക്രീന്‍ ഷോട്ട്... ക്ലിക്കിയാല്‍ വലുതായി കാണാം (ആദ്യത്തെ അവസ്ഥ ആണിത്‌... മൂപ്പര് കേറി മേഞ്ഞു കഴിഞ്ഞുള്ള ചിത്രം ഇടാനുള്ള മനക്കരുത്ത് എനിക്കില്ല! സത്യം...! കണ്ടാ പെറ്റമ്മ സഹിക്കൂല്ല! )

ബൈ ദ ബൈ : നാളെ കേരളത്തില്‍ CPM ഹര്‍ത്താല്‍ ആണെന്ന് കേള്‍ക്കുന്നു... ശരിയാണോ?... :D

എന്റെ ഫോട്ടോന്വേഷണ പരീക്ഷണങ്ങള്‍

2009-08-03T00:15:00.002+05:30

ഒരു ഫോട്ടോ ബ്ലോഗ് തുടങ്ങാന്‍ മിനിമം എന്താണ് വേണ്ടത്?...
ക്യാമറ അല്ലേ?... അതെന്റെ കയ്യില്‍ ഇല്ല!
പക്ഷെ ഞാന്‍ ഒരു ഫോട്ടോ ബ്ലോഗ് തുടങ്ങി! ആ കാര്യം നാലഞ്ചു ആള് അറിയാനാണ് ഈ പോസ്റ്റ്!...

ഒരു ഡിജിറ്റല്‍ ക്യാമറ സ്വപ്നം കാണാന്‍ തുടങ്ങിയിട്ട് വര്‍ഷം ഒരുപാടായി. ൦.3 മെഗാ പിക്സല്‍ VGA ക്യാമറ വല്ല്യ സംഭവം ആയിരുന്ന കാലത്തു തുടങ്ങിയ സ്വപ്നം! അന്നും 36 ഫോട്ടോ എടുക്കാവുന്ന ഫിലിം ക്യാമറ ആയിരുന്നു ഒരു ആശ്രയം! അതില്‍ ഫോട്ടോ എടുത്തു പരീക്ഷിച്ചാല്‍ കൈ പൊള്ളും.

ഇപ്പൊ ഉള്ളത്‌ എന്റെ സോണി എറിക്സണ്‍ k510i ഫോണിലെ 1.3 മെഗാ പിക്സല്‍ ക്യാമറ ആണ്... അത് കൊണ്ടു ഫോട്ടോ എടുത്തു ബ്ലോഗ് തുടങ്ങിയാല്‍ ബൂലൊകത്തെ ബാക്കിയുള്ള ഫോട്ടോ ബ്ലോഗുകാര്‍ എന്നെ നാടുകടത്തും!

ഞാനും വാങ്ങും ഒരിക്കല്‍(?) ഒരു ഡിജിറ്റല്‍ ക്യാമറ!. അപ്പൊ പിന്നെ ബ്ലോഗ് ഉണ്ടാക്കാന്‍ ഓടി നടക്കണ്ടല്ലോ... ഇപ്പോഴേ ഇരിക്കട്ടെ ഒരെണ്ണം! പിന്നെ ഇടയ്ക്ക് ആരുടെയെങ്കിലും ക്യാമറ കടം കിട്ടിയാല്‍ ഫോട്ടോ എടുത്തു ഇടാമല്ലോ...

പിന്നെ ഒന്നും നോക്കിയില്ല, "ഫോട്ടം പിടുത്തം" എന്ന പേരില്‍ ഒരെണ്ണം അങ്ങ് തുടങ്ങി!

അഡ്രസ്‌ ഇതാണ് : www.fottam.blogspot.com

എന്റെ ഫോട്ടോന്വേഷണ പരീക്ഷണങ്ങള്‍ വല്ലപ്പോഴും ഒന്നു പരീക്ഷിക്കണേ...

ചെറായി ബ്ലോഗ്ഗര്‍ മീറ്റും ഞാനും

2009-07-28T15:30:00.000+05:30

രണ്ടു മൊബൈല്‍ ഫോണ്‍ അലാറം, ഒരു ടൈം പീസ്‌, 20-70 കോളുകള്‍ ഇതൊക്കെ ഒരുമിച്ചു പ്രയത്നിച്ചാലും എന്നെ രാവിലെ ഉണര്‍ത്താന്‍ പറ്റിയെന്നു വരില്ല! അതുകൊണ്ട്, വെളുപ്പിന് എണീക്കുക ഒരു സ്ഥലം വരെ പോവുക ഇതൊക്കെ എനിക്ക് മനോഹരങ്ങളായ നടക്കാത്ത സ്വപ്‌നങ്ങള്‍ ആണ്. (നാട്ടില്‍ ആണെങ്കില്‍ അങ്ങനെ ഒരു പ്രശ്നം ഇല്ല! അച്ഛന്‍ ഡാ!! എന്ന്‌ ഒരൊറ്റ വിളി വിളിച്ചു കഴിയുന്നതിനു മുന്‍പേ ചാടി അവിടെ എത്തിയിരിക്കും!) അപ്പൊ പിന്നെ അതിരാവിലെ എങ്ങോട്ടെങ്ങിലും യാത്ര ഉണ്ടെങ്കില്‍ അന്നേ ദിവസം ഉറങ്ങാതെ സിസ്റ്റതിന്റെ മുന്നില്‍ അങ്ങ് തള്ളി നീക്കും! അതാണ്‌ പതിവു.

ചെറായി മീറ്റ് എന്ന് കേട്ടപ്പോഴേ പോവാന്‍ തീരുമാനിച്ചിരുന്നു. പക്ഷെ ശനിയാഴ്ച വൈകിട്ടായപ്പോ ഒടുക്കത്തെ ഒരു പനി! കഴിഞ്ഞ ഞായറാഴ്ച തൃശൂര്‍ വരെ പോയിട്ട് വന്നപ്പോ കൂടെ കൊണ്ടുവന്ന ജലദോഷം ആണ് ഇപ്പൊ പണി തന്നത്. വരുന്നിടത്ത് വച്ചു കാണാം! രാത്രി രണ്ടും കല്‍പ്പിച്ചു ഫാന്‍ ഓണ്‍ ആക്കാതെ നെറ്റും നോക്കി അങ്ങിരുന്നു! 3-4 മണി ആയപ്പോ പനി ഒക്കെ കുറഞ്ഞപോലെ ഒരു തോന്നല്‍. പിന്നെ ഒന്നും നോക്കിയില്ല. കുളിച്ചു ബൈക്കും എടുത്തു നേരെ തമ്പാന്നൂര്‍ സ്റ്റേഷനില്‍ എത്തി. ത്രിശൂര്‍ പോയ അതെ വണ്ടിയില്‍ കയറി ഇരുന്നു, രപ്തിസാഗര്‍ സൂപെര്‍ ഫാസ്റ്റ് എക്സ്പ്രസ്സ്! സമയം 5:15. തീരെ വയ്യെങ്കില്‍, ചേര്‍ത്തലയില്‍ ഇറങ്ങാം എന്ന് കരുതി! പക്ഷേ, ഏറണാകുളം എത്തിയപ്പോഴാണ് ഉണര്‍ന്നത്!

10.15 നു ആലുവയില്‍ ഇറങ്ങി പറവൂര്‍ വണ്ടിയില്‍ കയറി. അവിടെ എത്തിയപ്പോള്‍ സമയം 10.45 ആയി. വണ്ടിഒന്നും നോക്കി നില്‍ക്കാന്‍ തോന്നിയില്ല! ഒരു ഓട്ടോ പിടിച്ചു നേരെ ചെറായിലേയ്ക്ക് വിട്ടു! ഒരു 20-30 കി മി സ്പീഡില്‍ ആണ് ആന്റോ ചേട്ടന്‍ ഓട്ടോ പറത്തിയത്! ഒരു 28-30 വയസ്സുണ്ടാവും മൂപ്പര്‍ക്ക്. വഴിനീളെ വാഹനാപകടങ്ങളെ പറ്റിയും, വേഗതയെ പറ്റിയും ഒക്കെ എനിക്ക് ക്ലാസ്സ് എടുത്തു ! പിന്നെ ബ്ലോഗിങ്ങ് നെപറ്റി, മലയാളം ബ്ലോഗുകളെപ്പറ്റി ഒക്കെ കുറെ ചോദ്യങ്ങള്‍... ചെറായി ജങ്ക്ഷന്‍ എത്തിയപ്പോ വിഷയം മാറി ചെറായി ആയി! ഒരു 20 വര്‍ഷത്തെ ചെറായിയുടെ ചരിത്രം, ഭുമിശാസ്ത്രം, സുനാമി, റോഡ്, ബാര്‍, കടല്‍ഭിത്തി, ഫണ്ട്‌, ബീച്ച്, അഴിമതി, മന്ത്രി, അച്ചുമാമ്മന്‍ , ജെ സീ ബീ, റിസോര്‍ട്ട്, പാലം, ചെറായിയുടെ ഭാവി... ഏകദേശം അര - മുക്കാല്‍ മണിക്കൂര്‍ കൊണ്ടു അമരാവതിയില്‍ എത്തി!

ഓട്ടോയില്‍ നിന്നു ഇറങ്ങിയപ്പോഴേ ആലുവയില്‍ ബസില്‍ വച്ചു കണ്ട ഒരു ചേട്ടന്‍ അവിടെ നില്ക്കുന്നു! സത്യം പറയാല്ലോ... ബസ്സ് ഇല്‍ വച്ചു കണ്ടപ്പോഴേ പുള്ളി മീറ്റ് നു വന്നതാണെന്ന് എനിക്ക് തോന്നിയിരുന്നു! ബസ്സ്ഇല്‍ വച്ച കണ്ട പരിചയത്തില്‍ ചേട്ടന്‍ ഒരു നമസ്കാരം പറഞ്ഞു! അപ്പൊ ചെറിയ ഒരു സമാധാനം ആയി. (പിന്നെയാണ് മനസ്സിലായത്‌ അത്കായംകുളം സൂപ്പര്‍ ഫാസ്റ്റ്‌ അരുണ്‍ ചേട്ടന്‍ ആയിരുന്നു എന്ന്...) പിന്നെ നേരെ രജിസ്ട്രേഷന്‍ കൌണ്ടറിലേക്ക് ചെന്നു! അവിടെയിരുന്ന ബിന്ദു ചേച്ചി "ഇവനും ബ്ലോഗ്ഗര്‍ ആണോ ?" എന്ന മട്ടില്‍ ഒരു നോട്ടം! രണ്ടും കല്‍പ്പിച്ചു ചെന്നു രജിസ്റ്റര്‍ ചെയ്തു! അപ്പോഴാണ്‌ ഓരോരുത്തരായി മൈക്കിലൂടെ പരിചയപ്പെടുത്തുന്ന ശബ്ദം! എന്റെ ചങ്ക് കത്താന്‍ തുടങ്ങി!! കുറച്ചു ധൈര്യം സംഭരിക്കാനായി നേരെ മുന്നില്‍ ചെന്നു നിന്നു. മണി ചേട്ടന്‍ വന്നു പരിചയപ്പെട്ടു. കുറച്ചു ആശ്വാസം ആയി. പക്ഷേ മൈക്ക് കണ്ടപ്പോ പിന്നെയും എല്ലാം ചോര്‍ന്നു! എന്തൊക്കെയോ പറയാന്‍ ഓര്‍ത്തു വച്ചു. അങ്ങനെ എന്റെ ഊഴം എത്തി... മൈക്ക് എടുത്തു ക്യാമറയുടെ മുന്നില്‍ വന്നു പരിചയപ്പെടുത്താന്‍ തുടങ്ങി... 2-3 വാചകങ്ങള്‍ പറഞ്ഞു വെറുതെ ഒന്നു എല്ലാരേയും നോക്കി. എന്റമ്മോ!! എല്ലാരും എന്നെ നോക്കി ഇരിക്കുന്നു! പിന്നെ എല്ലാം ഒരു പുകമയം... അവിടെ വച്ചു നിര്‍ത്തി!

കുറച്ചു സമയം കഴിഞ്ഞപ്പോള്‍ സാഹചര്യങ്ങളോട് പൊരുത്തപ്പെടാന്‍ തുടങ്ങി. പിന്നെ ഒരു രസം ആയി! ഹരീഷേട്ടന്‍ ഇടയ്ക്ക് വന്നു എല്ലാരോടും സംസാരിക്കൂ, മിണ്ടാതെ നില്‍ക്കാതെ എന്നൊക്കെ പറഞ്ഞപ്പോ നല്ല ധൈര്യം ആയി. ഇടക്കിടെ ഓരോരുത്തരെ പരിചയപ്പെട്ടു. ധനേഷ്, വിനയന്‍ , ജയന്‍ ചേട്ടന്‍ , ഹന്‍ല്ലലത്ത് അങ്ങനെ ഒരുപാടുപേര്‍...

സജ്ജീവേട്ടന്‍ വരയ്ക്കുന്നത് കണ്ടിരുന്നതിനാല്‍ സമയം പോയതറിഞ്ഞില്ല! കാരിക്കേച്ചര്‍ വരയ്ക്കുന്നതിനു എന്റെ ഊഴം എത്തി. പോങ്ങുമ്മൂടന്‍ ചേട്ടന്റെ പടം സജ്ജീവേട്ടന്‍ വരയ്ക്കുന്നു! അതിന് തൊട്ടു പിന്നില്‍ ക്യൂവില്‍ ഞാന്‍ , എന്റെ പിറകില്‍ നിരക്ഷരന്‍ ചേട്ടന്‍ !
നിരക്ഷരന്‍ ചേട്ടന്‍ , പോങ്ങുമ്മൂടന്‍ ചേട്ടന്‍ , ഹരീഷേട്ടന്‍ എന്നിവരെ പരിചയപ്പെടുക, സജ്ജീവ് ചേട്ടന്‍ വരക്കുന്നത് ഒന്നു കാണുക. ഇതായിരുന്നു മീറ്റ് നു വരുന്ന കാര്യം ആലോചിക്കുമ്പോള്‍ മുതല്‍ എന്റെ മനസ്സില്‍ ഉണ്ടായിരുന്ന പ്രധാന പദ്ധതികള്‍.

ഹരീഷേട്ടനെ പരിചയപ്പെട്ടു... സജീവേട്ടന്‍ എന്റെ പടം വരച്ചു... നിരക്ഷരന്‍ ചേട്ടനുമായി സംസാരിച്ചു... പരിചയപ്പെടാന്‍ പറ്റിയില്ല! സാരമില്ല ഇനിയും ആവാമല്ലോ... :)

നിരക്ഷരന്‍ ചേട്ടന്റെ ബ്ലോഗ് കണ്ടാണ്‌ ഞാന്‍ ബ്ലോഗിങ്ങ് തുടങ്ങിയത്‌. ഡിസൈന്‍ മുതല്‍ ഫോണ്ട് വരെ എല്ലാം അതേപടി അനുകരിച്ചുകൊണ്ട്! മനോരമ ഓണ്‍ലൈന്‍ ബ്ലോഗ്ഗിലും നിരക്ഷരന്‍ ചേട്ടന്റെ പോസ്റ്റുകളുടെ സ്ഥിരം വായനക്കാരന്‍ ആണ് ഞാന്‍ - ഇതൊക്കെ മൈക്കില്‍പരിചയപ്പെടുത്തലിന്റെ കൂടെ പറയാന്‍ വച്ചിരുന്നതാണ്... :(

പിന്നെ ഊണ്! ഹരീഷേട്ടന്റെ കൂടെ ഇരുന്നു വിശദമായി ഉണ്ടു... അവസാനമായപ്പോ ലതിചെച്ചിയും ഉണ്ടായിരുന്നു കമ്പനിക്ക്. ഭാരം കുറക്കാന്‍ ഞാന്‍ ജിമ്മില്‍ പോയിതുടങ്ങിയിരുന്നു! കഴിഞ്ഞ 22 ദിവസമായി ഒരു ചായപോലും കുടിക്കാതെ, ഒരു തുള്ളി മധുരം ഉള്ളില്‍ പോവാതെ, ഒരു പിടി ചോറ് പോലും ഉണ്ണാതെ, ഒരു തരി എണ്ണയോ, എണ്ണയില്‍ ഉണ്ടാക്കിയ സാധനങ്ങളോ ഉള്ളില്‍ പോവാതെ ഞാന്‍ കൊണ്ടുനടന്ന ഡയറ്റ്‌ ആണ് അന്നത്തെ ഫുഡ്‌ കണ്ടു അന്തംവിട്ടു മറന്നത്! ചോറും, ചെമ്മീന്‍ വടയും, കരിമീന്‍ വറുത്തതും, ഫ്രൂട്ട് സലാടും നന്നായി തട്ടി. എങ്കിലും എന്റെ പ്രീയപ്പെട്ട പപ്പടം ഞാന്‍ കഴിച്ചില്ല! ഞാനാരാ മോന്‍ ! ഇന്നലെ ദാ വീണ്ടും തുടങ്ങി എന്റെ ഡയറ്റ്‌!

പിന്നെ ഗ്രൂപ്പ് ഫോട്ടോ... ഏറ്റവും പുറകില്‍ പറ്റാവുന്നിടത്തോളം എത്തിവലിഞ്ഞു നിന്നു! ഇന്നലെ ഫോട്ടോ നോക്കിയപ്പോ എല്ലാവരും ക്യാമറയില്‍ നോക്കി നില്ക്കുന്നു! ഞാന്‍ കിഴക്കോട്ടു നോക്കി നില്ക്കുന്നു! ശവം! അതും നശിപ്പിച്ചു.

പിന്നെ നീണ്ട 22 നാളുകള്‍ക്കു ശേഷമുള്ള ഒരു ചായയും കുടിച്ചു അവിടെ നിന്നു യാത്ര പറഞ്ഞു. ചെറായി വരെ ലതിചെച്ചിയുടെ കാറില്‍. കൂടെ ബിലാത്തിപട്ടണം ചേട്ടനും ഉണ്ടായിരുന്നു. പിന്നെ പറവൂര്‍ കൊച്ചി വഴി അനന്തപുരിയിലേക്ക്‌.

ഇവിടെ എത്തി 2 ദിവസം കഴിഞ്ഞിട്ടും ചെറായിയും മീറ്റും മറക്കാന്‍ പറ്റുന്നില്ല! പോവണ്ട എന്ന് തീരുമാനിച്ചിരുന്നെങ്കില്‍ ജീവിതത്തിലെ ഒരു വലിയ നഷ്ടം ആയേനെ അത്.

ഇതാണ് ഈ ബ്ലോഗ് മീറ്റ് എന്ന് പറയുന്ന സാധനം എങ്കില്‍... എല്ലാ ബ്ലോഗ് മീറ്റിനും ഞാനും ഉണ്ടാവും! തീര്‍ച്ച!!

ജോണ്‍ ഉലഹന്നാന്‍ അന്തരിച്ചു

2009-06-29T23:47:00.014+05:30

കേരളത്തിലെ മിക്കവാറും എല്ലാ TV പ്രേക്ഷകര്‍ക്കും ഓര്‍മയുണ്ടാവും ജോണ്‍ ഉലഹന്നാന്‍ എന്ന ടെലിവിഷന്‍ റിപ്പോര്‍ട്ടര്‍നെ. ഉപഗ്രഹചാനലുകള്‍ ഇല്ലാതിരുന്ന കാലത്തു ദൂരദര്‍ശന്‍ വാര്‍ത്തകള്‍ റിപ്പോര്ട്ട് ചെയ്തിരുന്ന സുമുഖനായ ഊശാംതാടിക്കാരന്‍ .
തൊണ്ണൂറുകളില്‍ ദൂരദര്‍ശന്‍ സംപ്രേക്ഷണങ്ങളില്‍ പ്രധാന സംഭവങ്ങള്‍ റിപ്പോര്ട്ട് ചെയ്തിരുന്നതും, പ്രമുഖ അഭിമുഖങ്ങള്‍ നടത്തിയിരുന്നതും അദ്ദേഹമായിരുന്നു. ചടുലമായ സംഭാഷണ രീതിയും പ്രസന്നമായ മുഖവും അദ്ദേഹത്തിന്റെ പ്രത്യേകതകള്‍ ആയിരുന്നു. മികച്ച റിപ്പോര്‍ട്ടര്‍ക്കുള്ള സ്ടെട്സ്മാന്‍ പുരസ്കാരം അദ്ദേഹത്തിന് ലഭിച്ചിട്ടുണ്ട്.
അല്‍പസമയം മുന്‍പ് ഏതോ ഒരു ചാനലില്‍ ഫ്ലാഷ് ന്യൂസ് ആയി ആണ് ഞാന്‍ മരണ വാര്‍ത്ത കണ്ടത്‌.
സത്യത്തില്‍ ഞാന്‍ ഞെട്ടിപ്പോയി! കാരണം, വളരെയധികം നാളുകള്‍ക്കു ശേഷം ഇന്നു ഞാന്‍ അദ്ദേഹത്തെ കുറിച്ചു ആലോചിച്ചിരുന്നു! അതിന് കാരണം ആയതു ആ ഊശാംതാടിയും! തിരുവനന്തപുരത്ത് നിന്നു ഇന്നു വൈകിട്ടാണ് ഞാന്‍ നാട്ടിലേക്ക് പോന്നത്! വഴിയില്‍ വച്ചു ഓരോ കാര്യങ്ങള്‍ ആലോചിച്ചു. അതിനിടക്ക്‌ എപ്പോഴോ ഊശാംതാടി ഇവിടെഇന്ത്യ ഇല്‍ എങ്ങനെ ഒരു സ്റ്റൈല്‍ ആയി എന്നൊക്കെ ആലോചിച്ചു. സച്ചിനിലൂടെയും, ബാളി സാഗുവിലൂടെയും ആണ് ഈ സ്റ്റൈല്‍ ഇവിടെ ഹിറ്റ്‌ ആയതെങ്കിലും അതിനുമുന്‍പെ കുറച്ചു പേര്‍ ഊശാംതാടി വയ്ക്കുന്നവരായി ഇവിടെ ഉണ്ടായിരുന്നു. ആദ്യം മനസ്സില്‍ വന്നത് ജോണ്‍ ഉലഹന്നാനും! അങ്ങനെ അദ്ദേഹത്തെ കുറിച്ചായി ആലോചന. അദ്ദേഹത്തിന്റെ പഴയ പരിപാടികളും മറ്റും മനസ്സിലേക്ക് കടന്നു വന്നു! ഇപ്പോള്‍ദൂരദര്‍ശനില്‍ ഏതെങ്കിലും ഉന്നത പദവിയിലായിരിക്കാം എന്നൊക്കെ ഊഹിച്ചു!
വീട്ടിലെത്തി ന്യൂസ് ചാനലുകള്‍ കണ്ടുകൊണ്ടിരിക്കെ ചില റിപോര്‍ട്ടിംഗ്കള്‍ കാണവേ അദ്ദേഹത്തെ വീണ്ടും ഓര്‍മിച്ചു! പത്തോ പതിനഞ്ചോ മിനിട്ടുകള്‍ക്കകം തന്നെ ഏതോ ഒരു ചാന്നെലില്‍ അദ്ദേഹത്തിന്റെ മരണ വാര്‍ത്ത ഞാന്‍ കണ്ടു! തികച്ചും യാദൃശ്ചികമായി...
2009 ജൂണ്‍ നഷ്ടങ്ങളുടെ മാസം ആണ്! മൈക്കില്‍ ജാക്സന്‍ , ലോഹിതദാസ് എന്നീ പ്രതിഭകളെയും നമുക്ക്‌ അകാലത്തില്‍ നഷ്ടപ്പെട്ട മാസം...
ഈ മൂന്നു പ്രതിഭകള്‍ക്കും എന്റെ ആദരാഞ്ജലികള്‍...

അദ്ദേഹത്തിന്റെ ഒരു ചിത്രം ഞാന്‍ ഇടുന്നു. [ജൂണ്‍ 30, 2:16 PM]

കോടിയേരിയുടെ വീട് റെയ്ഡ് ചെയ്യണം!

2009-06-27T00:30:00.009+05:30

സിനിമയ്ക്ക് പോയി തിരിച്ചു വന്നിട്ട് നെറ്റ് ഒക്കെ ഒന്നു തപ്പിയെക്കാം എന്ന് കരുതി... മനോരമ ഓണ്‍ലൈന്‍ തുറന്നതും ഞെട്ടിപ്പോയി!

"കോടിയേരിയുടെ വീട് റെയ്ഡ് ചെയ്യണം - കോടതി"

കോടിയേരി ഞെട്ടിയോ എന്നറിയില്ല! നാളെ പത്രം വന്നിട്ട് ഞെട്ടിയാലും മതിയല്ലോ?...
TV കാണാന്‍ വകുപ്പൊന്നും ഇല്ല. അതുകൊണ്ട് ഈ വാര്‍ത്ത എവിടെയൊക്കെ എത്തിയെന്നും, ഏതൊക്കെ ചാനെലില്‍ വന്നെന്നും ഒന്നും എനിക്കറിയില്ല! വേറെ സൈടിലൊന്നും കണ്ടതും ഇല്ല!

തീയതിയും സമയവും മനോരമയില്‍ തന്നെ വരുമോ?

ഈ റെയ്ഡ് എന്ന് പറഞ്ഞാ എന്താ സംഭവം? എനിക്ക് മനസ്സിലാവുന്നില്ലാ...

താഴെ ക്ലിക്കിയാല്‍ വലിയ ചിത്രം കാണാം...

ലോക കപ്പ്‌ - ധോനി നമ്മുടെ മാനം കാത്തു!

2009-06-21T12:40:00.004+05:30

ചരിത്രത്തില്‍ ഇതുവരെ ഒരൊറ്റ ലോക കപ്പ്‌ മാച്ചില്‍ പോലും പാകിസ്താന്‍ ഇന്ത്യ യെ തോല്‍പിച്ചിട്ടില്ല! ഇത്തവണ അവന്മാര്‍ക്ക് ഒരു ചാന്‍സ് ഒതുവന്നതാണ്. ധോനിയുടെ സന്ദര്‍ഭോചിതമായ ബാറ്റിങ്‌ ഉം കാപ്ടിന്‍സി ഉം കാരണം ആ ദുരന്തം ഒഴിവായി! സെമിയില്‍ എങ്ങാനും കയറിയിരുന്നെങ്കില്‍. ഹൊ!
ഇത്തവണ ധോനി മാനം കാത്തു എന്ന് പറയുന്നതില്‍ തെറ്റൊന്നും ഇല്ല. കാരണം ആര് ജയിപ്പിചാലും ക്രെഡിറ്റ്‌ മൊത്തം ധോനിക്കാണല്ലോ... അപ്പൊ പിന്നെ തോറ്റാലും ക്രെഡിറ്റ്‌ വേറെ ആര്‍ക്കും കൊടുക്കേണ്ട കാര്യമില്ല! യേത്?... (കഴിഞ്ഞ തവണ കപ്പു വാങ്ങിച്ചു കൊടുത്ത ആണ്‍ പിള്ളേര് ഒന്നും ഫോമിലും അല്ല!)

1992 മുതല്‍ ഉള്ള ചരിത്രം -

1992 ലോകകപ്പ് ജയിച്ചത്‌ പാകിസ്താന്‍ ആണ്. പക്ഷെ, പാകിസ്ഥാനെതിരായ മത്സരത്തില്‍ ബാറ്റിങ്ങിലും ബൌളിങ്ങിലും ഒരുപോലെ ശോഭിച്ച സച്ചിന്റെ മികവില്‍ ഇന്ത്യ പാകിസ്ഥാനെ തോല്പിച്ചു.

രണ്ടുതവണ മെരുക്കിയത് (1996, 1999 )നമ്മുടെ മഹാനായ ബൌളിംഗ് കോച്ച് ശ്രീമാന്‍ വെങ്കി പ്രസാദിന്റെ മിടുക്കുകാരണം ആണ്... (ലോകകപ്പില്‍ പാകിസ്ഥാനെതിരെ മാത്രം... അപ്പോള്‍ മാത്രം ഫോമില്‍ ആവുന്ന നമ്മുടെ സ്വന്തം കോച്ച്!)

2003 ഇല്‍ ആവട്ടെ സച്ചിന്‍ ഉണ്ടായിരുന്നത് കൊണ്ടു കൂടുതല്‍ അധ്വാനം ഒന്നും വേണ്ടി വന്നില്ല! 75 ബോള്‍ 98 റണ്‍സ്!

2007 ഫസ്റ്റ് റൌണ്ട് കഴിഞ്ഞപ്പോഴേ ഇങ്ങോട്ട് വണ്ടികേറി!

പിന്നെയങ്ങോട്ട് ധോനി യുഗം ആണല്ലോ... ധോനിയെകുറിച്ചു അല്പം...

2007 T20 ലോകകപ്പ് -
ആദ്യത്തെ കളി ഏകദേശം തോറ്റു! അവസാന പന്തില്‍ വേണ്ടത് ഒരൊറ്റ റണ്‍! അപ്പൊ ദാ വരുന്നു ശ്രീശാന്തിന്റെ ഒരു റണ്‍ ഔട്ട് ! മാച്ച് ടൈ! ബൌള്‍ ഔട്ട് ഇല്‍ ഇന്ത്യ ജയിച്ചു!
പിന്നെ ഗംഭീര്‍, യുവരാജ്‌, ആര്‍ പി സിംഗ്, ഇവരൊക്കെ ചേര്ന്നു ഫൈനല്‍ എത്തിച്ചു!(സെമി ഇല്‍ ശ്രീ ടെ സ്പെല്‍ ഇല്ലെങ്കി കാണായിരുന്നു! :))
പിന്നെ ഫൈനല്‍! പതിനേഴാമത്തെ ഓവര്‍ മുതല്‍ മിസ്ബാ ഔട്ട് ആകുന്ന വരെ പാകിസ്താന്‍ ഏകദേശം കപ്പ്‌ സ്വപ്നം കണ്ടു! ദാ വരുന്നു പിന്നെയും ശ്രീശാന്ത്‌!അങ്ങനെ കപ്പും കൊണ്ടു ഇങ്ങെത്തി!
അന്ന് തുടങ്ങിയ ധോനി യുഗം ഇനി എന്താവും?
ധോനി യുടെ കാപ്ടിന്‍സി മോശം ആണെന്നല്ല പറഞ്ഞുവരുന്നത്! പക്ഷെ അതില്‍ ഭാഗ്യത്തിന്റെ ഒരു തരിയെങ്കിലും ഇല്ലാതില്ല!
ഉദാഹരണം-
1. ശ്രീലങ്കയും ആയി നടന്ന അവസാന പരമ്പര!
ആകെയുള്ള 5 കളികളില്‍ ആദ്യത്തെ 4 ഇലും ടോസ്‌ ഇന്ത്യ ക്ക് ! ആദ്യത്തെ നാലിലും ആദ്യം ബാറ്റ് ചെയ്തു ഇന്ത്യ കളി ജയിച്ചു! അവസാനത്തെ കളിയില്‍ മാത്രം ടോസ്‌ ശ്രീലങ്കയ്ക്ക്! അതില്‍ അവര്‍ ആദ്യം ബാറ്റ് ചെയ്തു. അവര്‍ ജയിച്ചു!
2. 2007 T20 ലോകകപ്പ് - പാകിസ്ഥാനെതിരെ ഉള്ള രണ്ടു മത്സരങ്ങള്‍. നേരത്തെ പറഞ്ഞല്ലോ!
3. ഏറ്റവും മികച്ച ടീം!

സിക്സര്‍ സ്പെഷ്യലിസ്റ്റ്‌ ആയ നമ്മുടെ ധോനി T20 യുടെ ചരിത്രത്തില്‍ ആകെ അടിച്ചത് 4 സിക്സ്! അതില്‍ രണ്ടെണ്ണം കഴിഞ്ഞ സീരീസ്‌ ഇല്‍ ശ്രീ ലങ്കയ്ക്കെതിരെ ഫുള്‍ ടോസ്‌ പന്തില്‍! ഏറ്റവും ഉയര്ന്ന സ്കോര്‍ 35!

അവസാനത്തെ 10 കളികളിലെ 'പ്രകടനം'!

റണ്‍ - 9* ബോളുകള്‍ - 5
റണ്‍ - 9 ബോളുകള്‍ - 27
റണ്‍ - 13 ബോളുകള്‍ - 17
റണ്‍ - 2 ബോളുകള്‍ - 6
റണ്‍ - 28* ബോളുകള്‍ - 30
റണ്‍ - 26 ബോളുകള്‍ - 21
റണ്‍ - 14 ബോളുകള്‍ - 13
റണ്‍ - 11 ബോളുകള്‍ - 23
റണ്‍ - 30* ബോളുകള്‍ - 20
റണ്‍ - 5 ബോളുകള്‍ - 12

മിക്കതിലും പന്തുകള്‍ കൂടുതല്‍, റണ്‍ കുറവ്‌!

"റണ്ണുകള്‍ വാരിക്കൂട്ടുന്ന ദൈവങ്ങളെക്കാള്‍ ജനങ്ങള്‍ ഇഷ്ടപ്പെടുന്നത് കളികള്‍ ജയിപ്പിക്കുന്ന മനുഷ്യരെ ആണ്!"
ഒരിക്കല്‍ ഒരു പ്രമുഖ പത്രത്തില്‍ ഒരു ലേഖനത്തില്‍ വന്നതാണിത്! ധോനിയെ കുറിച്ചുള്ള പരമ്പര ആയിരുന്നു!
ആരെയൊക്കെ ആണ് ഉദ്ദേശിച്ചത് എന്ന് വ്യക്തം! സച്ചിനെ തന്നെ!
സത്യത്തില്‍ വേദന തോന്നി! കാരണം സച്ചിന്‍ ജയിപ്പിച്ചപോലെ ഇന്ത്യയെ വേറെ ആരും ജയിപ്പിച്ചിട്ടില്ല! ജയത്തിന്റെ അരികില്‍ എത്തിച്ചിട്ടില്ല! ജയിപ്പിക്കാന്‍ ശ്രമിച്ചിട്ടില്ല! സംശയമുള്ളവര്‍ക്ക് എന്റെആര്‍ട്ടിക്കിള്‍ പരിശോധിക്കാം!

ഇംഗ്ലണ്ടിനെതിരെ രണ്ടു പരമ്പരകളും, ഓസ്ട്രലിയ്ക്ക് എതിരെ രണ്ടു പരമ്പരകളും ജയിപ്പിക്കാന്‍ സച്ചിനും, സൌത്ത് അഫ്രികയ്ക്ക് എതിരെയും, ഇംഗ്ലണ്ടിനെതിരെ രണ്ടു പരമ്പരകളും ജയിപ്പിക്കാന്‍ യുവരാജും, കിവീസിനെതിരെ സച്ചിനും, ഗംഭിരും, സെവാഗ് ഉം ഉള്ളപ്പോള്‍ ധോനിക്കാണോ കപ്പ്‌ എടുക്കാന്‍ പാടു! പിന്നെ എന്താ അഞ്ചാമനായി ഇറങ്ങി ഔട്ട് ആകാതിരുന്നാല്‍ avrg ഉം കൂട്ടാം, റാങ്കും നിലനിര്‍ത്താം. മാച്ച് ഫിനിഷെര്‍ എന്ന പേരും കിട്ടും!

ഇത്രയും എഴുതിയത്‌ ധോനിയോടുള്ള വെറുപ്പ്‌ കാരണം അല്ല! 2007 T20 ലോകകപ്പ് തുടങ്ങുന്ന വരെ ധോനിയുടെ കളിയുടെ ആരാധകരായിരുന്നു ഞങ്ങള്‍ ഒരുപാടുപേര്‍! എന്നാല്‍ ലോകകപ്പിന്‌ തുടങ്ങിയ ശൈലി മാറ്റം (?) (ക്രീസില്‍ നിന്നു ചാടിയിറങ്ങി ഓഫ്‌ സൈഡ് ഇല്‍ പന്ത് തട്ടി ഇടുന്ന സ്ഥിരം പരിപാടി!) ഇനിയും തുടര്‍ന്നാല്‍ non പ്ലയിംഗ് ക്യാപ്റ്റന്‍ ആവേണ്ടി വരും!
ഇപ്പോള്‍ പൊക്കി പൊക്കി എവിടെയൊക്കെയോ കയറ്റി വച്ചിരിക്കുന്ന ഈ പത്രക്കാരും TV കാരും ഒന്നും ഉണ്ടാവില്ല പിന്നെ.
അര്‍ഹതയില്ലാത്ത ഒരുപാടു പുരസ്കാരങ്ങള്‍ ഇപ്പോള്‍ തന്നെ കിട്ടിയിട്ടുണ്ട്! ഒരെണ്ണം ഇതാ!

എന്നാല്‍,
6 ടെസ്റ്റ്‌ മാച്ചുകളെ ഇന്ത്യന്‍ ക്യാപ്റ്റന്‍ ആയി ധോനി കളിച്ചിട്ടുള്ളൂ... അതില്‍ ക്യാപ്റ്റന്‍ എന്ന നിലയിലും ബാറ്റ്‌സ്‌മാന്‍ എന്ന നിലയിലും ധോനിയുടെ പ്രകടനം വളരെ മികച്ചതാണ്!

പരീക്കുട്ടിയുടെ ഉണക്കചെമ്മീന്‍

2009-06-10T19:30:00.002+05:30

പരീക്കുട്ടി ഇതാ വീണ്ടും ജനമനസ്സുകളിലേക്ക്...
ഇത്തവണ ചെമ്മീന്‍ അല്ല, ഉണക്കചെമ്മീന്‍ ആണെന്നുമാത്രം!
സ്വാദിഷ്ടമായ ഉണക്ക ചെമ്മീന്‍ റോസ്റ്റ്‌. പാക്കറ്റ് വില വെറും രണ്ടുരൂപ അമ്പതു പൈസ!

കാസര്‍ഗോഡ്‌ മുതല്‍ തിരുവനന്തപുരം വരെ എല്ലാ പലചരക്ക് കടകളിലും ലഭ്യമാണ്.
ഒരു ചെറിയ പാക്കറ്റ് 'പരീക്കുട്ടി' ഉണ്ടെങ്കില്‍ ഒരു പാത്രം ചോറ് / കഞ്ഞി ഒറ്റ ഇരിപ്പിന് അകത്താക്കാം.
"മാനസമൈനേ..." പാടി ബീച്ചില്‍ ഇരിക്കുന്ന വിരഹ കാമുകന്‍ മാര്‍ക്ക് സ്നാക്ക്സ് ആയും ഉപയോഗിക്കാം!.

<-- ഇവിടെ ക്ലിക്കിയാല്‍ കുറച്ചുകൂടി വലിയ ചിത്രം കാണാം.

നിര്‍മാണം: നാച്ചുറല്‍ ഫുഡ്സ്, മലപ്പുറം.

കോപ്പിറൈറ്റ്: തകഴി, ബാബുഇസ്മയില്‍, രാമു കാര്യാട്ട്‌, SL പുരം.

ഫോട്ടോ കോപ്പിറൈറ്റ് : Marcus Bartley, ഹരികൃഷ്ണന്‍ .

ക്രിക്കറ്റ് ചരിത്രത്തിലെ ഏറ്റവും മികച്ച റെക്കോര്‍ഡ്

2008-12-11T02:09:00.007+05:30

സച്ചിന്‍ തെണ്ടുല്‍കര്‍ എന്ന മഹാരഥന്റെ മറ്റൊരു റെക്കോര്‍ഡ് നു കൂടി സാക്ഷ്യം വഹിക്കാന്‍ ഒരുങ്ങിക്കോളൂ... ഇത്തവണത്തെ റെക്കോര്‍ഡ് നു വലിയ ഒരു സവിശേഷത ഉണ്ട്... ഈ റെക്കോര്‍ഡ് നു സച്ചിന്‍ എത്ര വലിയ മാച്ച് വിന്നര്‍ ആണെന്ന് തെളിയിക്കാന്‍ പറ്റും എന്നത് തന്നെ കാരണം.

ഇന്ത്യ വിജയിച്ച കളികളില്‍ പതിനായിരം (10000) റണ്ണുകള്‍ തികക്കാന്‍ , സച്ചിന്‍ നു ഇനി വെറും 61 റണ്‍സ് കൂടി മതി. അതായത് സച്ചിന്‍ ന്റെ ശേഖരത്തില്‍ ഇപ്പോള്‍ 9939 മാച്ച് വിന്നിംഗ് റണ്ണുകള്‍ ഉണ്ട്.
61റണ്ണുകള്‍ കൂടി സച്ചിന്‍ നേടി ഇന്ത്യ ജയിക്കുകയാണെങ്കില്‍ അദ്ദേഹം ഈ നേട്ടം കൈവരിക്കുന്ന ലോകത്തിലെ ആദ്യത്തെ ആളാകും. സ്വന്തം ടീം വിജയ്യിച്ച കളികളില്‍ പതിനായിരം റണ്ണുകള്‍ തികക്കുന്ന ലോകത്തിലെ ആദ്യത്തെ ക്രിക്കറ്റ് കളിക്കാരന്‍ .

സച്ചിന്‍ ന്റെ അവസാന 5 ഇന്നിങ്ങ്സ് സ്കോര്‍ - 63, 117, 91, 11, 50.

ഞാന്‍ ഇതു എന്റെ വെബ്സൈറ്റ് ഇലെ ഒരു പേജ് ആയി അപ്‌ലോഡ് ചെയ്തിരുന്നു എങ്കിലും പ്രധാന താളില്‍ ലിങ്ക് കൊടുത്തിരുന്നില്ല. മുംബൈ ആക്രമണ വാര്‍ത്തകള്‍ ഞാന്‍ അറിയുന്നത് ഇതു ഉണ്ടാക്കി കൊണ്ടിരിക്കുമ്പോള്‍ ആണ്. പിന്നെ അത് പബ്ലിഷ് ചെയ്യാന്‍ തോന്നിയില്ല. ആ പേജ് ഇവിടെ കാണാം.

സച്ചിന്‍ ഇതുവരെ 42 നൂറുകള്‍ അടിച്ചിട്ടുണ്ട്. അതില്‍ 30 എണ്ണം ഇന്ത്യ വിജയിക്കാന്‍ കാരണമായി. രസകരമായ കാര്യം എന്താണെന്നു വച്ചാല്‍, നൂരുകളുടെ ആകെ എണ്ണത്തില്‍ സച്ചിന് പിറകില്‍ നില്ക്കുന്ന ജയസൂര്യ, ഇതുവരെ 27 നൂറുകളെ അടിച്ചിട്ടുള്ളൂ, അതായത് സച്ചിന്‍ ഇന്ത്യ യുടെ ജയത്തിനു സംഭാവന നല്കിയ നൂരുകലേക്കാള്‍ 3 എണ്ണം കുറവ്...
ഇതുവരെ ഉള്ള സ്റ്റാറ്റിസ്റ്റിക്സ് ആ പേജ് ഇല്‍ കണ്ടു കാണുമല്ലോ...

ഈ റെക്കോര്‍ഡ് സച്ചിന്റെ രക്തത്തിന് വേണ്ടി മുറവിളി കൂട്ടുന്നവരുടെ വായടപ്പിക്കും എന്ന് കരുതട്ടെ...

ചില പോയിന്റുകള്‍.
സച്ചിന്‍ വിരമിക്കണം എന്ന് പറയുന്നവരോട് -
:: സച്ചിന് പ്രായം 35.
:: സച്ചിന്‍ ആണ് 2007-2008 ഇലെ രണ്ടാമത്തെ ഏറ്റവും വലിയ റണ്‍ വേട്ടക്കാരന്‍ .
:: ലാറ, അക്രം, വാണ്‍, ഇന്‍സമാം, വഖാര്‍, എന്നിവരെല്ലാം വിരമിച്ചത് 37 കഴിഞ്ഞ ശേഷം. 37 പിന്നിട്ട പലരും ഇപ്പോളും കളിക്കുന്നു...
:: സച്ചിന്‍ ഇന്നു ടീം നു ഒരു ബാധ്യത അല്ല. 2008 ലെ റെക്കോര്‍ഡ് പരിശോധിച്ചാല്‍ അറിയാം. 2008 മാര്‍ച്ച് ഇല്‍ കളി നിര്‍ത്തുമ്പോള്‍ സച്ചിന്‍ ലോക ഒന്നാം നമ്പര്‍ ആണ്. പിന്നെ കഴിഞ്ഞ മാസം 2 കളിയെ കളിച്ചിട്ടുള്ളൂ.

എന്റെ വെബ്സൈറ്റ് ബാക്കി ഏത് ചോദ്യത്തിനും മറുപടി തരും എന്ന് ഉറപ്പുണ്ട്... അതിനാല്‍ അത് കൂടി കാണുക.

ഓലപ്പടക്കം ചീറ്റിപ്പോയി! ഇനി പിപഠിഷു!

2008-12-06T11:32:00.015+05:30

എന്റെ ആദ്യത്തെ മലയാളം ബ്ലോഗ് ഓലപ്പടക്കം ചീറ്റിപ്പോയ കാര്യം എല്ലാവരും അറിഞ്ഞിരിക്കുമെന്ന് കരുതുന്നു.
ഓലപ്പടക്കം എന്ന പേരു പല സാന്ഗേതിക പ്രശ്നങ്ങളും ഉണ്ടാക്കുമത്രേ... ഇതു എന്റെ കൂട്ടുകാരുടെ അഭിപ്രായം ആണ്...
പിന്നെ അത് തുടരാന്‍ എനിക്കും ഒരു സുഖം തോന്നിയില്ല. അത് ഡിലീറ്റ് ചെയ്തു... ഇപ്പൊ ഇതാ പിപഠിഷു!

" പഠിക്കാന്‍ അതിയായ ആഗ്രഹം ഉള്ളവന്‍ " എന്ന് അര്‍ത്ഥം.

ഈ വാക്ക് സംസ്കൃതത്തില്‍ നിന്നു ആണ്. ചെറുപ്പകാലത്ത്‌ എന്റെ സുഹൃത്ത് വഴി ആണ് ഈ വാക്ക് എനിക്ക് പ്രീയപ്പെട്ടതായത്. ബിനു എന്ന എന്റെ സുഹൃത്ത് സ്ഥിരമായി ഉപയോഗിക്കാരുണ്ടായിരുന്നു ഈ വാക്ക്. എനിക്ക് അന്ന് മുതലേ ഇതു നന്നേ ബോധിച്ചു. 'ബുജി' എന്ന വാക്കിനു പകരം ഞങ്ങള്‍ പലരെയും അഭിസംബോധന ചെയ്യുന്നത് ഈ വാക്ക് കൊണ്ടായിരുന്നു!
ബ്ലോഗ് നു പേരു തപ്പി നടക്കുമ്പോള്‍ ആണ് പെട്ടെന്ന് ഓര്‍മവന്നത്. ഇതിന്റെ പേറ്റന്റ് എനിക്ക് തന്നെ ഇരിക്കട്ടെ!
ഓലപ്പടക്കം പോലെ അല്ല. ഇതു എന്തായാലും മുന്‍പോട്ടു കൊണ്ടു പോകാനാണ് പരിപാടി.
കമന്റടിക്കാന്‍ യാതൊരു മടിയും വേണ്ട...
കമന്റടിക്കണേ...

എന്റെ സ്വകാര്യ വെബ്സൈറ്റ് സന്ദര്‍ശിക്കാന്‍ ഇവിടെ പ്രസ് ചെയ്യുക.

സച്ചിന്‍ തെണ്ടുല്‍കരിനെ കുറിച്ചു ഞാന്‍ തയ്യാറാക്കിയ വെബ്സൈറ്റ് ഇവിടെ കാണുക.

എന്റെ ഇംഗ്ലീഷ് ബ്ലോഗ് കാണുക.

'പിപഠിഷു' വിന്റെ ചരിത്രം കൂട്ടിചെര്‍ക്കാനായി എഡിറ്റ് ചെയ്യുന്നു (25 oct 2009 - 12.28 pm)